Mithumo 13:2 - Bhibhiliya Nya Guage

² Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 13:2 Iomraidhean Croise

1 Dzikoronika 16:4

Dhavhidhe a di emisa vambe vbakari ga va na Levhi, gasi va gire thumo nya gugire miphaso mbeli nya Ngasa nya Gidzumeledzwano gya Pfhumu Nungungulu, gasi gu rungudza ni gu khusedza Pfhumu Nungungulu wa Israyeli, a gu ava:

Dhaniyeli 9:3

Khu guralo, nyi di khusedza maho yangu ga Pfhumu Nungungulu nyi gira milombelo, nyi lila ni guhala, nyi ambala silendra ni gu phorola nguma.

Matewu 17:21

Lifumbu leli nya maphuvbo la gu tutumiswa basi khu tshivba nya nombelo ni guhala.”

Matewu 6:16

“Mwa gu halani, mu nga hungi giswedzo, kha nga va nya matshandza, na va gufela gu wonwa khu vathu gupwani va ngu hala. Nyi ngu mi embelani lisine nya gukheni va hakhide tshatshazelo yawe.

Matewu 9:38

Khu kharato, lombani ga mune lithembwe a rumele vavbweri nya dzimbewu dzaye.”

Luka 10:1

Khavbo avbo, Pfhumu a di hatha vambe livbandre na mavili magumi vapizane, a va rumela vavili vavili gu thanga, va bela khu mitalalani a nga bani a gu vbweta gu vbindra khumo.

Luka 2:37

Gi vbanyide ni mwama waye livbandre na mivili myaga. Na gi tshidwe, gi di vbanya kha nga gifurugadzi kala gi nga enedza livbandre na mararu magumi na mina (84) myaga. Gi di gu khala Nyumbani ga Nungungulu, umo gi nga bani gi thumela Nungungulu wutshigu ni mihani, na gi lombelela ni gu hala.

Mithumo 10:19

Pedro, na nga gu pimisela esi a nga si wonago, Liphuvbo li di mu embela, khilo: “Vomo vathu va guvbwetago.

Mithumo 10:30

Korineliyo a di mu hakha, khuye: “Vbanyatulo nguluni, khu gikhati nya nga egi, na nyi gu gira milombelo yangu nya silambo, nyi di wona muthu nya dzingandzu nya gungangamele,

Mithumo 13:3

Khavbo avbo, va di hala, va gira milombelo, va gu va handzega mandza, va va vbangana va hongola.

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 14:26

vaya khilela ngalava va bwelela Antiyokiya, eyi va nga khuga khiyo, na va lombeledwe wuhigo wa Nungungulu gasi guya thuma thumo va nga rigu gu wu gira.

Mithumo 20:28

Khu kharato, dzi woneleni enu vamune ni tsawa nya vakhodwa mu pharisidwego khu Liphuvbo nya Guage kha nga vathangeli. Khalani vahavisi nya libandla la Nungungulu, kholu uye a li dzegiside khu novba wa Mwanaye.

Mithumo 22:21

Uye a di nyi embela, khuye: ‘Indra, kholu nya guvbweta gu gu rumela hwindzo, ga va nya mayigo.’ ”

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Mithumo 6:4

gasi ethu hi na simama ni nombelo ni thumo nya gutshumayele Mahungu ya Nungungulu.”

Mithumo 8:29

Liphuvbo li di embela Filipi, khilo: “Gimbidzisa u longoloka ni kareta yoyo.”

Mithumo 9:15

Aholu, Pfhumu a di mu embela, khuye: “Indra, kholu muthu yoyo nyi mu hathide gasi a vbohisa Lina langu ga mayigo, ga vafumeli ni ga sanana sa Israyeli.

Varoma 1:1

Eni Pawulo, githumi gya Jesu Kristo, nyi ranidwego gu khala Mupostoli, nyi hathidwe gasi gu tivisa Ivhangeli ya Nungungulu.

Varoma 10:15

A na hongodzisa guwani muthu nya guya va tivisa, a gumba rumedwa? Kha nga gu ganedwago umo nya Milowo nya Guage, gupwani: “Gu ngu tshamba ngudzu gu wona gu vboha ga vale va hi reselago Mahungu nya Yadi.”

Varoma 15:16

nya guthumele Jesu Kristo ga va nya mayigo. Kha nga muphasi nya mhamba, thumo wangu khu gu tivisa Mahungu nya Yadi ya Nungungulu gasi va nya mayigo va ningedwe ga Pfhumu kha nga mhamba nya gutsakise Uye, yi agisidwego khu Liphuvbo nya Guage.

1 Vakorinto 12:11

Aholu, Liphuvbo khilo la limwedo basi li girago silo sesi satshavbo; khilo li kavedzelago ga moyo ni moyo siningwa khedzi li golago khidzo.

1 Vakorinto 7:5

Mwama ni ngadzi mu nga bombelani, vbavbandze nya gupwananeni gumba tshangana matshigu nya gukari, khu gufela gu dzi ningela milombeloni. Na ma vbede matshigu yoyo, tshanganani gambe, gasi mu si sengwi khu Sathane khu kotani nya gumba dzi phara gwanu.

2 Vakorinto 11:27

Nyi diri ni thumo nya wungi, gu ganela, nyi di pila wutshigu nya wungi, nyamba lala, ni ndzala, ni lidora, matshigu nya mangi nyamba hodza, girame, wuhagadzo.

2 Vakorinto 6:5

gukwamudwa, gukhothedwa, pfilupfilu, gukoroka, gukhevisela ni ndzala.

Vagalatiya 1:15

Aholu, Nungungulu, khu wuhigo waye, a nyi hathide na nyi ngari ndrani ga mayi wangu, a nyi ranela guta mu thumela. Gikhati a nga dzinago,

Vaefeso 3:7

Eni nyi khade muthumeli nya Mahungu nya Yadi nya guvbanyise, khu wuhigo wa Nungungulu a nyi ningidego khu wuhindzi ni tshivba yaye.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.

Vakolosi 4:17

Embelani Arikipo, khenu: “Thela kota khu thumo u ningidwego khu Pfhumu u wu sayisa.”

1 Thimoti 2:7

Khiso nyi nga emisedwa ga iso, gu khala muganeli ni mupostoli, ni muhevbudzi, gasi gu hevbudza va nya mayigo gukhodwa ni lisine. Nya gu ganela lisine, kha nyi ganeli malipha.

2 Thimoti 1:11

Khayo nyi nga emisedwa ayo gu khala muganeli ni mupostoli ni muhevbudzi.

2 Thimoti 2:2

Esi u nga hevbulago gwangu vbakari nya dzifakazi nya dzingi, hevbudza vathu va tumbegidego va na gu kodzago gu hevbudza navo vambe.

2 Thimoti 4:11

Khu Luka basi a gu ni eni. Delu ni Marko, kholu a ngu nyi phasa thumoni momu.

2 Thimoti 4:5

Aholu, uwe tiya u timisela sigaradzo satshavbo, dzi vegise thumoni gwago nya gutivise Mahungu nya Yadi, u vbedzisa thumo wago.

Vahebheru 5:4

Mwalo a dzi hathelago abune thumo wowu nya wuphasi nya mhamba, vbavbandze nya gu ranwe khu Nungungulu, kha nga Aroni a nga ranwago.

1 Samuweli 2:11

Khu hwane nya esi, Elikana a di bwelela gaya gwaye, tigoni ga Rama; aholu, gyanana gi di khala gi thumela Pfhumu Nungungulu, na gi gu phasedzedwa khu muphasi nya mhamba Eli.