Mithumo 14:3 - Bhibhiliya Nya Guage

³ Aholu Pawulo ni Bharinabha va di khala dhoropani mule matshigu nya mangi, na va gu tumba Pfhumu, a nga bani a gu tadzisela tshumayelo yawe khu siwonegiso ni siliwugiso si nga bani si girega khu mandza yawe.

Mithumo 14:3 Iomraidhean Croise

Marko 16:20

Vapizane va di khuga khu vbale va gimbila va tivisa Ivhangeli malangani yatshavbo. Pfhumu a di thumisana navo, a tiyisa magana yawe khu siliwugiso va nga bani va gu gira. Amen.

Johane 4:48

Jesu a di mu embela, khuye: “Mwamba wonani siyeyedzo ni siliwugiso kha mu khodwi!”

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 2:22

“Vama va na Israyeli, yingisani gwadi magana yaya. Jesu wa Nazareta dandrisidwe vbakari gwanu khu mithumo ya tshivba, ni siliwugiso, ni siwonegiso esi Nungungulu a giridego khu uye vbakari gwanu, kha nga mu dzitigo gwadi.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 4:31

Na vari vbakari nya nombelo gu di manega girevareva vbale va nga bani va romo; vatshavbo va di tala khu Liphuvbo nya Guage, va gu ganela mahungu ya Nungungulu na va tiyide.

Mithumo 5:32

Ethu hi guromo avba hi dzifakazi nya silo sesi gumogo ni Liphuvbo nya Guage, eli Nungungulu a ningago vatshavbo vale va mu yingelago.”

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

1 Vatesalonika 2:2

Ambari hi nga hegula khu gu saniseka, hi vadwa tigoni ga Filipi, kha nga mu dzitigo, Nungungulu wathu a di hi ninga gutiya ni tshivba nya guhongole hiya ganela Mahungu nya Yadi tigoni gwanu, vbakari nya sigaradzo nya singi.

Vahebheru 2:4

Nungungulu tadziside wufakazi wawe khu gu gira siwoniso ni siliwugiso, yeyedzide tshivba yaye, a kabanisela siningwa nya Liphuvbo nya Guage, khu magirelo nya guhambanelane, kha nga guhaladza gwaye.