Mithumo 10:2 - Bhibhiliya Nya Guage

² Mwama yoyo a diri mukhongeli nya githawo ga Nungungulu, uye ni ndranga yaye yatshavbo. A di phasedzela vathu khu silo, ni gu lombelela Nungungulu nyamba garala.

Mithumo 10:2 Iomraidhean Croise

Genesi 18:19

Kholu nyi mu hathide gasi a laye sanana saye ni linyumba laye gu landrisa ndzila ya Pfhumu Nungungulu, khu gu gira gululama ni lisine; khu magirelo yoyo, Pfhumu Nungungulu a na tadzisa gitumbiso gyaye ga Abrahama.”

1 Dzipfhumu 8:43

uwe mu yingise khu ndzadzini yoyo, khu wulangani u khadego avbo, u mu girela satshavbo iso muluveli yoyu a si lombago avbo gwago, gasi vathu vatshavbo va mafuni va liti lina lago, va kodza gu gu ninga githawo, kha nga vathu vago va na Israyeli, va dziti gukhavo lina lago la gu khusedzwa nyumbani momu nyi gu vbahedego.

2 Dzikoronika 6:33

khu guralo, Uwe nuri khu wulangani gwago U khalago avbo, ndzadzini yoyo, yingisa, U gira satshavbo esi va nya mayigo va si lombago avbo gwago, gasi mafumbu yatshavbo ya mafuni mati lina lago ni gu Gu ninga githawo, kha nga vathu vago va na Israyeli; va dziti nya gukhavo khu lina lago nya tshivba, vathu vatshavbo va ngu ranwa nyumbani momu nyi gu vbahedego.

Joba 1:1

Tigoni ga Huzi a di romo mwama moyo nya gupwani khu Joba. A diri muthu nya gululame a nga bani a nyenya gighoho, a ninga githawo Nungungulu.

Joba 1:5

Gikhati va vbedzago matshigu nya buzo, Joba a di ranisa sanana saye gasi guta si agisa; a wuga ni dzimindru dzakone aya ningela phaso nya guvbiswe maningano khu vatshavbo, kholu a di gu alakanya gukhuye: “Hage saye, sanana sangu si ghohide, si vala Nungungulu khu myonyoni gwawe.” Joba a di gira kharato gikhati gyatshavbo.

Dzindzimo 102:15

Mahundzu yatshavbo ya mafuni, ma na rungudza lina la Pfhumu Nungungulu, ni vafumeli vatshavbo va mafuni va na dhumisa wugulu waye.

Dzindzimo 119:2

Va kategide avo va girago guhaladza gwaye, avo va mu vbwetago khu monyo wawe watshavbo.

Dzindzimo 25:5

Nyi gimbidzise khu lisine lago, nyi hevbudze, kholu uwe khuwe Nungungulu, muvbanyisi wangu, nyi ngu tumba uwe gikhati gyatshavbo.

Dzindzimo 41:1

Kategide oyu a alakanyago gisiwana; litshigu nya sigaradzo a na vbanyiswa khu Pfhumu Nungungulu.

Dzindzimo 55:17

Vbasilambotunu, vbadzimindrutunu ni vbamihanitunu, nyi na lila nyi dilela; Uye a napwa lito langu.

Dzindzimo 86:3

Nyi pwele wuhindzi Pfhumu, kholu gikhati gyatshavbo nyi ngu lila mbeli gwago.

Dzindzimo 88:1

Pfhumu Nungungulu ni muvbanyisi wangu, wutshigu ni mihani nyi ngu lila avbo gwago.

Muhevbudzi 7:18

Gwadi gu dzi vegisa ga gilo gegi, aholu u si hambani gambe ni gimbe; kholu uye a thavago Nungungulu, a ngu dugelela ga satshavbo.

