Mithumo 15:20 - Bhibhiliya Nya Guage

²⁰ Va na ningwe basi nayo nya gumba hodza nyama nya guphasedwe dzinguluve ni nyama nya sirengo nya gufe khu gu tshwedza, ni gu diga wubhayi, ni gumba hodza novba.

Mithumo 15:20 Iomraidhean Croise

Genesi 35:2

Jakobe a di embela ngamo yaye ni vatshavbo a nga bani nari navo, khuye: “Fuvisani vanungungulu nya valombo va guromo vbakari gwanu, dzi agiseni mu vbindrugedza guambala.

Genesi 9:4

Aholu, nyama mu nga yi hodzini nyamba phela khu gu yi dusa novba wakone, kholu novba womi.

Ekisodha 20:23

Khu guralo, mu nga girini vanungungulu nya parata mwendro nya ndralama, mu va vega vbafuvbi gwangu. Mu nga girini isoso.

Ezekiyeli 33:25

Khu guralo, va tivise, khuwe: Mune Pfhumu Nungungulu, a ngu ganela kharati, khuye: Kha nga olu mu hodzago nyama ni novba wakone, mu bwelo khavbo mu khozela sifananiso ni gu vbaladza novba; ina mu nga na gu khala vamune litigo leli, gani?

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Levhi 18:6

Gu nga manegi mwama vbakari gwanu a tiyelago gu hidzimela ga nongo waye nya nyamayi, wule a gu nongo waye, kholu a nga funungula wumbwiri waye. Eni kheni Pfhumu Nungungulu.

Levhi 19:26

Mu nga hodzi gilo gi gu ni novba, mu nga giri wutumbe mwendro gulola dzisolo.

Levhi 3:17

Owu nayo nya gupindruge wu na hungago sanana sanu, ni evbini mu na gu bani mu vbanya avbo: Mu nga hodzini mafura mwendro novba.”

Mitengo 25:2

Avo va di ndrindredzela vathu umo nya miphaso ya vanungungulu vawe; khu guralo, vathu va na Israyeli va di hodza dzimhamba dzodzo, va wuya va khidzimela vanungungulu vawe, va va girela miphaso.

Mithumo 15:29

Mu diga gu hodza esi si phasedwego dzinguluve, ni novba, ni nyama nya sirengo nya gufe khu gu tshwedza, ni gu diga wubhayi. Mu na gira gwadi mwa gu dzi vegisa ga silo sesi. Vbanyani gwadi.”

Mithumo 21:25

Gasi, ava va si gu Vajudha aholu va dzi giridego vakhodwa va Kristo, hi va lovede lidangalila hi va tivisa mawonelo yathu, khethu: Va nga hodzi nyama nya sirengo nya guphasedwe vanungungulu nya malipha, va nga hodzi novba, ni nyama nya sirengo nya gutshudziswe, ni gumba bhaya.”

1 Vakorinto 5:11

Gasi eni nyi mi lovede gukheni mu si thangini wupari ni wule a gukhuye mukhodwa ga Kristo nari muthu nya wubhayi, nya lidiwo, nya guphasele vanungungulu nya malipha, nya guvale, ni guleva ni guba. Muthu nya nga yoyo mu nga hodzelani naye, ambari gu khala naye meza mweyo.

1 Vakorinto 6:13

Guhodza gu emede guya girumbuni, kha nga girumbu nigyo gi emedego gu hakha guhodza. Aholu, Nungungulu a na pfhungumula sa sivili: Guhodza ni girumbu. Aholu, givili gyathu kha gi yeli gu thumiswa wubhayi, kholu khya Pfhumu, Pfhumu nuye khwa givili.

1 Vakorinto 6:18

Thavani wubhayi! Kholu mambe mafumbu yatshavbo nya sighoho a girago muthu, kha si nyenyezisi givili gyaye. Aholu, oyu a girago wubhayi a ngu nyenyezisa givili gyaye.

1 Vakorinto 6:9

Ina mwa gu hangwa khu gukhenu va nya guvivbedwa khu monyo, gima kha va na nga hodza thomba nya Mufumo wa Nungungulu, gani? Mu nga dzi pembi! Va nya horo, va nya guphasa sithombe nya vanungungulu nya malipha, ni sibhayi, ni vama va dzi girago vanyamayi, va bhayana khu gyawe mwama ni mwama kwawe,

1 Vakorinto 7:2

Aholu khu kota nya wubhayi, mwama ni mwama a na khale ni mwangadzi waye, nyamayi ni nyamayi nuye ni mwama waye.

1 Vakorinto 8:1

Olu nya guvbweta gu ganela khu mahungu nya nyama nya guphasedwe vanungungulu nya malipha. Ethu hatshavbo hi ngu pima gwadi. Aholu, gupima gu ngu gira muthu a dzi gugumugisa; gasi lihaladzo khilo li vbahago ni gu dandrisa gukhodwa.

