Mithumo 13:23 - Bhibhiliya Nya Guage

²³ Ndrani nya livelego la Dhavhidhe, kha nga gutumbisa ga Nungungulu, velegidwe Muvbanyisi wa na Israyeli, a gu uye Jesu.

Mithumo 13:23 Iomraidhean Croise

2 Samuweli 7:12

Matshigu nya guvbanye gwago ma gu vbela, uya lala ni vavelegi vago, Eni nyi na emisa hwane gwago, mwanago oyu a na dugago khu mahembeni gwago, nyi na tiyisa mufumo waye.

Dzindzimo 132:11

Pfhumu Nungungulu, giride gitumbiso ga Dhavhidhe, Kha na nga vbindrugedza, a bwelela hwane, a di khuwe: “Moyo nya gyanana gyago nyi na mu gira mufumeli, nyi na mu khadzisa vbagikhalotunu nya wufumu wago.

Isaya 11:1

Khu tshinani ga Jese, gu na thunga litamo, khu mikhambani gwaye, gu na buga pfhundre.

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 43:11

Eni kamwe, kheni Pfhumu Nungungulu, vbavbandze gwangu mwalo mumbe muvbanyisi.

Isaya 45:21

Ganelani mahungu mu ma pwadza, ni gu ninga wufakazi wanu. Wudzisanani khu gyanu. Khu mani a tivisidego silo sesi gukhugela gikhati gya gale? Gukhugela ga gikhati gile, khu mani a si tivisidego? Ina kamwe khandri eni Pfhumu Nungungulu nyi si giridego, gani? Kholu mwalo mumbe Nungungulu, vbavbandze nya eni, Nungungulu nya gululame ni mutshudzisi, mwalo mumbe vbavbandze ga eni.

Isaya 7:13

Khavbo avbo, muprofeti Isaya, a di ganela, khuye: Olu yingisani gwadi, enu lihundzu la Dhavhidhe; Ina kha mu garali khu gu hodzisa mbukuta vathu, gani? Mwa guvbweta gambe gu hodzisa mbukuta Nungungulu wangu, gani?

Jeremiya 30:9

“Va na thumela Eni Pfhumu Nungungulu wawe, va thumela gambe Dhavhidhe, mufumeli wawe, uye nyi na gu mu hathago vbakari gwawe.”

Amosi 9:11

Khu litshigu lolo, nyi na wusa gambe tshatsha wa Dhavhidhe wu thegidego. Nyi tshikedzela malufa yaye, nyi wusa marumbi yaye. Nyi na wu vbahedza nga idzo wu nga bani ma romo khidzo khu gale;

Zakariya 9:9

Nengela ngudzu uwe nyamahegyane wa Siyoni; womba kulungwane nya gutsake uwe nyamahegyane wa Jerusalema; wona, Mufumeli wago a nguta gwago, uye a lulamide gambe Muvbanyisi, gisiwana, a nguta na khilede buru, avbo nya giburwana, gyanana nya buru nya ngadzi.

Matewu 1:1

Longoloko nya lihundzu la Jesu Kristo, Gyanana gya Dhavhidhe, Gyanana gya Abrahama.

Matewu 1:21

Uye a na velega gyanana nya gikhwathana u na gi thangisago lina la Jesu, kholu gi na vbanyisa vathu vaye musighohoni sawe.”

Matewu 21:9

Avo va nga bani va thangide mbeli navo va nga bani va guta khu hwane, vatshavbo va di mu kulungela, khavo: “Hosana ga Mwamana wa Dhavhidhe! A na rungudzwe uye a tago linani la Pfhumu! Hosana vbatshani Ndzadzini!”

Matewu 22:42

“Nga nyi embelani: Kristo gyanana gya mani?” Va di mu hakha, khavo: “Gyanana gya Dhavhidhe.”

Luka 1:69

A hi resede Muvbanyisi nya tshivba, a dugelago nyumbani ya githumi gyaye Dhavhidhe.

