Mithumo 13:17 - Bhibhiliya Nya Guage

¹⁷ Nungungulu wa Israyeli, hathide vababe vathu, a gu dandrisa vathu vaye gikhati va nga ya khala Egipito. Khu hwane nya gikhati a di va dusa khu Egipito, khu tshivba nya libogo Laye.

Mithumo 13:17 Iomraidhean Croise

Dzindzimo 135:4

Uye hathide Jakobe gu khala waye, ni va na Israyeli gu khala thomba yaye.

Ekisodha 12:51

Khilo kamwe litshigu lolo Pfhumu Nungungulu a dusidego sanana sa Israyeli tigoni ga Egipito, gukhedza khu mabutho yawe.

Ekisodha 13:14

Gyanana gyago, ga matshigu matago, gya gu gu wudzisa khigyo: Esi sa gu tshamusela ginani?” U na gi hakha, khuwe: Pfhumu Nungungulu a hi duside khu tshivba yaye nya yikhongolo ngudzu khu tigoni ga Egipito, tigoni hi nga bani hiri dzikhumbi.

Ekisodha 13:16

“Gi na khala kha nga giwoniso mandzani gwago ni vbagiwombotunu gwago, kholu Pfhumu Nungungulu a gu duside khu Egipito khu gyandza nya tshivba.”

Ekisodha 14:8

Kholu Pfhumu Nungungulu a di bangisa monyo wa Faro, mufumeli wa Egipito, afela gu landra sanana sa Israyeli si nga bani si gimbila khu gutshudwa khu gyandza nya tshivba.

Ekisodha 18:11

Olu nyi ngu dziti gukheni Pfhumu Nungungulu khongolo guvbindra vanungungulu vatshavbo, kholu a va phalalegiside ga esi va nga bani va dzi gugumugisa khiso ni dzihanyi.”

Isaya 44:1

Gasi olu, yingisa uwe githumi gyangu Jakobe, uwe Israyeli nyi gu hathidego.

Amosi 2:10

Eni kamwe nyi mi duside khu tigoni ga Egipito, nyi mi gimbidzisa giwulani gipimo nya magumana myaga, gasi guya mi ningani litigo la Vaamori.

Mikeya 6:4

Nyi gu duside khu tigoni ga Egipito, nyi gu tshudzisa nyumbani nya wugumbi; nyi mi rumede Mosi, Aroni ni Miriyamu.

Dhewuteronome 10:22

Vababe vago va nga relelago tigoni ga Egipito va diri basi livbandre na mavili magumi; gasi olu Pfhumu Nungungulu wago, a gu giride u andra, u tala kha nga dzinyeledzi dza ndzadzini.

Dhewuteronome 14:2

Kholu mu vathu va agidego mahoni ga Pfhumu Nungungulu wanu, gambe Pfhumu Nungungulu a mi hathide vbakari nya mayigo yatshavbo ya mafuni, gasi mu khale vathu Vaye.

Dhewuteronome 4:20

Aholu Pfhumu Nungungulu a mi dzegide a mi dusa niloni nya guvbise wa Egipito, uwo wu nyiviligisago ni simbi gasi mu khala vathu nya thomba yaye, kha nga mu si wonago kala na muhuno.

Dhewuteronome 4:34

mwendro womo mumbe nungungulu a lingidego guya dzi dzegela litigo vbakari nya limbe litigo, khu silingo ni siyeyedzo, khu siliwugiso ni gu dwana, khu gyandza nya tshivba, ni libogo li khusedzidwego, ni mithumo ya yikhongolo nya guthise, gukhedza khu satshavbo esi Pfhumu Nungungulu wanu, a giridego mahoni gwanu tigoni ga Egipito, gani?

Dhewuteronome 4:37

Khu guralo, khu kotani nya lihaladzo ga vababe vago, hathide uwe livelego lawe, a gu dusa khu tigoni ga Egipito, uye mune wurumba khu tshivba yaye nya yikhongolo,

Dhewuteronome 7:19

Siwonegiso nya sikhongolo u si wonidego khu maho yago, ni siyeyedzo, siliwugiso, mandza nya tshivba ni libogo li khusedzidwego, esi Pfhumu Nungungulu wago, a gu dusidego khiso. A na gira kharato Pfhumu Nungungulu wago, ga vathu vatshavbo, avo u va thavago.

Dhewuteronome 9:5

Khandri khu kotani nya gululame gwago, gambe khandri khu kotani nya wuwadi nya monyo wago u na belago u fumela litigo lawe, aholu khu kotani nya wuvivbi wa mayigo yaya Pfhumu Nungungulu wago, a ma tutumisago mbeli gwago; gasi gu tiyisa magana Pfhumu Nungungulu wago, a sambanyidego ga vababe vago, Abrahama, Isaki ni Jakobe.

1 Pedro 2:9

Aholu, enu mu lifumbu li hathidwego, mu vaphasi va Pfhumu, mu lihundzu li agisedwego Nungungulu, mu vathu mu lumbago uye. Enu mu hathidwe gasi mu huwelela tshivba ya Nungungulu, a mi ranidego mu duga gidemani, muta wenengedzoni gwaye nya gusamadzise.

1 Samuweli 4:8

Libango lathu! Khu mani a na hi vbulugisago mandzani ga vanungungulu vava nya tshivba? Khavo vanungungulu vovo va nga bayisa Vagipiti khu mitungu yatshavbo nya guhambanelane giwulani.