Mithumo 13:48 - Bhibhiliya Nya Guage

⁴⁸ Va nya mayigo, na va pwide magana yaya, va di nengela, va gu rungudza mahungu ya Pfhumu; vatshavbo va nga bani va emisedwe gu hakha guvbanya nya gupindruge, va di khodwa.

Mithumo 13:48 Iomraidhean Croise

Dzindzimo 138:2

Nyi na khidzima nyumbani gwago nya guage nyi rungudza lina lago khu wuwadi ni lisine lago; kholu u dandriside situmbiso sago vbatshani nya sigiro satshavbo.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Matewu 28:16

Vale nya likhumi na moyo va di hongola Galileya, gigomoni gile va nga bani va leletedwe khu Jesu.

Luka 7:8

Kholu, eni neni, ambari nyi gu ni vakhongolo vangu, nyi na ni masotshwa nyi ma rumago neni. Mumbe gu mu ruma, kheni: ‘Indra’, a gu hongola; mumbe, kheni: ‘Delu’, ata; githumi gyangu, kheni: ‘Gira egi’, gi gira.”

Johane 10:16

Nyi ngari ni dzimbe dzinvuta dzi si lumbigo liphandro leli; idzo nidzo nyi ngu fanela gu dzi havisa; dzi napwa lito langu. Khu kharato li na manega liphandro limwedo ni muhavisi moyo basi.

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Mithumo 13:12

Khavbo avbo, mufumeli, na wonide esi si nga dugelela a di khodwa na gu liwuga sihevbudzo sa Pfhumu.

Mithumo 13:42

Pawulo ni Bharinabha, na va dugide khu nyumbani nya nombelo, vathu va di ta va lomba, guta ganela gambe mahungu yaya khu Sabhadho yi landrelago.

Mithumo 15:2

Gu di manega gu ganedzisana nya gukhongolo, kholu Pawulo ni Bharinabha va di hambana ngudzu ni sihevbudzo sawe. Va di pwanana vatshavbo va rumela Pawulo ni Bharinabha ni vambe vandruye, va gwela Jerusalema guya wudzisa mahungu yaya ga vapostoli ni madhota.

Mithumo 15:31

Na va li hevbude, va di nengela khu gu tiyisedwa va gu manego.

Mithumo 2:41

Vale va nga hakhago magana yaye va di bhapatiswa. Litshigu lile va di bela tsawani nya vakhodwa gipimo nya magumi mararu mazana vathu.

Mithumo 2:47

Va di rungudza Nungungulu, va godwa khu vathu vatshavbo. Khu litshigu ni litshigu, Pfhumu a di engedzela tsawani gwawe tengo nya vale va na gu vbanyiswago.

Mithumo 20:13

Ethu hi di thanga khu litaro hi hongola kala siwoni ga Asosi; iyo Pawulo a nga vega gukhuye hi ya mu virela iyo, kholu uye a di bela khu mawundru.

Mithumo 22:10

Khavbo avbo, nyi di wudzisa, kheni: ‘Nyi rini olu, Pfhumu?’ Pfhumu yi di nyi embela, khiyo: ‘Khuga u bele Dhamasiko, iyo va na gu embela satshavbo esi u yelago gu si gira.’

Mithumo 28:23

Khavbo avbo, va di vega litshigu. Na li vbohide litshigu lolo, nya vangi va di hongola ndrangani a nga bani a gu vbanyela avbo Pawulo. Gukhugela ni dzimindru kala ni wutshigu, Pawulo a di ganela gwawe khu mahungu nya Mufumo wa Nungungulu. A di zama gukhuye va khodwe ga Jesu, a seketela wufakazi waye avba nya Nayo wa Mosi, ni omu nya milowo ya vaprofeti.

Mithumo 8:8

Gu di manega gutsaka nya gukhongolo dhoropani mule.

Varoma 11:7

Hi na khethu ginani olu? Hi na khethu va na Israyeli va tandregide gu mana esi va nga si vbweta; aholu si manidwe khu tsawa nya vale va nga hathwa khu Nungungulu. Vatshavbo vambe kha va dzina gupwa gurana gwaye,

Varoma 13:1

Muthu ni muthu gu vbwetega a yingela vathangeli va vegidwego khu nayo, wu mwalo mufumo wu ngamba vegwa khu Nungungulu, kholu wufumu watshavbo wa guta khu ga Nungungulu.

Varoma 8:28

Hi ngu dziti nya gukhethu Nungungulu vegedzede satshavbo gasi gu phasedzela vale va mu golago, avo va ranidwego khu guhaladza gwaye.

1 Vakorinto 16:15

Vandriyangu, nyi na ni gimbe gileletelo nyi vbwetago gu mi ninga. Mu ngu litini lipango la Sitefane a gu uye a nga phela khuye gu hakha gukhodwa tigoni ga Akaya, vatshavbo va ngu dzi ningedzela gu thumela vakhodwa.

Vaefeso 1:11

Khu gwaye Kristo, hi hathidwe nethu guya ningwa thomba nya guvbanyiswe hi lulamisedwego khu gale, lihaladzo a thumago silo satshavbo khu gudzina ni gugola gwaye.

Vaefeso 1:19

guliwugisa nya tshivba a yi girago khu kotani gwathu, ethu hi khodwago. Khiyo tshivba yeyi a nga yi wonegisa khu tshivba ni tshivba

Vaefeso 1:4

Gale, na gu si vangwi litigo, Nungungulu a hi hathide khu ga Kristo gasi hi khala sihathwa ni vathu nya ndruda nyambana gihoso mahoni gwaye.

Vaefeso 1:5

Uye a hi hathide a hi vegisede wuhigo nya gu hi gire sanana Saye khu ga Kristo.

2 Vatesalonika 3:1

Khu guhegisa, vandruye, hi lombeleleni nethu ga Nungungulu, gasi mahungu yaye ma andre, ma hakhwe gwadi, nga edzi gu nga girega khidzo vbakari gwanu.