Johane 4:42

va di embela nyamayi, khavo: “Olu kha hi khodwi khu kotani nya magana yago; hi diya khu gupwa habune; hi ngu dziti nya gukhethu uye khu lisine khuye Kristo Muvbanyisi nya litigo.”

Johane 7:42

Ina kha yi ganeli Milowo khiyo Kristo a na dugela nyumbani ya Dhavhidhe, tigoni ga Bhetlehema, a gu umo a nga velegedwa umo Dhavhidhe, gani?”

Mithumo 13:32

Ethu hi ngu mi tivisa mahungu nya yadi.

Mithumo 2:30

Kha nga a nga bani ari muprofeti a di gu dziti nya gukhuye Nungungulu a di Mu tumbiside khu gusambanya, gu vega vbagikhalotunu gwaye nya wufumu gyanana nya melego waye.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 4:12

Kha hi dzi kodzi gu mana guvbanyiswa khu mumbe muthu, kholu, mafuni gwatshavbo limwalo limbe lina li riyidwego vathu li gu ni tshivba nya gu hi vbanyise.”

Varoma 1:3

ma ganelago khu Mwanaye, a nga velegwago linyumbani la Dhavhidhe.

Varoma 11:26

Gikhati gyogyo, ngamo yatshavbo ya na Israyeli yi na vbanyiswa kha nga yi ganelago Milowo nya Guage, khiyo: “Khu Siyoni a nata muvbanyisi, a nata handzago guvivba ga sanana sa na Israyeli.

Tito 1:4

Nyi ngu lovela uwe Tito, gyanana gyangu nya lisine gukhodwani, gukhodwa ogu a gu gwago ni gwangu. Wuhigo ni gurula gwa Nungungulu Babe wathu ni ga Kristo Jesu, Muvbanyisi wathu gu na khale ni uwe.

2 Pedro 1:1

Eni, Simoni Pedro, khumbi ni mupostoli wa Jesu Kristo, nyi ngu mi lovelani lidangalila enu mwatshavbo mu hakhidego gukhodwa nya gululame nga ogu gwathu, khu guvbanyiswa hi ningwago khu Nungungulu ni Muvbanyisi wathu Jesu Kristo.

2 Pedro 1:11

Khu kharato, mu na ni fanelo yatshavbo nya gubele mufumoni nyamba vbela, wa Pfhumu ni Muvbanyisi wathu Jesu Kristo.

2 Pedro 2:20

Khu guralo, vale va nga muti Pfhumu ni Muvbanyisi wathu Jesu Kristo, va gu vbuluga ga sihena nya guvivbe nya litigo, khu hwane va gu wuya va modwa gambe khu silo sesi, va guta nyenyeza ngudzu guvbindra guhegulani.

2 Pedro 3:18

Aholu, simamani gudandra khu wuhigo ni guti ga Pfhumu, Muvbanyisi wathu Jesu Kristo. Wudhumo ga uye, olu ni gikhati gyatshavbo. Amen.

2 Pedro 3:2

Nya gu vbweta gukheni mu dundruge magana ma nga ganedwa gikhati gya gale khu vaprofeti nya gukatege, ni Nayo nya wadi wa Pfhumu ni Muvbanyisi wathu Jesu Kristo, mu ningidwego khu vapostoli.

1 Johane 4:14

Ethu hi si wone, gambe hi ngu tivisa ga vambe gukhethu Babe rumede Mwamana waye, gasi guta khala Muvbanyisi nya litigo.

Judha 1:25

uye a gu Nungungulu moyo basi, Muvbanyisi wathu, a ngu yela gu hakha khu ga Pfhumu yathu Jesu Kristo: Wudhumo, wuzundzo, wugulu, tshivba, wufumu gukhugela guhegulani ga mimela yatshavbo ni olu, kala gupindruga! Amen.

Gutuledwa 22:16

“Eni Jesu, nyi rumede ngilozi yangu umo nya mabandla, gasi guta mi fakazela silo sesi. Eni nyi Khamba ni Mbewu nya lihundzu la Dhavhidhe, nyi Thandra nya Wuronga nya guwenengedze ngudzu.”