Mithumo 13:19 - Bhibhiliya Nya Guage

¹⁹ Khu hwane nya gikhati a di fuvisa livbandre na mavili mahundzu ya tigoni ga Khanani, a gu li ningela ga vababe vathu,

Mithumo 13:19 Iomraidhean Croise

Genesi 12:5

A di dzega mwangadzi waye Sarayi ni Loti, gyanana gya ndriyaye, ni silo saye satshavbo a nga bani nari naso ni vathu va nga bani va mu thumela tigoni gwa Harani, va bela ndzilani vatshavbo va hongola tigoni gwa Khanani. Na va vbohide tigoni gwa Khanani,

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

1 Dzipfhumu 6:1

Khu mwaga nya mazana mana ni livbandre na mararu magumi (480), hwane nya gu sanana sa Israyeli na si dugide khu tigoni ga Egipito, khu mwaga nya wu na nya gufume ga Solomoni tigoni ga Israyeli, khu ngima nya Zivi, a gu ngima nya wuvili nya mwaga, gu di phedwa thumo nya guvbahe Nyumba ya Pfhumu Nungungulu.

Nehemiya 9:24

Khu guralo, sanana sawe si bede si ya fumela litigo lolo, U va ningide tshivba nya gupale vamune tigo, a gu Vakhanani, U va ningela mandzani gwawe, gumogo gambe ni vafumeli vawe ni vathu va tigoni momo, gasi va gire guhaladza gwawe khu avo.

Dzindzimo 135:11

Bayiside Seyoni, mufumeli wa Vaamori, a songa Ogi, mufumeli wa Bhasani ni vafumeli vatshavbo Vakhanani.

Dzindzimo 78:55

A di tutumisa vavbanyi va mayigoni mule na va gu si wona, mayigo yawe a ma kabanisela mahundzu ya Israyeli.

Isaya 34:17

Kholu Pfhumu Nungungulu ningide giavelo ga gimwegyo ni gimwegyo nya iso, khu mandza yaye a va kabanisede litigo a li pima khu ngodzi. Iso si na li fumela khu mimelana ni melana kala gupindruga, yi vbanya umo.

Mithumo 7:45

Khiyo tabherinakeli yi nga hakhwa khu vababe vathu na va gu thangedwa khu Josuwa va gu bela nayo tigoni va nga wandrelago mahundzu ma nga tutumiswa khu Nungungulu, va gu yi vegisa kala matshiguni ya Dhavhidhe.

Dhewuteronome 7:1

Gikhati Pfhumu Nungungulu wago a na gu vbohisago ga litigo uyago umo gasi guya li fumela, avbo a na gu bani a tutumiside mbeli gwago, a va yisa hwindzo, vathu nya mafumbu nya gutale: Vahiti, Vagerazi, Vaamori, Vakhanani, Vaferezi, Vahevhi ni Vajebhuzi, livbandre na mavili mayigo ma gu na ni vathu nya vangi ni tshivba guvbindra uwe;

Josuwa 14:1

Edzi khu dzithomba dzi nga kavedwago va na Israyeli tigoni ga Khanani, va kabanisedwego khu muphasi nya mhamba Eliyazari, ni Josuwa, mwamana wa Nuni ni vathangeli nya mapango nya mahundzu ya na Israyeli.

Josuwa 18:10

Khavbo avbo, Josuwa a di lola dzisolo mbeli ga Pfhumu Nungungulu, a kavedzela litigo sanana sa Israyeli gukhedza khu dzinyumba dzawe, nari khu tigoni ga Silo.

Josuwa 19:51

Edzi khidzo dzithomba dzi nga kavedzedwago khu muphasi nya mhamba Eliyazari, ni Josuwa, mwamana wa Nuni, ni vathangeli nya dzindranga nya mahundzu ya Israyeli, va ya khu gulola khu solo na vari dhoropani ga Silo, na vari mbeli ga Pfhumu Nungungulu, nyangwani nya Tshatsha nya Tshangano.

Josuwa 23:4

Wonani, nyi mi kavedzede khu mahundzu yanu mayigo yaya ma tshalago khu gulola dzisolo, gumogo ni mayigo yatshavbo nyi ma mbembisidego, gukhugela Joridhani kala Yiphwa nya Yikhongolo, guya Pfoladambo; gasi ma khala thomba nya situgulwana sanu.

Josuwa 24:11

Avbo mu nga vbindra khu Joridhani muta Jeriko, vavbanyi va Jeriko va di mi dwanisa gumogo ni Vaamori, Vaferezi, Vakhanani, Vahiti, Vagerezi, Vahevhi ni Vajebhusi; aholu Eni nyi di va ningela mandzani gwanu.

Valamuli 11:26

Va na Israyeli va vbanyide gipimo nya mazana mararu (300) myaga Hesibhoni ni mitalalani gwaye, Aroweri ni mitalalani gwaye ni madhoropani gwatshavbo ma guromo Arinoni, khu ginani u ngamba ma wuyisa ga gikhati gyogyo?