Biblia Todo Logo
Bìoball air-loidhne

- Sanasan -




Mithumo 13:39 - Bhibhiliya Nya Guage

39 Gu sayedwa gululama nya guvbelele, gule mu ngamba gu mana khu Nayo wa Mosi, gu ngu manwa khu muthu watshavbo a khodwago ga Jesu.

Faic an caibideil Dèan lethbhreac




Mithumo 13:39
40 Iomraidhean Croise  

Khu mani a lulamidego mbeli ga Nungungulu? A nga kodza kharini gululama muthu a velegidwego khu nyamayi?


Ambari nya sa ghoha, magana yangu ma ngu nyi kona, nya gukheni nyi lulamide, Uye a na nyi rwega nandru.


U nga nyi thethisi eni githumi gyago, kholu, mwalo muthu a vbanyago nari mwalo nandru mbeli gwago.


A na wona handro nya gusaniseke nya hefemulo waye, a nengela, githumi gyangu gi lulamidego, khu guti gwaye, gi na agisa nya vangi kholu, gi na rwala guvivba gwawe.


Aholu gi na hambana ni gile nyi giridego ni vababe vawe, litshigu nyi va pharidego khu libogo gasi gu va dusa tigoni ga Egipito; aholu avo va digide gidzumeledzwano gyangu, khu guralo, eni nyi di hambana navo; a ngu ganela Pfhumu Nungungulu.


Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”


Khavbo avbo, a di khuga muhevbudzi moyo nya Nayo a mu wudzisa, na gufela gu mu linga, khuye: “Muhevbudzi, ginani nyi fanelago gu gira gasi gu mana guvbanya nya gupindruge?”


Jesu a di mu embela, khuye: “U hakhide gwadi. Gira kharato, u na vbanya.”


Nyi ngu mi embelani, kheni: Oyu muhengisi nya khupho khugide khu vbale a hongola gaya na tsetseledwe, gasi mufarisi khandriso si nga mu dugelago. Kholu watshavbo muthu a dzi khusedzago a na vbwasamiswa, gasi uye a dzi sodzisago a na khusedzwa.”


Kholu, Nayo wu vegidwe khu Mosi, gasi wuhigo ni lisine, hi si hakhide khu tshivba ya Jesu Kristo.


“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.


Vatshavbo vaprofeti va fakazide khu mahungu yaye, khavo: “Muthu watshavbo a khodwago a na mana gu tsetseledwa nya sighoho Linani Gwaye.”


Kholu, muthu a gu khodwa monyoni gwaye gasi gu ma na gululama; a gu fakaza khu likana laye, gasi gu ma na vbanyisa.


Kristo tshipiside Nayo wa Mosi gasi gu tshanganisa wulongoni gwa Nungungulu vathu vatshavbo va khodwago gwaye.


Ethu hi ngu dziti nya gukhethu satshavbo esi si rumwago khu Nayo sa gu lumba basi avo va fumedwago khu nayo yoyo, gasi gu degudza magana yatshavbo, ni gu litigo latshavbo li dzipwe liri ni nandru mbeli gwa Nungungulu.


Khu guralo, muthu lulamide mbeli gwa Nungungulu khu kotani nya gulandrise mithumo yi rumwago khu Nayo; kholu Nayo wa gu tulela muthu gu dziti gukhuye gighohi.


Nayo wa gu rana tsayiso wa Nungungulu, kholu avba wu gu mwalo Nayo, guhoha nugo gu mwalo.


Aholu gu lovidwe nugo khu kotani gwathu. Kholu a ngu hi wona nethu kha nga vathu nya gululame, ethu hi khodwago ga wule a wugidego khu ga vafudego, Jesu Kristo, Pfhumu yathu.


Na hi wonidwe kharati, kha nga vathu nya gululame, khu kotani nya gukhodwe gwathu, ethu hi ngu vbanya khu gurula ni Nungungulu khu gwa Jesu Kristo, Pfhumu yathu.


Nayo wu tede guta engedzela gighoho. Aholu avbo gighoho gi nga dandra, wuhigo wa Nungungulu wu di engedzela gu dandra ngudzu.


Ngudzungudzu olu hi agisidwego khu novba wa Kristo, hi na vbulugiswa khuwo sisanisoni nya likhulo la Nungungulu.


Aholu, olu wu mwalo gambe nandru ga vale va tshanganisidwego ni Jesu Kristo.


Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.


Gasi Vajudha, va nga bani va gu landrisa Nayo, wu nga vbweta gu va gira vathu nya gululame mbeli gwa Nungungulu, va tandregide.


Vbakari gwanu vomo va nga bani vari ni mavbanyelo yoyo. Olu mu handzidwe, mu agiswa, mu gu girwa vathu nya gululame linani ga Pfhumu Jesu Kristo, khu tshivba nya Liphuvbo la Nungungulu wathu.


Aholu hi ngu dziti gukhethu muthu kha sayedwi gululama khu kota nya mithumo ya Nayo, aholu khu gukhodwa linani ga Kristo Jesu. Ethu ha gu khodwa ga Kristo Jesu hi fela gu lamudwa khu kota nya gukhodwe nasiri khu kota nya gulandrise guruma nya Nayo. Kholu muthu kha na sayedwa gululama khu kota nya gulandrise esi si rumwago khu Nayo.


Eni nyi fude ga esi si lumbago Nayo. Nyi fude khu kota nya Nayo khu gufela gu vbanyela Nungungulu. Nyi khokhothedwe ni Kristo vbagihambanotunu.


Milowo nya Guage yi tugude gale gukhiyo Nungungulu a na ninga gululama vale va si gu Vajudha, khu kota nya gukhodwe. Gu di tiviswa ga Abrahama Mahungu Yadi yaya nya gupwani: “Ma na kategiswa khavbo gwago mayigo yatshavbo ya mafuni.”


Nyi engedza gambe gu embela vale va hanago wugwera, kheni: Avo va hungidwe khu giguruvedzo nya gulandrise Nayo.


Vaphasi vatshavbo nya mhamba va gu bela matshigu yatshavbo vaya gimbidzisa thumo nya wukhodwa wawe, va ningela dzinyondro nya dzingi miphaselo nya dzimhamba dzodzo dza dzimwedzo, aholu, kha dzi kodzi gu dusa sighoho.


Kholu novba nya dzikuzi ni dziphongo gima kha wu dzi kodzi gu handza sighoho nya muthu.


Nayo wa Mosi gimwalo ni gimwegyo nya guvbelele wu giridego. Wu diri nyangwa nya gu hi yise ga gitumbo nya gyadi hi dzi kodzago khigyo gu hidzimela vbafuvbi gwa Nungungulu.


Lean sinn:

Sanasan


Sanasan