Mithumo 13:20 - Bhibhiliya Nya Guage

²⁰ gipimo nya mazana mana ni livbandre magumi myaga. Khu hwane nya myaga yoyo a di va ninga valamuli kala gikhati gya muprofeti Samuweli

Mithumo 13:20 Iomraidhean Croise

2 Samuweli 7:11

gukhugela litshigu nyi vegidego valamuli ga vathu vangu, va na Israyeli, khu guralo nyi na gu hefemudza ga valala vago vatshavbo. Bwelo khavbo Pfhumu Nungungulu a na gu tivisa gukhuye uye a na gu vbahela nyumba.

2 Dzipfhumu 23:22

Kholu gima kha ga nga girwa Phasika nya nga eyi, gukhugela matshiguni ya valamuli, avo va nga lamulago Israyeli, ambari ga matshigu yatshavbo ya vafumeli va Israyeli ni ga vafumeli va Judha.

1 Dzikoronika 17:6

Malangani yatshavbo nyi gimbidego ni va na Israyeli, ina gyomo nya gukari nyi ganedego ni moyo nya valamuli vaye, nyi va rumidego gu havisa vathu vangu, kheni: Khu ginani mu si nyi vbaheligo nyumba nya sedhari, gani?

Mithumo 3:24

Vatshavbo vaprofeti va nga ganela, gukhugela Samuweli ni vale vatshavbo va nga mu landrela khu hwane, va tiviside matshigu yaya.

Valamuli 2:16

Khavbo avbo, Pfhumu Nungungulu a di wusa valamuli gasi guya va lamulela mandzani ga vale va nga bani va va tshanisa.

Valamuli 3:10

Gu dita gwaye Liphuvbo la Pfhumu Nungungulu, a ta khala mulamuleli wa Israyeli; aya dwana nyimbi; Kusani-Risatayimi, mufumeli wa Mesopotamiya, a di ningedwa mandzani gwaye khu Pfhumu Nungungulu.

Rute 1:1

Ga gikhati valamuli va nga bani va gu fuma, gu di manega ndzala tigoni ga Israyeli. Mwama nya gukari wa Bhetlehema tigoni ga Judha, a di hongola ni mwangadzi waye gumogo ni sanana saye sa sivili aya luvela tigoni ga Mowabhi.

1 Samuweli 12:11

Pfhumu Nungungulu a di va rumela Jerubhahali, Bharaki, Jefeti ni Samuweli; va ta mi vbulugisa mandzani ga valala vanu ava va mi randredego khu maphuvbo yatshavbo, gasi mu vbanya khu gurula.

1 Samuweli 3:20

Israyeli gwatshavbo, gukhugela Dhani kala Bherisebha, va di muti gukhavo Samuweli emisidwe kha nga muprofeti wa Pfhumu Nungungulu.