Mithumo 11:19 - Bhibhiliya Nya Guage

¹⁹ Ga gikhati gyogyo, vakhodwa va di phalalegide khu kotani nya tshanisa yi nga dugelela hwane nya gusongwe Sitefane. Va di vboha kala Fenisiya, Kipre ni Antiyokiya, va gu hevbudza mahungu ya Nungungulu ga Vajudha basi.

Mithumo 11:19 Iomraidhean Croise

Matewu 10:6

Phelani khu gu yela dzinvuta dzi dzimedego dza nyumbani ga Israyeli.

Johane 7:35

Vajudha va di wudzisana, khavo: “Hayini a vbwetago guhongola avbo nyamba mu mana ethu? Mwendro a gu vbweta guya patana ni ava va phalalegidego tigoni nya Vagreki, gumogo ni guya hevbudza Vagreki?

Mithumo 11:20

Gasi vambe, va nga bani va guta khu Kipre ni Sirene, va di hongola kala Antiyokiya vaya hevbudza Ivhangeli ya Pfhumu Jesu ga Vagreki.

Mithumo 11:22

Mahungu yawe ma di pwala ga libandla la Jerusalema. Khavbo avbo, va di rumela Bharinabha gu hongola kala Antiyokiya.

Mithumo 13:1

Umo nya libandla nya vakhodwa va Antiyokiya, va diromo vaprofeti ni vahevbudzi: Bharinabha ni Simoni a nga bani a gu ranwa pwani Nigeri, ni Lusiyu wa Sirene, ni Manaheme a nga dandra gumogo ni mufumeli Herodhi, ni Sawule.

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 13:46

Aholu, Pawulo ni Bharinabha va di ganela khu gutiya, khavo: A diri fanelo gu hegula khenu gu embedwa mahungu ya Nungungulu. Aholu, kha nga mu ma bombago, ni olu mu dzi lamulago mwabune gukhenu kha mu fanedwi khu guvbanya nya gupindruge, khu kharalo, ethu hi na thendregedza hi ya ma ningela ga va nya mayigo.

Mithumo 14:26

vaya khilela ngalava va bwelela Antiyokiya, eyi va nga khuga khiyo, na va lombeledwe wuhigo wa Nungungulu gasi guya thuma thumo va nga rigu gu wu gira.

Mithumo 15:22

Khavbo avbo, Vapostoli ni madhota, na va pwanane ni libandla latshavbo, va di hatha vama nya gukari vbakari gwawe, va gu va rumela Antiyokiya gumogo ni Pawulo ni Bharinabha, ni Silasi, vama nya gutumbege vbakari nya vandruye.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 15:30

Vale va nga rumedwago, va di relela Antiyokiya, na va vbohide, va di tombanisa libandla, va gu ningela lidangalila.

Mithumo 15:35

Pawulo ni Bharinabha va di khala Antiyokiya gumogo ni vambe va hevbudza ni gu ganela mahungu nya yadi ya Pfhumu.

Mithumo 15:39

Gu di manega gu ganedzisana nya gukhongolo va hegisa khu gu hambana. Khavbo avbo, Bharinabha a di dzega Marko a khilela ngalava a gu hongola naye Kipre.

Mithumo 18:22

Avbo a ngaya tshiga dhoropani ga Sezareya, a gwela Jerusalema aya losana ni libandla. Khavbo avbo, a di relela Antiyokiya.

Mithumo 21:16

Hi di bangaladzwa khu vandruye nya gukari va Sezareya, va nga hi yisa ndrangani ga mwama moyo wa Kipre nya gupwani khu Manasoni, mupizane wa gale. A di hi hakha gaya gwaye, hi khala vapfhumba vaye.

Mithumo 21:2

Hi di ya mana ngalava nya guhongole Fenisiya na yi gu khuga, hi bela umo hi hongola.

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 4:36

Josefe a ranwago khu vapostoli pwani Bharinabha, gu tshamusago pwani “Gyanana nya gutangadzise,” a diri Mulevhi nya givelegwa gya Kipre.

Mithumo 6:5

Mawonelo yoyo ma di tsakisa vathu vatshavbo. Va di hatha Sitefane, mwama nya gutale khu gukhodwa ni Liphuvbo nya Guage; Filipi, Prokoro, ni Nakonori, Timoni, Parmenasi ni Nikolawu, mukhodwa wa Antiyokiya.

Vagalatiya 2:11

Gikhati Pedro a ngatago dhoropani ga Antiyokiya, nyi dzude nyita mu kawuka khovbe ni khovbe khu gu gira silo nya guyele gu kawukwa.