Mithumo 15:17 - Bhibhiliya Nya Guage

¹⁷ gasi vathu vatshavbo vale va nga tshadego va vbwete Pfhumu. Gumogo ni va nya mayigo vatshavbo va agisedwego Lina langu,

Mithumo 15:17 Iomraidhean Croise

Genesi 22:18

Mayigo yatshavbo ya mafuni, ma na kategiswa khu ga melego wago, kholu uwe u yingiside magana yangu.”

Genesi 48:16

ngilozi yi nyi vbulugisidego guvivbani gwatshavbo, a na kategise sanana sesi. Si na gire lina langu li simama kala gupindruga, ni malina ya vababe vangu Abrahama ni Isaki va na velegelane va tala tigoni momu.

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Isaya 63:19

Hi khade kha nga vale va gu gima u si va fumeli, ni vale va gu gima va si gu ranwi khu lina lago.

Isaya 65:1

Nyi vbwetidwe khu vale va ngamba nyi wudzisa, nyi manwa khu vale va ngamba nyi vbweta, ga litigo li nga bani li si rani lina langu, eni nyi di ganela, kheni: “Nyi womo avba.”

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Dhaniyeli 9:19

Uwe Pfhumu, yingisa! Pfhumu, divalela! Pfhumu, hi hakhe; thuma u nga hweli! Khu kotani nya lihaladzo lago, uwe Nungungulu wangu, u nga hweli; kholu lidhoropa lago ni vathu vago va gu ranwa khu lina lago.

Hoseya 2:23

Khu litshigu lolo, Pfhumu Nungungulu a ngu ganela, khuye: Eni nyi na ninga phindrulo Ndzadzini, ni Ndzadzini, gu na ninga phindrulo mafuni.

Joyele 2:32

Watshavbo wule a ranago lina la Pfhumu Nungungulu a na vbanyiswa; kholu gigomoni gya Siyoni dhoropani ga Jerusalema, gu na manega gutshudziswa, kha nga edzi Pfhumu Nungungulu a ganedego khidzo, ni vbakari nya mitshaledwa va na manega vale va na gu bani va ranidwe khu Pfhumu Nungungulu.

Amosi 9:12

gasi vathu vangu va fumela mitshaledwa ya Edhomi ni mayigo yatshavbo ma ranwago khu lina langu, a ngu ganela Pfhumu Nungungulu, a girago silo sesi.

Mikeya 5:7

Mitshaledwa ya Jakobe, yi na manega vbakari nya mafumbu nya mangi, kha nga hunguva yitago khu ga Pfhumu Nungungulu, kha nga mafesefese nya ndzadzi mwasini, kha yi na vega gitumbo gyaye ga muthu, ambari gu lirela sanana nya vathu.

Zakariya 2:11

Khu litshigu lolo, mayigo nya gutale ma na ta dzi tshanganisa ga Pfhumu Nungungulu, va na khala vathu vangu; nyi na vbanya vbakari gwago, khavbo u na dzitigo gukhuwe Pfhumu Nungungulu nya Tshivba Yatshavbo, a nyi rumede gwago.

Malakiya 1:11

Aholu gukhugela Khugadambo kala Muhwadambo. Lina langu likhongolo ngudzu vbakari nya mayigo; malangani gwatshavbo va ngu nyi rungudza, va vbisa libani khu lina langu, va nyi girela miphaso yi agidego, kholu lina langu likhongolo vbakari nya mayigo, a ngu ganela Pfhumu Nungungulu nya Tshivba Yatshavbo.

Mitengo 24:23

Bhalahama a di engedza a lola, khuye: Libango ga uye a na tshalago, gikhati Nungungulu a na girago esi!

Mitengo 6:27

Khu guralo, mu na rana Lina langu vbatshani ga sanana sa Israyeli, Eni nyi na va kategisa.”

Dhewuteronome 28:10

Mayigo yatshavbo ya mafuni ma na gu wona na wu gu ranwa khu lina la Pfhumu Nungungulu, ma na gu ninga githawo.

Jakobe 2:7

Ina khandriso sitetema si ganelago guvivba khu lina nya ladi, eli a mi ningidego, gani?