Mithumo 13:11 - Bhibhiliya Nya Guage

¹¹ U ngu wona, Pfhumu a na khusa gyandza gyaye a gu veta. U na khala gikhumu ndrani nya gikhatinyana, nyamba wona safa nya lidambo.” Khu gikhati gyogyo gu di phuma, gu manega gidema mahoni gwaye. A di gimbila khu gu phuphuthela a vbweta muthu nya gu mu phare kunga.

Mithumo 13:11 Iomraidhean Croise

Genesi 19:11

Vathu va nga bani vari vbavbandze va di khala sikhumu, vakhongolo ni ava nya vadugwane, va si woni ndzila nya gu bele khiyo.

2 Dzipfhumu 6:8

Mufumeli wa Siriya a di soma nyimbi a dwanisa Israyeli; a di gira gikungo ni vathu vaye, khuye: “Lizumbo langu nyi na li vega wulanga nya gukari.”

Joba 19:21

Pharani mawundru va ndriyangu, pharani mawundru, mu nyi pwela gisiro! Kholu gyandza gya Nungungulu gi nyi vetide.

Dzindzimo 32:4

Kholu wutshigu ni mihani mandza yago ma di nyi lemela, tshivba yangu yi di vbela khu guvbisa nya lihani.

Dzindzimo 38:2

Sighalala sago si nyi hekhide, mandza yago ma ngu nyi sokhovedza.

Ekisodha 9:3

wona gukhuwe gyandza gya Pfhumu Nungungulu gi na bayisa mitshambi yago yi guromo mapanini, gi bayisa dzikavalu, dziburu, dzingameriya, dzimombe ni dzinvuta; wu na bani wuri tungu nya wukhongolo ngudzu.

Isaya 29:10

Kholu, Pfhumu Nungungulu guhude vbatshani gwanu liphuvbo nya ligovbe nya likhongolo, a sega maho yanu, a gu vaprofeti; a fenengedza vathangeli vanu, a gu vama nya liwoni va tugulago misihalo.

Johane 9:39

Jesu, khuye: “Eni nyi dzude mafuni kha nga mulamuli, gasi vale va si wonigo va wone; ni gu vale va wonago va khale sikhumu.”

Mithumo 9:17

Khavbo avbo, Ananiya a di khuga a hongola, na vbohide a di bela nyumbani a gu handzega mandza Sawule a mu embela khuye: “Sawule ndriyangu, Pfhumu Jesu, wule a nga gu tumbulugela ndzilani, gikhati u nga bani u guta, khuye a nga nyi ruma guta gu tula maho ni gu gu ninga Liphuvbo nya Guage.”

Varoma 11:25

Vandruye, kha nyi vbweti gukheni mu hangwe khu sihalo yoyu, gasi mu si dzi randri va nya guti. Guganedza ga vathu va na Israyeli kha gu na pindruga gikhati nya gulaphe, aholu gu na simama kala mayigo yatshavbo ma vbindrugedza ma khodwa ga Nungungulu.

Vahebheru 10:31

Gu ngu thisa ngudzu gu thegela mandzani ga Nungungulu a vbanyago.

2 Pedro 2:17

Vathu vovo, va khade nga milambo nyambana mati, nga mapfhi ma pengiswago khu phuvbo; Nungungulu a va hathede wulanga nya gidema nya guthise ngudzu kala gupindruga.

1 Samuweli 5:11

Khavbo avbo, va di rumela myango, va tombanisa manganagana yatshavbo nya Vafilisitiya, khavo: “Bweledzani Ngasa ya Nungungulu wa Israyeli, mu yi yisa wulanga waye, gasi yi si hi songi ethu gumogo ni va na gyathu.” Kholu yi diromo nyenganyenga nya lufu dhoropani gwatshavbo, gyandza gya Nungungulu gi di tsayisa khu tshivba ni tshivba dhoropani mule.

1 Samuweli 5:9

Hwane nya gu bani va yi vbohiside iyoyo, mandza ya Pfhumu Nungungulu, ma di wugela lidhoropa lile; gu di dugelela dzimhango nya dzikhongolo ngudzu dzi sasela vathu va dhoropani mule, gukhugela nya vadugwane kala vakhongolo, vatshavbo va di dwala khu sithunya.