Mithumo 11:23 - Bhibhiliya Nya Guage

²³ Na vbohide, a di wona wuhigo wa Nungungulu a tsaka, a va embela vatshavbo va simama gu khala ni Pfhumu khu monyo moyo vatshavbo.

Mithumo 11:23 Iomraidhean Croise

2 Dzipfhumu 18:6

Kholu uye a di namarela ga Pfhumu Nungungulu, gima kha nga hambana naye, a di sayisa milayo ya Pfhumu Nungungulu ni sileletelo a lovedego Mosi.

Dzindzimo 17:3

Ambari u khedzisa monyoni gwangu, u nyi linga vbakari nya wutshigu, u nyi lingedzela khu nilo, gima khu na nga mana guvivba ga eni; likana langu gima kha la yeyisa,

Mavingu 23:15

Mwanangu, wa gu bani nuri ni monyo nya mapimo, monyo wangu neni wu na nengela.

Mavingu 23:28

Va gu varamela kha nga mbafa, va gira vama nya vangi va si tumbegi.

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Matewu 16:24

Jesu a di embela vapizane vaye, khuye: “Uye a vbwetago gu nyi landrela, a na dzi nyenye wurumba waye, a vbagare gihambano gyaye a nyi landrela.

Marko 2:5

Jesu, na wonide gukhodwa gwawe, a di embela gilima, khuye: “Mwanangu, sighoho sago si tsetseledwe.”

Johane 15:4

Khalani neni, eni neni nyi na khala nanu. Kha nga olu litamo li si kodzigo gu ninga mihandro longa, la gumba khugela vbatshinatunu nya miuvha, kharato nugo gu na girega gwanu, mwa gumba khala ni eni.

Mithumo 13:43

Na vbede tshangano, Vajudha nya vangi, ni vathu nya githawo ni gu khozela Nungungulu va di landrela Pawulo ni Bharinabha. Avo va di va khongotela va simama gu khala na va tumbegile wuhigoni ga Nungungulu.

Mithumo 14:22

Va di tiyisela myonyo nya vapizane, va gu va khongotela gu tiya gukhodwani gwawe, kholu, va di gu ganela, khavo: “Gu vbwetega guvbindra khu sigaradzoni nya singi gasi gu bela Mufumoni wa Nungungulu.”

Mithumo 14:26

vaya khilela ngalava va bwelela Antiyokiya, eyi va nga khuga khiyo, na va lombeledwe wuhigo wa Nungungulu gasi guya thuma thumo va nga rigu gu wu gira.

Mithumo 15:40

Aholu Pawulo, na hathide Silasi a di dongiswa khu vandruye wuhigoni ga Nungungulu a phara ndzila a hongola.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 20:32

Olu nyi ngu mi vega mandzani gwa Nungungulu, mu na vhikedwa khu magana nya lihaladzo laye, magana ma gu ni tshivba nya guvbahe libandla, uye a na mi ninga thomba yi fanedego gu hakhwa khu sivbango satshavbo nya libandla la Pfhumu.

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Varoma 12:8

oyu a ningidwego wusingalagadzi, a na laye; oyu a ningidwego gukabanisela silo, a na kabanisele khu wuhindzi; oyu a rumago, a na rume khu mapimo; ni oyu a ningidwego sisiwana, a na thume na tsakide.

1 Vakorinto 15:58

Khu kharato, vandruye nya sigodwa, simamani mu khala na mu tiyide mu thuma gikhati gyatshavbo khu gunengela esi Nungungulu a si vbwetago, Kholu mahoni ga Pfhumu, thumo wanu khandri wa mahala.

2 Vakorinto 1:17

Na nyi hungide gikungo gyogyo gima kha nya gira kingi kingi; gambe kha nya gira khu mapimo nya wuthu. Avbo gwangu kha ga manega “Ina” ni “Ahihi?”

2 Vakorinto 6:1

Ethu hi gu vaphasedzeli va Nungungulu, hi ngu mi khongotelani gukhethu, mu nga digi wu luzega wuhigo wa Nungungulu mu hakhidego.

Dhewuteronome 10:20

U na ninga githawo Pfhumu Nungungulu wago, u khozela Uye basi, u namarela avbo gwaye, u sambanya khu lina laye.

Dhewuteronome 30:20

U na gola Pfhumu Nungungulu wago, U mu yingisa ni gu namarela avbo gwaye; kholu Uye khuye guvbanya gwago ni gulapha nya matshigu yago, gasi u fela guvbanya ga litigo eli Pfhumu Nungungulu a sambanyidego ga vababe vago, Abrahama, Isaki ni Jakobe.

Vakolosi 1:6

Mahungu nya Yadi mu ma hakhidego, ma ngu simama gu ninga mihandro nya yadi ni gu andra tigoni gwatshavbo kha nga edzi ma nga girago vbakari gwanu, gukhugela litshigu mu hakhidego mahungu nya wuwadi wa Nungungulu mu gu wuti khu lisine.

2 Thimoti 3:10

Uwe u landrede gwadi sihevbudzo sangu, mavbanyelo, maalakanyo, gukhodwa, guhunisela, lihaladzo, gutiya,

Josuwa 22:5

Gasi olu dzi woneleni mu zama gu landrisa khu gutumbega sileletelo ni milayo eyi Mosi githumi gya Nungungulu a mi leletedego, mu gola Pfhumu Nungungulu wanu, mu gimbila khu dzindzila dzaye, mu dzi ningela gwaye ni gu mu khozela khu monyo wanu watshavbo ni hefemulo wanu watshavbo.”

Josuwa 23:8

Aholu namarelani ga Pfhumu Nungungulu wanu, kha nga idzo mu giridego kala na muhuno;

1 Pedro 5:12

Nya gu mi lovela lidangalila leli na nyi gu phasedzedwa khu Silivhano, uye khu mawonelo yangu a gu ndruye nya gutumbege. Nya gu vbweta gu mi tiyisela ni gu mi ningani wufakazi nya gukheni makategwa mu ma hakhidego giyeyedzo nya lisine nya wuhigo wa Nungungulu. Simamani mu tiya ga wuhigo wowo.

1 Johane 2:28

Khidzo, vanavangu! Pharisani guhengela naye, gasi hi tiye longo gikhati a na dzi wonegisago. Kharato, kha hi na nga khala dzitshoni, hi sihala, litshigu a na wuyago.

3 Johane 1:4

Gi mwalo gi nyi tsakisago guvbindra gupwa gupwani sanana sangu si ngu vbanya khu gu landra lisine.

Judha 1:4

Kholu vambe vathu nyamba khodwa va bede vbakari gwathu nyamba tidwa. Avo va gu vbindrugedza mahungu ma ganelago khu wuhigo wa Nungungulu wathu, va fela gu vhikela mavbanyelo yawe nya guvivbe. Va nyenyide gambe Jesu Kristo a gu uye basi Muhevbudzi ni Pfhumu yathu. Gale ngudzu Milowo nya Guage yi tivisidego gumbembiswa va gu hakhidego.