Mithumo 11:18 - Bhibhiliya Nya Guage

¹⁸ Na va pwide magana yaya va di rula myonyoni gwawe va gu rungudza Nungungulu, khavo: “Khu kharato, gu yeyedza gupwani Nungungulu ningide navo va nya mayigo wuhigo nya gu dzi laye va vbindrugedza mavbanyelo, gasi va mane guvbanya.”

Mithumo 11:18 Iomraidhean Croise

Isaya 11:10

Ga litshigu lolo, va nya mayigo va na tutumela ga khamba wa Jese wu vegidwego kha nga ngavbya nya mayigo yatshavbo; ni wulanga a khalago avbo wu na zundzega.

Isaya 60:21

Vathu vatshavbo va tigoni gwago va na bani vari vathu nya gululame, va na lumbwa khu litigo kala gupindruga; avo va na bani vari pfhundre nyi wu yadego, thumo nya mandza yangu gasi va fela gu wonegisa wudhumo wangu.

Isaya 61:3

Ni gu degudza vatshavbo vale va lilago va Siyoni, ni gu va ambagisa gihugu wulangani nya nguma, ni mafura nya gutsake, wulangani nya gililo, ni ngandzu nya wuzundzo, wulangani nya wuvi; gasi va ranwe gupwani misimbo nya gululame, yi yadwego khu Pfhumu Nungungulu gasi gu dzi dhumisa khiyo.

Ezekiyeli 36:26

Nyi na mi ningani monyo nya wuphya, nyi thela ndrani gwanu liphuvbo nya liphya; nyi na dusa gwanu monyo nya giwindri nyi thela monyo nya nyama.

Ezekiyeli 47:22

Enu mu na kabana kha nga thomba yanu kamwe gumogo ni valuveli va vbanyago vbakari gwanu, na vari ni sanana. Enu va vegeni kha nga sivelegwa sa Israyeli; gumogo nanu va na bela thombani, vbakari nya mahundzu ya Israyeli.

Zakariya 12:10

Aholu nyumbani ga Dhavhidhe ni ga vavbanyi vatshavbo va Jerusalerma nyi na thela Liphuvbo nya wuwadi nilo nya milombelo; va na khedza wule va mu payidego; va na mu lila gukhwatshi va gu lila gyanana gya gimwegyo basi, va garadzega khu uye, gukhwatshi va gu garadzega khu gyanana nya matiwula

Matewu 9:8

Gidzemo, na gi wonide esi, gi di tala khu githawo, gi dhumisa Nungungulu a nga ningago vathu tshivba nya nga yile.

Mithumo 11:1

Vapostoli ni vandruye va Judheya va dipwa nya gupwani va nya mayigo navo va hakhide mahungu ya Nungungulu.

Mithumo 14:27

Na va vbohide, va di tombanisa libandla va va embeledzela satshavbo iso Nungungulu a nga girago navo, ni edzi Nungungulu a nga tulelago khidzo ndzila nya gukhodwe va nya mayigo.

Mithumo 15:3

Avo, na va dongisedwe khu libandla la Antiyokiya, va di phara ndzila va gu hongola. Va di tsemakanya Fenisiya ni Samariya, va gu tshamusela gu vbindrugedza ga va nya mayigo va gu nengedzisa ngudzu vandruye vatshavbo.

Mithumo 20:21

Ga Vajudha ni ga va nya mayigo nyi hevbudzide nyamba kanakana kheni gu vbwetega gu vbindrugedza mavbanyelo, va wuya ga Nungungulu ni gu khodwa ga Jesu, Pfhumu yathu.

Mithumo 21:20

Na va mu pwide, vatshavbo va di rungudza Nungungulu, va gu embela Pawulo, khavo: “Wandruye, u na wona nya gukhuwe mazana mangi nya Vajudha va hakhide gukhodwa ga Kristo, aholu va gu simama gu landrisa Nayo wa Mosi.

Mithumo 3:19

Khu kharato, dzi layeni mu vbindrugedza mavbanyelo, gasi mufela gu tsetseledwa sighoho sanu;

Mithumo 3:26

Nungungulu na wuside githumi gyaye khu ga vafudego, a gi rumede gwanu guhegula, gasi guta mi kategisa, gufela gu muthu ni muthu a mane gu vbindrugedza a diga mithumo yaye nya guvivbe.”

Mithumo 5:31

Nungungulu rungudzile Jesu a mu gira Pfhumu ni Muvbanyisi, afela gu ninga gu vbindrugedza mavbanyelo ni gutsetseledwa sighoho sanana sa na Israyeli.

Varoma 9:30

Ha guvbweta gukhethu ginani khu satshavbo sesi? Ha guvbweta gukhethu vale va si gu Vajudha, va nga bani va si landreli Nungungulu, va wonidwe na va lulamide mahoni gwa Nungungulu khu kotani nya gukhodwe.

2 Vakorinto 3:18

Ethu hatshavbo na hi funungude khovbe, hi khedza libona nya wudhumo wa Pfhumu hi ngu vbindrugedza khu wuzundzo ni wudhumo, hi fanana Naye, hi khedziga gikhati gyatshavbo khu tshivba nya Liphuvbo la Pfhumu.

2 Vakorinto 7:10

Kholu wusiwana, ga Nungungulu, wa gu vanga guvbindrugedza gu yisago guvbanyani; aholu wusiwana wa mafuni wa gu vanga gufa.

Vagalatiya 1:24

Va di dhumisa Nungungulu khu eni.

Josuwa 22:30

Avbo va nga pwago magana ya sanana sa Rubheni, sa Gadhi ni ya gipandre nya lihundzu la na Manasi, muphasi nya mhamba Fineya, vathangeli nya tshangano ni vathangeli nya sikwata nya likhumi mazana (1.000) sa va na Israyeli, va nga bani vari gumogo naye, va di nengela.