Mithumo 13:5 - Bhibhiliya Nya Guage

⁵ Na va vbohide gidwane gya Salamina, va di tivisa Mahungu ya Nungungulu mudzinyumbani nya nombelo nya Vajudha, gumogo ni Johane kha nga muphasedzeli wawe.

Mithumo 13:5 Iomraidhean Croise

1 Dzipfhumu 19:21

Khu vbale, Elizewu, a di diga Eliya, a hongola aya dzega patwa nya dzimombe a songa. Khu mapulango nya kanga, a di khondrisa nilo a gu phula nyama, a ninga valongo vaye va hodza. Khu vbale, a di duga a hongola ni Eliya, a di khala a thuma kha nga muphasedzeli waye.

1 Dzipfhumu 19:3

Eliya a di tedwa khu hwanga, a duga khu vbale gasi gu vbulugisa womi waye. A vboha Bherisebha wa Judha, aya tshiya iyoyo githumi gyaye.

2 Dzipfhumu 3:11

Aholu Josafati a di mu wudzisa, khuye: “Mwalo avba muprofeti moyo wa Pfhumu Nungungulu gasi hi wudzisa ga Pfhumu khavbo gwaye, gani?” Moyo nya sithumi sa mufumeli wa Israyeli a di hakha, khuye: “Womo avba Elizewu, mwamana wa Safati, a nga bani na gu thela mati mandzani ga Eliya.”

Ekisodha 24:13

Mosi a di khuga ni githumi gyaye Josuwa va gwela gigomo gya Nungungulu.

Matewu 20:26

Gu nga giregi kharato vbakari gwanu. Aholu oyu a golago gu khala khongolo vbakari gwanu, a na khale githumi gyanu.

Mithumo 12:12

Na alakanyede gwadi satshavbo sesi, a di hongola ndrangani ga Mariya mayi wa Johane a ranwago khu limbe lina pwani khu Marko. Va di tshanganide iyo vakhodwa nya vangi va gu lombelela.

Mithumo 12:25

Bharinabha ni Sawule, na va vbedzide thumo wawe Jerusalema va di bwelela gumogo ni Johane a ranwago Marko.

Mithumo 13:14

Avo va di khuga khu Perga, va gimbila, va gu hongola mbeli kala va gu vboha tigoni ga Antiyokiya ga Pisidiya. Khu litshigu nya Sabhadho, va di bela nyumbani nya nombelo va gu khala vbavbatshi.

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 14:1

Pawulo ni Bharinabha, na va vbohide Ikoniya, va di bela nyumbani nya nombelo nya Vajudha, va gu ganela khu tshivba. Vathu nya vangi va di khodwa, Vajudha ni Vagreki.

Mithumo 15:37

Aholu Bharinabha a di vbweta gu dzega nuye Johane a ranwago Marko.

Mithumo 17:17

A di ganedzisana nyumbani nya nombelo ni Vajudha ni vambe vakhozeli va Nungungulu. Matshigu yatshavbo a di ganela huwotunu ni vale va nga bani va gu manega avbo.

Mithumo 18:4

Khu Sabhadho ni Sabhadho va di hongola nyumbani nya nombelo nya Vajudha. A di dzi garadza khu gu vbweta gukhuye Vajudha ni Vagreki va khodwe.

Mithumo 19:22

Khavbo avbo, a di rumela Makedhoniya vaphasedzeli vaye vavili, a gu Thimoti ni Erasto; uye a di simama gu khala gikhati nya gukari Aziya.

Mithumo 19:29

Pfilupfilu yi di phalalega ni lidhoropa latshavbo. Vathu nya vangi va di tutumela guya nyumbani nya mihagano, na va mode Gayo ni Arisitariko va Makedhoniya, vabangaladzi va Pawulo.

Mithumo 19:8

Pawulo a di bela nyumbani nya nombelo, a vbedza migima miraru na gu ganela khu gu tiyisa, nyamba thava gilo, na guvbweta gukhuye va khodwe vale va nga bani va gu mu yingisa, khu mahungu nya Mufumo wa Nungungulu.

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

Vakolosi 4:10

Arisitariko, a khothedwego gumogo ni eni, a ngu mi losedzela, a nuye Marko, ndruye wa Bharinabha. Gasi khu mahungu ya Marko, nyi mi ningideni sileletelo nya gukheni a guta mi holela, mu hakheni gwadi.

2 Thimoti 4:11

Khu Luka basi a gu ni eni. Delu ni Marko, kholu a ngu nyi phasa thumoni momu.