Mithumo 12:5 - Bhibhiliya Nya Guage

⁵ Pedro a di khothedwe pasoni, ambari ulo libandla nya vakhodwa li di si garali khu gu mu girela milombelo ga Nungungulu.

Mithumo 12:5 Iomraidhean Croise

Matewu 18:19

Nyi ngu mi embelani gambe, kheni: Va gu tshangana vavili vanu, mafuni, gasi gu lomba gilogyo, va na ningwa khu Babe wangu a guromo Ndzadzini.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Mithumo 12:12

Na alakanyede gwadi satshavbo sesi, a di hongola ndrangani ga Mariya mayi wa Johane a ranwago khu limbe lina pwani khu Marko. Va di tshanganide iyo vakhodwa nya vangi va gu lombelela.

Mithumo 12:4

Na mu mode, a di mu khothela pasoni a mu ningela a ghadhwa khu mitsawa mina, tsawa ni tsawa a diri wa masotshwa mana. Na gu hingigedza gu mu ningela mwandrani khu hwane nya Phasika.

Mithumo 12:6

Ni wutshigu wowo Herodhi a nga bani a dongide gu mu ningela, Pedro a di lade vbakari nya masotshwa mavili na hungidwe dzitshinga, mambe masotshwa ma di gu ghadha lipaso.

1 Vakorinto 12:26

Gya gu saniseka givbango gimwegyo, satshavbo sa gu saniseka gumogo nagyo; gya gu zundzwa givbango gimwegyo, satshavbo sa gu nengela gumogo nagyo.

2 Vakorinto 1:11

Enu mwa gu hi phasa khu milombelo yanu, milombelo nya vangi yi na giredwago ethu, yi na hakhwa, Nungungulu a na hi kategisa; nya vangi gambe va na mu rungudza khu makategwa a hi ningidego.

1 Vatesalonika 5:17

Mu nga garali khu gu gira milombelo.

Vahebheru 13:3

Alakanyani vale va khothedwego mapasoni: Mu dzipwa nga khwatshi mu womo pasoni gumogo ni avo. Alakanyani vale va tshaniswago nga khwatshi mu ngu tshaniswa gumogo navo.

Jakobe 5:16

Khu guralo, embeledzelanani siwono sanu, mu girelana milombelo khu gyanu, gasi mu hawuluga. Nombelo wa muthu a lulamidego wu na ni tshivba.