Mithumo 11:12 - Bhibhiliya Nya Guage

¹² Liphuvbo la Nungungulu li di nyi ruma guhongola navo nyamba kanakana. Ava vandruye nya livbandre na moyo nyi hongode navo, hi diya bela nyumbani ga Korineliyo.

Mithumo 11:12 Iomraidhean Croise

Matewu 1:20

Na nga gu vinga mano yakone, a di tumbulugedwa khu ngilozi ya Pfhumu khu ndroroni, yita, khiyo: “Josefe, mwamana wa Dhavhidhe, u nga kanakani gu hakha Mariya, mwangadzi wago, kholu mimba a gu nayo khya Liphuvbo nya Guage.

Johane 16:13

La guta Liphuvbo nya lisine, ilo li nata mi endredza, li mi yisa lisineni nya guvbelele, kholu kha li nata ganela silo nya gu si khugele, aholu li nata ganela silo li si pwidego, ni guta mi tivisani iso si natago.

Mithumo 1:15

Khu matshigu yale, Pedro a di khuga a ema vbakari nya vandruye (tengo nya vathu vatshavbo va nga bani va tshanganide a diri gipimo nya lizana ni magumavili 120 vathu), a ganela, khuye:

Mithumo 10:23

Khavbo avbo, Pedro a di va hakha a gu bela navo nyumbani. Gandra ni dzimindru, a di phara ndzila a hongola navo; vandruye nya gukari va tigoni ga Jope va di mu bangaladza.

Mithumo 10:45

Khavbo avbo, vakhodwa vatshavbo nya Vajudha va nga bani va dzude ni Pedro va di liwuga ngudzu khu gu wona nya gukhavo Liphuvbo nya Guage li tshigede navo va nya mayigo.

Mithumo 11:13

Uye a di hi embela edzi a nga wonisa idzo ngilozi ya Nungungulu nyumbani gwaye. Yi mu embela, khiyo: ‘Rumela mwango dhoropani ga Jope u ya rana Simoni, limbe lina a gu Pedro.

Mithumo 13:2

Vari vbakari nya nombelo wa Pfhumu ni guhala, Liphuvbo nya Guage li di ganela, khilo: “Nyi kaseleni Bharinabha ni Sawule gasi va phara thumo nyi va ranedego uwo.”

Mithumo 13:4

Na va gu rumwa khu Liphuvbo nya Guage, va di relela Selewusiya, Khiyo va nga ya khilela ngalava va hongola Kipre.

Mithumo 15:7

Gu di manega gu ganedzisana nya gukhongolo ngudzu, Pedro a khuga a ema, a ganela, khuye: “Vandruye, mu ngu dzitini nya gukhenu Nungungulu a nyi hathide vbakari gwanu, gukhugela matshiguni nya guhegule, gasi va nya mayigo vapwe Ivhangeli khu kanani gwangu, va khodwa.

Mithumo 15:9

Kha vega guhambana ga ethu ni avo, aholu a di agisa myonyo yawe khu gukhodwa.

Mithumo 28:15

Vakhodwa va Roma, na va dzitide gukhavo hi ngu hongola iyo, va di hi khinga tandralani wa Apiyo ni eyi gu ranwago pwani “Dzinyumba Dzitharu.” Na va wone Pawulo, va di rungudza Nungungulu, va tiya longo.

Mithumo 8:29

Liphuvbo li di embela Filipi, khilo: “Gimbidzisa u longoloka ni kareta yoyo.”

Varoma 3:22

gululama gutago khu ga Nungungulu khu gukhodwa ga Jesu Kristo, A gu tshanganisa naye watshavbo a khodwago, kholu gu mwalo guhambana vbakari nya vathu.

2 Vatesalonika 2:2

hi ngu mi lombani, vandruye, mu nga kanganyisegi, mu nga vbeli mapimo va gu mi embelani khavo, litshigu la Pfhumu li vbohide. Ambari a gu manega muthu a ganela ni gu hevbudza khu lina la Nungungulu a tiyisa khuye isoso si lovidwe vbalidangalilatunu gwangu,

Gutuledwa 22:17

Liphuvbo ni ngadza Nvutana, vari, khavo: “Delu!” Ni wule a pwago a na ganele nuye, khuye: “Delu!” Wule a gu ni lidora a nate. Oyu a dzinago a na hakhe mahala mati nya guvbanye.