Mithumo 13:46 - Bhibhiliya Nya Guage

⁴⁶ Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 13:46 Iomraidhean Croise

Mavingu 28:1

Sighohi sa gu thava ambari sa gumba tutumiswa khu muthu, aholu, avo va lulamidego va gu tiya nga nghala.

Isaya 55:5

Wona nya gukhuwe u na rana litigo u si litigo, ni litigo li si gutigo li nata vbafuvbi gwago, khu kotani nya lihaladzo la Pfhumu Nungungulu wago, ni la Nya guage wa Israyeli, kholu uye a gu ningide wudhumo.

Ezekiyeli 2:5

Avo gani va ngu gu yingisa, gani kha va gu yingisi, kholu vathu nya guyeyise, aholu va na dziti nya gukhavo a di romo muprofeti vbakari gwawe.

Matewu 10:6

Phelani khu gu yela dzinvuta dzi dzimedego dza nyumbani ga Israyeli.

Matewu 21:41

Va di hakha, khavo: “A nata va songa vatshavbo, nyamba kanakana, a dzega lithembwe a tshiyedza vambe valimi avo va na mu ningago mihandro khu gikhati gi vbwetegago.”

Matewu 21:43

“Khu kharato, nyi ngu mi embelani, kheni: Mu na dzegedwani Mufumo wa Nungungulu wu ningedwa ga lihundzu li na gu thelago mihandro.

Matewu 25:46

Ava vana hongola gusanisekani nya gupindruge; gasi va nya ndruda vana hongola guvbanyani nya gupindruge.”

Luka 24:47

ni gupwani, khu lina laye, gu na hevbudzwa mayigoni gwatshavbo gu vbindrugedza mavbanyelo ni tsetselelo nya sighoho, gukhugela Jerusalema.

Johane 1:11

Li dita ga avo va nga bani vari vaye, aholu, avo kha va li hakha.

Johane 4:22

Enu mwa gu khozela igyo mu si gitigo, gasi ethu ha gu khozela igyo hi gitigo, kholu guvbanyiswa gwa guta khu ga Vajudha.

Mithumo 13:14

Avo va di khuga khu Perga, va gimbila, va gu hongola mbeli kala va gu vboha tigoni ga Antiyokiya ga Pisidiya. Khu litshigu nya Sabhadho, va di bela nyumbani nya nombelo va gu khala vbavbatshi.

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Mithumo 13:5

Na va vbohide gidwane gya Salamina, va di tivisa Mahungu ya Nungungulu mudzinyumbani nya nombelo nya Vajudha, gumogo ni Johane kha nga muphasedzeli wawe.

Mithumo 19:9

Ambari ulo, vambe va nya gubanga mihungo ni gumba khodwa va di phela gu dzuwungela Ndzila ya Pfhumu vbakari nya mwandra. Pawulo a di va diga a dzega vapizane khu phuvbo. Matshigu yatshavbo a di gu tshangana a bhula navo nyumbani nya guhevbule ya Tiranu.

Mithumo 22:21

Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 26:20

Guphela nyi di tshumayela dhoropani ga Dhamasiko, nyi bela Jerusalema ni litigo latshavbo la Judheya nyi vbindrela mayigoni ya vbavbandze. Ga vatshavbo nyi tivisa gukheni gu vbwetega gu vbindrugedza mavbanyelo, va diga sighoho sawe, va wuya ga Nungungulu, va yeyedze gu vbindrugedza gwawe khu mithumo ya yadi.

Mithumo 28:28

“Khalani na mu gu dziti nya gukhenu Mahungu yaya nya guvbanyise hi ningwago khu Nungungulu ma tivisidwe ga va nya mayigo, gambe avo va na ma hakha.”

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 4:13

Va di liwuga khu gu wona gutiya ga Pedro ni Johane, va tidwago gupwani vathu nyambana sihevbulo, gambe va di si dugeli dzindrangani nya guwonegele va di gu vati khu lisine khavo vapizane va Jesu.

Mithumo 7:51

Vathu va nya gu banga mihungo, nya myonyo nyamba khodwa ni dzindzeve nyamba pwa. Mu ngu bomba Liphuvbo nya Guage gikhati gyatshavbo, nga edzi va nga bani va gu gira vababe vanu.

Mithumo 9:20

Khavbo avbo, a di phela gu hevbudza dzinyumbani nya nombelo khuye Jesu. Mwamana wa Nungungulu.

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 2:10

Aholu Nungungulu a na ninga wudhumo ni wuzundzo ni gurula ga vatshavbo vale va girago nya sadi, guphela khu Mujudha kala va nya mayigo.

Dhewuteronome 32:21

Khu sifaniso sawe va nyi giriside wufu khu egi gi si gu Nungungulu, va nyi wusela likhulo khu sikono nya vanungungulu vawe nya malipha. Eni neni nyi na va wusela wufu khu kotani nya silo si si phasigo gilo, khu gu hatha mayigo ma sirigo mayigo, nyi na va gorosa khu gu hatha litigo nya sipumbu, nyambana mapimo.

Vafilipi 1:14

Vandruye nya vangi khu gukhodwa va tiyide longo khu gu wona dzitshinga nyi hungidwego, va gu engedzela gitumbo gyawe ga Pfhumu, muhuno va ngu tivisa mahungu ya Nungungulu khu tshivba, nyamba thava gilo.

Vahebheru 11:34

Va di tshima nilo nya tshivba, va vbuluga gu songwa khu matshari. Va diri mwalo tshivba, aholu, va khade va nya tshivba. Va khade dzindrena litungani, va pala mabutho ya va nya guta.