Mithumo 13:15 - Bhibhiliya Nya Guage

¹⁵ Na va hevbude lidangalila nya Nayo ni eli nya vaprofeti, vathangeli nya nyumba nya nombelo va di va embela, khavo: “Vandruye, mwa gu bani muri ni mahungu nya gulose khayo libandla, ganelani.”

Mithumo 13:15 Iomraidhean Croise

Marko 5:22

A di vboha moyo nya muthangeli nya nyumba nya nombelo, lina laye nya gupwani khu Jayiro. Na wonide Jesu; adiya khidzima migondroni gwaye.

Luka 16:16

Nayo ni sihevbudzo nya vaprofeti si thumide kala matshiguni ya Johane. Gukhugela avbo gu ngu hevbudwa Mahungu nya Yadi nya Mufumo wa Nungungulu. Muthu ni muthu a gu zama gu bela khu tshivba.

Mithumo 1:16

“Vandruye, gu di vbwetega gutadzisega umo nya Milowo, satshavbo iso si nga ganedwa khu Liphuvbo nya Guage, khu likana la Dhavhidhe, khu mahungu ya Judha a nga thangelago ava va nga hunga Jesu.

Mithumo 13:27

Vathu va Jerusalema ni vafumeli vawe, khu gumba muti Jesu, va di mu mola, va tadzisela kharato magana ya vaprofeti ma hevbudwago khu dzisabhadho dzatshavbo.

Mithumo 15:21

Kholu, gukhugela matshiguni ya gale, Mosi na ni vahevbudzi nya Nayo va wu hevbulago mudzinyumbani nya nombelo khu dzisabhadho dzatshavbo.”

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 18:17

Khavbo avbo, vatshavbo va di wugela Sostene, muthangeli nya nyumba nya nombelo, va mu veta vbafuvbi ni phathani Aholu, Galiyo kha nga si thela kota.

Mithumo 18:8

Krispo, muthangeli nya nyumba nya nombelo, a di khodwa ga Pfhumu, gumogo ni ndranga yaye yatshavbo. Vakorinto nya vangi va nga pwa Pawulo va di khodwa, va gu bhapatiswa.

Mithumo 2:29

Vandruye, dzumelani nyi mi embelani khu lisine langu latshavbo: Kokwe wathu Dhavhidhe fude a gu dzingwa. Lithowo laye gambe li nga romo vbakari gwathu kala na muhuno.

Mithumo 2:37

Na va pwide magana yaya va di garadzega myonyoni gwawe, va wudzisa Pedro ni vambe vapostoli, khavo: “Vandruye, ginani hi fanelago gu gira?”

Mithumo 2:4

Vatshavbo va di tala khu Liphuvbo nya Guage, va gu phela gu ganela mambe malimi, kha nga idzo Liphuvbo li nga bani li va ruma gu ganela khidzo.

Mithumo 20:2

A di vboha malangani yatshavbo a holela ni gu tiyisela vandruye khu magana nya gululeke. A khuga khavbo aya vboha tigoni ga Gresiya;

Mithumo 22:1

“Vandriyangu ni enu vababe! Yingisani olu esi nyi gu naso gu mi embela khu gu dzi vhikela gwangu.”

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Mithumo 7:2

Sitefane a di mu hakha, khuye: “Vandriyangu ni vababe vangu, yingisani! Nungungulu nya wudhumo a dzi wonegiside ga babe wathu Abrahama na ngo gu vbanya Mesopotamiya, na si gu ruri aya khala Harani,

Varoma 12:8

oyu a ningidwego wusingalagadzi, a na laye; oyu a ningidwego gukabanisela silo, a na kabanisele khu wuhindzi; oyu a rumago, a na rume khu mapimo; ni oyu a ningidwego sisiwana, a na thume na tsakide.

1 Vakorinto 14:3

Gasi oyu a tivisago mahungu ya Nungungulu, a gu ganela ga vathu a ngu vbaha ni gu laya ni gu tangadzisa.

2 Vakorinto 3:14

Aholu mapimo yawe ma di segegide mugidemani. Kala ni olu, va gu hevbula Milowo nya Testamenta ya gale, iyo tshalu yoyo yi nga gu va segela, kholu ya gu funungudwa basi khu ga Kristo.

1 Vatesalonika 2:3

Tshumayelo yathu khandri nya gukanganyise, ni gu nyenyezisa ni malipha.

Vahebheru 13:22

Vandriyangu, nyi ngu mi lomba gukheni mu yingise khu mapimo yanu yatshavbo ni gutimisela magana yaya nya gu mi tiyisele. Kholu lidangalila leli nyi mi lovedego kha la lapha.