Isaya 59:19

Khu guralo, gukhugela Muhwadambo, vathu va na ninga githawo lina la Pfhumu Nungungulu, gukhugela Khugadambo, va na ninga githawo wudhumo waye, avbo nala a tago kha nga mati ma khulungago khu tshivba, Liphuvbo la Pfhumu Nungungulu li na mu tutumisa.

Dhaniyeli 6:10

Avbo Dhaniyeli a ngapwago gupwani gu hungidwe nayo yoyu, a di hongola gaya gwaye, aya bela makhuvini gwaye, nyumbani ga gitezi, na gu tudwe sihogo si nga bani si khedzide phuvbo ga Jerusalema, a di lombelela nyondro tharu khu litshigu na khidzimide khu dzikhungumudzi, a bonga Nungungulu waye, nga idzo a nga bani na gu gira khu gale.

Dhaniyeli 6:16

Khavbo avbo, mufumeli a di ruma gukhuye va resa Dhaniyeli, va mu rinya phalani nya dzinghala. Mufumeli, a di embela Dhaniyeli, khuye: “Nungungulu wago u mu thumelago gikhati gyatshavbo, a na gu vbulugise.”

Dhaniyeli 6:20

Avbo a nga vbohago vbaphalatunu, a di rana Dhaniyeli khu lito nya wuvi. Mufumeli a di rana Dhaniyeli, khuye: “Dhaniyeli! Githumi gya Nungungulu a vbanyago! Ina Nungungulu u mu thumelago gikhati gyatshavbo a gu vbulugiside ga dzinghala, gani?”

Dhaniyeli 6:26

Nyi ngu lova khwepa yoyu gasi nyi rumela malangani gwatshavbo nya mufumo wangu, gu vathu va na ndrendremele va thava Nungungulu wa Dhaniyeli. Kholu uye Nungungulu a vbanyago a ngu simama kala gupindruga; mufumo waye wu mwalo mahegiso, gufuma gwaye gwa gu simama kala gupindruga.

Matewu 25:17

Wule a nga tshiyedzwago dzitaleta dzimbili a di dzi velegisa nuye dzimbe dzimbili.

Luka 18:1

Khavbo avbo, a di va embela gipimaniso gi yeyedzago giguruvedzo nya gulombelele nyamba garala, khuye:

Luka 2:25

A di gu vbanya Jerusalema mwama moyo nya gupwani khu Simiyoni. Adiri muthu nya gululame ni githawo ga Nungungulu; a di gu lindrela gu tangadziswa ga Israyeli, Liphuvbo nya Guage li diri gwaye.

Mithumo 10:22

Avo va di hakha, khavo: “Hi di rumwa khu Korineliyo, muthangeli nya gikwata nya lizana masotshwa, muthu nya ndruda ni githawo ga Nungungulu, uye a zundzwago khu litigo latshavbo nya Vajudha. A di embedwa khu ngilozi ya Nungungulu gu gu ranisa u hongola ndrangani gwaye, gasi uye aya yingisa magana yago.”

Mithumo 10:31

a nga ta nyi embela, khuye: ‘Korineliyo, nombelo wago wu pwidwe, ni wuhindzi wago wu wonidwe khu Nungungulu.

Mithumo 10:35

gambe kha khedzi mafumbo, a gu tsakiswa khu muthu ni muthu a mu ningago githawo ni gu landra ndruda Yaye.

Mithumo 10:4

Uye a di khala hwanga a khusa maho a khedza, a hakha, khuye: “Ginani, Pfhumu?” Ngilozi ya Nungungulu yi di mu embela, khiyo: “Milombelo yago ni wuhindzi wago yi pwidwe khu Nungungulu, khu kharato, a gu alakanyide.

Mithumo 10:7

Ngilozi ya Nungungulu, na yi vbedzide gu ganela esi, yi di mwalalega. Khavbo avbo, Korineliyo a di rana sithumi saye sivili ni musotshwa moyo nya githawo ni Nungungulu, a gu avo a nga bani a gu va tumba.

