Mithumo 14:1 - Bhibhiliya Nya Guage

¹ Pawulo ni Bharinabha, na va vbohide Ikoniya, va di bela nyumbani nya nombelo nya Vajudha, va gu ganela khu tshivba. Vathu nya vangi va di khodwa, Vajudha ni Vagreki.

Mithumo 14:1 Iomraidhean Croise

Marko 7:26

Nyamayi yoyu a diri wa nya mayigo, kholu a diri Musiro-fenisiya, a di mu lomba khuye a tutumise liphuvbo nya guvivbe ga mwanaye.

Johane 12:20

Vbakari nya vale va ngaya Jerusalema gasi guya khozela litshigu lile nya buzo, va diromo navo Vagreki.

Johane 7:35

Vajudha va di wudzisana, khavo: “Hayini a vbwetago guhongola avbo nyamba mu mana ethu? Mwendro a gu vbweta guya patana ni ava va phalalegidego tigoni nya Vagreki, gumogo ni guya hevbudza Vagreki?

Mithumo 11:21

Tshivba ya Pfhumu yi diri navo. Vathu nya vangi va di khodwa, va gu vbindrugedza mavbanyelo, va wuya ga Pfhumu.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 13:5

Na va vbohide gidwane gya Salamina, va di tivisa Mahungu ya Nungungulu mudzinyumbani nya nombelo nya Vajudha, gumogo ni Johane kha nga muphasedzeli wawe.

Mithumo 13:51

Aholu, vapostoli va di phuphutha kudzudzwane migondroni gwawe, gu yeyedza guhambana navo, va phara ndzila va hongola dhoropani ga Ikoniya.

Mithumo 14:19

Va dita Vajudha khu Antiyokiya ni Ikoniya va ta kutsedzela vathu gu va wugela. Va di veta Pawulo khu siwindri, va mu ndrindra va gu duga naye vbavbandze nya lidhoropa khavo fude.

Mithumo 14:2

Aholu, Vajudha vale va nga bomba gukhodwa, va di kutsedzela mahedheni gu wugela vandruye.

Mithumo 14:21

Hwane nya gu na va tshumayede Ivhangeli dhoropani mule, ni gu gira vapizane nya vangi, va di bwelela Listra, Ikoniya ni Antiyokiya.

Mithumo 16:1

Va di vboha madhoropani ya Dheribhe ni Listra. A diromo mupizane moyo a ranwago pwani khu Thimoti, gyanana gya nyamayi moyo nya Mujudha nya mukhodwa, ni babe nya Mugereki.

Mithumo 16:2

Vandruye va Listra ni Ikoniya va di gu ninga wukustumunyu nya wadi khu uye.

Mithumo 17:12

Khu magirelo yoyo, vathu nya vangi va di khodwa. Vbakari nya Vagreki gu di manega vanyamayi nya guthavisege ni vama nya vangi.

Mithumo 17:17

A di ganedzisana nyumbani nya nombelo ni Vajudha ni vambe vakhozeli va Nungungulu. Matshigu yatshavbo a di ganela huwotunu ni vale va nga bani va gu manega avbo.

Mithumo 17:4

Vambe vbakari gwawe va di dzumela, va gu bela tsawani wa Pawulo ni Silasi, gumogo ni gidzemo nya gingi nya vathu nya githawo ga Nungungulu, ni Vagreki ni vanyamayi nya ndruda.

Mithumo 18:4

Khu Sabhadho ni Sabhadho va di hongola nyumbani nya nombelo nya Vajudha. A di dzi garadza khu gu vbweta gukhuye Vajudha ni Vagreki va khodwe.

Mithumo 18:8

Krispo, muthangeli nya nyumba nya nombelo, a di khodwa ga Pfhumu, gumogo ni ndranga yaye yatshavbo. Vakorinto nya vangi va nga pwa Pawulo va di khodwa, va gu bhapatiswa.

Mithumo 19:10

Girile kharalo gipimo nya myaga mivili, vathu vatshavbo va tigoni ga Aziya, Vajudha ni Vagreki va mane gu yingisa mahungu ya Pfhumu.

Mithumo 19:17

Vathu vatshavbo va Efeso Vajudha ni Vagreki va dipwa mahungu yaya, va gu tala khu hwanga va gu rungudza lina la Pfhumu Jesu.

Mithumo 19:8

Pawulo a di bela nyumbani nya nombelo, a vbedza migima miraru na gu ganela khu gu tiyisa, nyamba thava gilo, na guvbweta gukhuye va khodwe vale va nga bani va gu mu yingisa, khu mahungu nya Mufumo wa Nungungulu.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 21:28

na va gu gulumela, khavo: “Va na Israyeli, nga deluni mu ta hi phasa! Mwama yoyu khuye a gimbilago a hevbudza vathu mayigoni gwatshavbo, a va kutsedzela gu wugela libandla la na Israyeli, Nayo ni Nyumba ya Nungungulu. Gu diga nya isoso, olu dzude ni vathu va si gu Vajudha ata bela navo Nyumbani ya Nungungulu, a nyenyezisa wulanga wowu nya guage!”

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 10:12

Khu kharato, gumwalo gu hambana nya Vajudha ni va nya mayigo, kholu vatshavbo va na ni Pfhumu mweyo basi yi kavedzelago siningwa saye ga vatshavbo vale va mu lombago.

Vagalatiya 2:3

Wonani gwadi: Nyi diri ni Tito a gu mugereki, aholu gima kha va mu gurumedza gu hana wugwera.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

2 Thimoti 3:11

guvengwa ni gusaniseka nyi nga gu mana Antiyokiya ni Ikoniya, ni Listra. Dzitshanisa muni nyi dzi manego! Aholu, Pfhumu a nyi vbulugiside ga satshavbo soso.