2 Vakorinto 12:21

Gasi Nungungulu wangu a si nyi theli dzitshoni vbakari gwanu, nya gu vboha gambe iyoyo. Ni gulilela vale va nga girago sihoso gale, va si vbindrugedzi guvivbani gwatshavbo, ni gu dzi nyenyezisa khu wubhayi va wu giridego.

Vagalatiya 5:19

Kholu mithumo ya tumbunugo nya wuthu yi wonegisidwe hiyo dhunya; kheyi: Wubhayi, wuphuphulu, horo,

Vaefeso 5:3

Aholu Wubhayi ni mithumo yatshavbo nya gunyenyeze, ni gu gundrela ni gu khumbugwa si nga khumbugwi vbakari gwanu, kholu enu mu sihathwa sa Nungungulu.

Dhewuteronome 12:16

Vbavbandze nya novba mu nga hodzi; u na wu vbaladza vbavbatshi kha nga mati.

Dhewuteronome 14:21

Mu nga hodzini ni girengo gimwegyo nya gufe gyabune. Mu ngu dzi kodzani gu gi ningela ga muluveli, a vbanyago dhoropani gwago, gasi a gi hodza, mwendro gu gi rengisa ga muthuyo, kholu mu vathu mu agidego mahoni ga Pfhumu Nungungulu wanu. U nga phuli phongo khu mahwe ya mayi waye.

Dhewuteronome 15:23

Vbavbandze basi nya novba wakone, mu nga hodzi, u na wu vbaladza mafuni kha nga mati.

Vakolosi 3:5

Songani myonyoni gwanu gunavela gwatshavbo nya wuthu wa mafuni: Wubhayi, horo, wuphuphulu, mahingigedzo nya guvivbe ni ligungo a gu idzosaye ni gu khozela vanungungulu nya malipha.

1 Vatesalonika 4:3

Nungungulu a gu vbweta mu vbanye khu ndruda, mu gimbilele hwindzo ni wubhayi,

Vahebheru 12:16

Dzi woneleni, gasi ni moyo nya enu a si khali muthu nya gudange nayo ni gumbana githawo ga silo si agidego, kha nga Esawu a nga rengisa wukoma waye khu gufela mbiya nya guhodze.

Vahebheru 13:4

Lipango li na ningwe githawo khu vathu vatshavbo. Vama ni vagadzi vawe va na tumbane khu gyawe. Nungungulu a na lamula va nya gugira wuphuphulu ni vale va girago wubhayi.

1 Pedro 4:3

Gale enu mu luzide gikhati nya gingi khu gu girani esi va nya mayigo va si golago gu gira. Gikhati gyogyo, enu mu di gu vbanya wubhayini, ni gudogolela nya givili, ni wubewudzi, ni limidzo, ni guleva, ni gunyenyeza gwatshavbo nya gukhozele vanungungulu nya malipha.

Gutuledwa 10:2

Yi di pharide mandzani libhuku na li tudwe. Yi di gandra phwani khu ngondro wa nyamudye, khu ngondro wa nyambade yi gandra mafuni,

Gutuledwa 10:8

Lito lile la ndzadzini nyi nga lipwa, li di wuya li nyi embela gambe, khilo: “Indra uya dzega gibhukwana nya gutudwe gi guromo mandzani ga ngilozi yile yi emidego, yi gandra yiphwa ni mafu.”

Gutuledwa 2:14

Aholu, u na ni nandru; kholu u navo vbakari gwago valandreli nya nayo wa Bhalahama wu nga hevbudzwago khu Bhalahaki, gasi gu tshunganedzisa sanana sa Israyeli, si hodza nyama nya sirengo nya guphasedwe sithombe nya vanungungulu nya malipha, ni gu gira wuphuphulu.

Gutuledwa 2:20

Aholu, u na ni nandru kholu u digago Jezabheli, nyamayi a dzi girago muprofeti, a ndreyisa sithumi sangu, a si hevbudza gu gira wuphuphulu, ni gu hodza nyama nya guphasedwe vanungungulu nya malipha.

Gutuledwa 9:20

Ambari ga sigaradzo satshavbo sesi, vale va nga vbulugago, kha va dzi kodza gu vbindrugedza mavbanyelo, va nyenya sithombe nya guwumbwe khu mandza yawe, kha va diga gu khozela sikwembu ni sithombe nya guwumbwe khu ndralama, khu parata, mwendro khu sugu ni misimbo. Va rana vanungungulu sithombe nyamba wona, nyamba pwa, nyamba gimbila.

1 Samuweli 14:32

va phela gu phanga dzimombe, dzinvuta, marole, va si songa vbavbatshi, va si hodza ni novba waso.

1 Samuweli 14:33

Khu guralo va diya tivisa Sawule, khavo: “Vathu va ngu ghohela Pfhumu Nungungulu, khu gu hodza nyama ni novba waye.” Sawule a di va hakha, khuye: “Mu ghohide. Wumbulutelani giwindri gita avba.”