Mithumo 10:22 - Bhibhiliya Nya Guage

²² Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:22 Iomraidhean Croise

Hoseya 14:9

Khu mani a gu ni guti, nya gukodze gu pima silo sesi? Uye a gu ni mapimo gasi a siti? Kholu dzindzila dza Pfhumu, dzi lulamide, va nya gululama va na gimbila khidzo, aholu sindraga milayo, dzi na va tshunganiswa va thega.

Habhakuka 2:4

Lova, khuwe: “Muthu nya guvivbedwe khu monyo kha na vbanya; aholu uye nya gululame a khodwago ga Nungungulu a na vbanya.”

Matewu 1:19

Khavbo avbo, Josefe mwama waye, a nga bani ari muthu nya ndruda, kha nga vbweta gu mu thela dzitshoni; a di vbweta gu mu hula khu gisihaledza.

Matewu 2:12

Na va layidwe khu ndroro gupwa va nga bweleli ga Herodhi, va di bwelela tigoni gwawe khu yimbe ndzila.

Marko 6:20

Kholu Herodhi a diri ni githawo ga Johane khu gu muti khuye muthu nya ndruda a agidego, a di mu vhikela. Uye, khu gu mupwa basi na gu ganela a di hambanega mapimo, aholu, a di mu yingisa khu gunengela.

Marko 8:38

Kholu oyu a khalago dzitshoni khu eni ni magana yangu vbakari nya melego yoyu nya vathu nya sibhayi ni sighohi, Mwamana wa Muthu a na mu khalela nuye dzitshoni litshigu a na wuyago na tade khu wudhumo wa Babe waye, vbakari nya dzingilozi nya guage.”

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Luka 23:50

A diromo mwama moyo nya gupwani khu Josefe, a nga bani ari moyo nya madhota, a nga bani ari muthu nya ndruda ni gululama.

Luka 9:26

Kholu, uye a na khalago dzitshoni khu kotani yangu mwendro khu kotani nya mahungu yangu, Mwamana wa Muthu a na mu khalela nuye dzitshoni litshigu a na tago na tade khu gidhumo gyaye ni gya Babe, nigyo nya sihathwa nya guage ni dzingilozi!

Johane 13:20

Khu lisine, nyi ngu mi embelani, kheni: Oyu a hakhago wule nyi na mu rumelago, kheni a nyi hakhago; uye a nyi hakhago, a ngu hakha wule a nyi rumedego.”

Johane 17:20

“Kha nyi lombeleli basi ava, aholu vale navo va na khodwago gwangu khu kota nya magana yawe,

Johane 17:8

kholu, na nyi va embede mahungu u nyi ningidego, va di ma hakha, va gu khodwa nya gukhavo khu lisine nyi dzude khiyo gwago, ni gukhavo khuwe u nyi rumedego.

Johane 5:24

“Khu lisine, nyi ngu mi embelani, kheni: Oyu apwago magana yangu, a gu khodwa ga wule a nga nyi rumelago, a na mana guvbanya nya gupindruge. Khu kharato kha na mbemba, kholu dugide khu gufani, a gu bela guvbanyani.

Johane 6:63

Liphuvbo khilo li ningago guvbanya, gasi givili kha gi phasi gilo. Magana nyi mi embedego Liphuvbo ni guvbanya.

Johane 6:68

Simoni Pedro a di phindrula, khuye: “Hi naya ga mani, Pfhumu? Olu a gu uwe u gu ni magana nya guvbanye nya gupindruge!

Mithumo 10:2

Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:21

Pedro a di tshiga a hongola aya ganela ga vathu vale, khuye: “Kheni oyu mu mu vbwetago. Nari ginani mu gi resago?”

Mithumo 10:30

Korineliyo a di mu hakha, khuye: “Vbanyatulo nguluni, khu gikhati nya nga egi, na nyi gu gira milombelo yangu nya silambo, nyi di wona muthu nya dzingandzu nya gungangamele,

Mithumo 10:33

Nyi di dzegela gu gu ranisa. Nyi ngu bonga olu u dzudego. Olu hi tshanganide avba hatshavbo mahoni ga Nungungulu, hi dzi dongisede gu yingisa satshavbo esi u rumedwego khu Pfhumu.”

Mithumo 10:6

a endredego ndrangani ga Simoni, meseri nya malowo, a vbahidego nyumba yaye vbafuvbi ni yiphwa.”

Mithumo 11:14

Uye a na ta gu embela mahungu u na gu vbanyiswago khayo uwe ni ndranga yago yatshavbo.’

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 24:15

Nyi na ni gutumba ga Nungungulu nga avo navo va gu nago nya gukhethu gomo guwuga ga vale va fudego, va nya gululama ni va nya sighoho.

Mithumo 6:3

Khu kharato, vandruye, hathani vbakari gwanu livbandre na vavili vama nya ndruda nya gutale khu Liphuvbo ni guti, hi na va ninga avo thumo yoyo,

Varoma 1:17

Kholu khavbo nya Ivhangeli, hi tugula gikungo gya Nungungulu nya hi tshanganise naye khu tshivba nya gukhodwe, hi gu manago gukhugela guhegulani kala guhegisani, kha nga gu lovidwego gupwani: “Muthu a lulamidego a na vbanya khu gukhodwa.”

2 Vakorinto 5:18

Satshavbo sa guta khu ga Nungungulu, a nga dzi tshanganisa ni ethu khu ga Kristo, a hi ninga thumo nya gutshanganise vambe.

Dhewuteronome 30:13

Gambe wu mwalo khisikheyi nya linene, nya gu, u ganela, khuwe: Khu mani a na tshatugago aya khisikheyi nya linene, gasi aya hi dzegela, hi ta wu yingisa ni gu wu landrisa?

1 Thimoti 3:7

Gu vbwetega muthu a ningwago githawo ambari khu vambe vathu va walo, gasi a si solegi a thegela naphwini wu riyidwego khu Sathane.

Vahebheru 10:38

Muthu wangu a lulamidego a na vbanya khu gukhodwa; aholu, oyu a bwelelago hwane, eni kha nyi na tsakiswa khuye.”

Vahebheru 11:2

Kholu khu gukhodwa, vathu va gale va mane guzundzwa khu Nungungulu.

Vahebheru 12:23

Enu mu vbohide tshanganoni nya wukhongolo ni libandla nya sanana nya matiwula sa Nungungulu, sile malina yawe ma lovidwego ndzadzini. Enu mu vbohide ga Nungungulu a gu mulamuli nya vathu vatshavbo, ni ga maphuvbo ya vale va lulamidego va vbelela.

2 Pedro 3:2

Nya gu vbweta gukheni mu dundruge magana ma nga ganedwa gikhati gya gale khu vaprofeti nya gukatege, ni Nayo nya wadi wa Pfhumu ni Muvbanyisi wathu Jesu Kristo, mu ningidwego khu vapostoli.

3 Johane 1:12

Vathu vatshavbo va gu zundza Dhemetriyo. Ambari lisine nilo li ngu mu zundza. Ethu nethu hi ngu mu zundza. Uwe u ngu dziti gukhuwe esi hi ganelago lisine.

Gutuledwa 14:10

uye a na sela gambe vbinyu nyamba futungedzwa nya likhulo la Nungungulu, li guhudwago ni tshivba yaye yatshavbo gikombeni nya gulamule. Gambe a na dayiswa khu nilo ni sufula mbeli nya dzingilozi nya gukatege ni Nvutana.