Mithumo 11:14

Uye a na ta gu embela mahungu u na gu vbanyiswago khayo uwe ni ndranga yago yatshavbo.’

Mithumo 13:16

Khavbo avbo, Pawulo, na khugide a ema, a di khusedza mandza a va embela, khuye: “Madhota ya na Israyeli ni enu mu gu ni githawo ga Nungungulu, yingisani:

Mithumo 13:26

“Vandruye, mu gu sanana nya melego wa Abrahama, ni ava va guromo vbakari gwanu, va ningago githawo Nungungulu, mahungu yaya nya guvbanyise ma gu rumedwa avbo gwathu.

Mithumo 13:50

Aholu Vajudha va di kutsedzela vanyamayi nya vakhodwa nya guthavisege, ni vama nya sitetema va dhoropani mule va wugela Pawulo ni Bharinabha kala va va tutumisa tigoni gwawe.

Mithumo 18:8

Krispo, muthangeli nya nyumba nya nombelo, a di khodwa ga Pfhumu, gumogo ni ndranga yaye yatshavbo. Vakorinto nya vangi va nga pwa Pawulo va di khodwa, va gu bhapatiswa.

Mithumo 2:5

Va di tshanganide Jerusalema Vajudha nya ndruda, nya gute khu mayigoni yatshavbo.

Mithumo 22:12

“A diromo mwama moyo nya gupwani khu Ananiya, muthu nya ndruda khu Nayo. Vajudha vatshavbo va di gu ninga wukustumunyu khu wuwadi waye.

Mithumo 8:2

Gikhati gyogyo, vathu nya githawo ni Nungungulu va di dzinga Sitefane va gira gililo nya gikhongolo.

Mithumo 9:11

Pfhumu a di engedza gambe, khuye: “Khuga u hongola ndrangani ga Judha yi manegago ndzilani yi ranwago pwani ‘Gululama’ u ya wudzisa khu lina la mwama moyo nya gupwani khu Sawule nya givelegwa gya Tarisu, kholu womo vbakari nya gulombelele.”

Mithumo 9:31

Libandla li di gu vbanya khu gu rula Judheya gwatshavbo, ni Galileya ni Samariya; Li diya na li gu dandra ni githawo ga Nungungulu, na li gu tiyiswa khu tshivba nya Liphuvbo nya Guage.

Mithumo 9:36

Tigoni ga Jope a di romo, vbakari nya vapizane, nyamayi moyo nya gupwani Tabhita, gu tshamusago gupwani “Yisya!” Adiri muthu nya mithumo ya yadi, a di phasedzela sisiwana.

Vakolosi 4:2

Pharisani gu gira nombelo khu hefemulo ni gu bonga khu monyo;

1 Vatesalonika 5:17

Mu nga garali khu gu gira milombelo.

Jakobe 1:5

A gu bani a romo moyo wanu a keneledwago khu guti, a na gu lombe ga Nungungulu a ningago khu wuhindzi ga vatshavbo nyamba sola, a na ningwa.

Josuwa 24:15

Aholu mwa gu si wona siri sadi gu khozela Pfhumu Nungungulu, hathani muhuno khu mani mu yelago gu mu thumela: Vanungungulu va nga khozedwa khu vababe vanu na vari khisikheyi nya tsongo wa Ewufrate, mwendro vanungungulu va Vaamori mu vbanyago tigoni gwawe. Gasi eni ni ndranga yangu hi na khozela Pfhumu Nungungulu.

Gutuledwa 15:4

Khu mani a na dzi kodzago gumba gu ninga githawo? Khu mani a na dzi kodzago gumba dhumisa lina lago? Kholu, khuwe basi u Agidego! Mayigo yatshavbo ma nata khidzima mbeli gwago, kholu gulamula gwago nya gululame, gu wonegide mahoni ga vathu vatshavbo.”