Mithumo 14:19 - Bhibhiliya Nya Guage

¹⁹ Va dita Vajudha khu Antiyokiya ni Ikoniya va ta kutsedzela vathu gu va wugela. Va di veta Pawulo khu siwindri, va mu ndrindra va gu duga naye vbavbandze nya lidhoropa khavo fude.

Mithumo 14:19 Iomraidhean Croise

Jeremiya 22:19

A gufa a na dzingwe kha nga buru; va na mu ndrindrandrindre va mu dzudzuga vbavbandze nya dzinyangwa dza Jerusalema.

Mithumo 13:14

Avo va di khuga khu Perga, va gimbila, va gu hongola mbeli kala va gu vboha tigoni ga Antiyokiya ga Pisidiya. Khu litshigu nya Sabhadho, va di bela nyumbani nya nombelo va gu khala vbavbatshi.

Mithumo 13:45

Vajudha na va wone gutala nya vathu va di tala khu lidiwo, va gu ganedza ni gu poyila magana ya Pawulo.

Mithumo 14:1

Pawulo ni Bharinabha, na va vbohide Ikoniya, va di bela nyumbani nya nombelo nya Vajudha, va gu ganela khu tshivba. Vathu nya vangi va di khodwa, Vajudha ni Vagreki.

Mithumo 14:18

Ambari ulo, kha sa va vbevbugela gu digisa gidzemo gu va girela mhamba.

Mithumo 14:2

Aholu, Vajudha vale va nga bomba gukhodwa, va di kutsedzela mahedheni gu wugela vandruye.

Mithumo 14:21

Hwane nya gu na va tshumayede Ivhangeli dhoropani mule, ni gu gira vapizane nya vangi, va di bwelela Listra, Ikoniya ni Antiyokiya.

Mithumo 14:26

vaya khilela ngalava va bwelela Antiyokiya, eyi va nga khuga khiyo, na va lombeledwe wuhigo wa Nungungulu gasi guya thuma thumo va nga rigu gu wu gira.

Mithumo 14:4

Aholu, vathu va dhoropani va di kabanega. Vambe va di ema ni Vajudha, vambe va gu ema ni vapostoli.

Mithumo 14:5

Va nya mayigo ni Vajudha na va gu thangedwa khu vafumeli vawe, va di hunga gikungo nya gu va poyile ni gu va pfara khu siwindri.

Mithumo 15:26

vama va ningedego womi wawe khu kotani nya Lina la Pfhumu Yathu Jesu Kristo.

Mithumo 17:13

Aholu, Vajudha va Tesalonika na va dzi tide gukhavo Pawulo a ngu tivisa Bhereya mahungu ya Nungungulu, va di hongola vaya kutsedzela vathu gu wusa pfilupfilu.

Mithumo 22:20

Gikhati wu nga bani wu vbalaga novba wa Sitefane, fakazi yago, nyi diromo neni vbale nyi hengela nava va nga bani va gu mu songa, kheni nyi nga khala ni dzingandzu dzawe.’

Mithumo 7:58

va mu ndrindrela vbavbandze nya lidhoropa, va mu pfara khu siwindri. Dzifakazi dzi di vegide myendra yawe migondroni ya moyo nya lidzaha nya gupwani khu Sawule.

Mithumo 9:16

Aholu, eni nyi na mu nonedza tshanisa a na gu yi wonago khu kotani nya lina langu.”

1 Vakorinto 15:31

Vandruye, khu gutsaka nyi gu nago mbeli ga Pfhumu yathu Kristo Jesu khu kotani yanu, nyi ngu mi embela gukheni matshigu yatshavbo nya gu wona gufa mbeli gwangu.

2 Vakorinto 11:23

Avo sithumi sa Kristo? Nya gu ganela nga gipumbu, nyi na ganela kheni, eni nyi womo mbeli ngudzu guvbindra avo. Nyi va vbindride mbeli ga mithumo yatshavbo; gu khothedwa mapasoni, gu kwamudwa khu dzimboma, gu vbuluga gufa gikhati nya gingi.

2 Vakorinto 11:25

Nyi vetidwe khu misimbo nyondro tharu, nyondro mweyo nyi vetwa khu siwindri. Nyi gimbide linene khu ngalava tanga nya guraru, nyi vbedzide litshigu rumba, wutshigu ni mihani, na nyi gu penga linene.

2 Vakorinto 11:26

Nyi di gira mapfhumba nyambana tengo, nyi saniseka ngudzu mitsongoni, ni gu saniswa khu dzimbafa, khu va na gyathu, ni va nya mayigo, madhoropani, mugiwulani, linene, ni vandruye nya malipha.

1 Vatesalonika 2:14

Vandruye, enu nenu khidzosaye ni mabandla nya vakhodwa va Jesu Kristo va guromo tigoni ga Judheya. Mu ngu saniswa khu va na gyanu nga edzi va nga saniswago khidzo avo khu Vajudha.

2 Thimoti 3:11

guvengwa ni gusaniseka nyi nga gu mana Antiyokiya ni Ikoniya, ni Listra. Dzitshanisa muni nyi dzi manego! Aholu, Pfhumu a nyi vbulugiside ga satshavbo soso.