Mithumo 10:14 - Bhibhiliya Nya Guage

¹⁴ Aholu, Pedro a di hakha, khuye: “Ahihi, Pfhumu, gima kha nyi na gira isoso, kholu, gima nyi si gu hodzi gilo nya gunyenyeze ni silo nyamba agiswa.”

Mithumo 10:14 Iomraidhean Croise

Genesi 19:18

Loti a di hakha, khuye: “Ahihi, Pfhumu yangu, gu nga giregi kharato!

Ekisodha 10:11

Ahihi, kha gu giregi kharato! Indrani enu vama basi, mu ya girela miphaso Pfhumu Nungungulu, kholu khiso mu si lombidego. Khavbo avbo, va di tutumiswa va khuga mahoni ga Faro.

Ezekiyeli 4:14

Khavbo avbo, eni nyi di, kheni: Oh! Mune, Pfhumu Nungungulu! Eni gima kha nya dzi nyenyezisa. Gukhugela wudzahani gwangu kala olu, gima nyi si gu hodzi gilo nya gukari gi nga manwa na gi fude mwendro gu vbadzuledwa khu sirengo sa khabini. Gima kanani gwangu gu si gu beli nyama nya gukari nya gunyenyeze.

Ezekiyeli 44:31

Vaphasi nya mhamba va nga tshuki va hodza nyama nya sinyoni ni sirengo nya gufe sabune mwendro nya guvbadzuledwe khu sirengo sa khabini.”

Dhaniyeli 1:8

Dhaniyeli a di funga khu monyoni gwaye gumba dzi nyenyezisa khu gu hodza ni gu sela vhinya yi sedwago khu mufumeli, khu guralo, a di ya lomba ga muthangeli nya sithumi gu mu dzumedzisa gumba hodza, gasi a si dzi nyenyezisi khiso.

Levhi 20:25

Nyi na hambanisa sirengo si agidego nesi nya gunyenyeze; ni sinyoni si agidego nesi nya gunyenyeze; mu nga dzi nyenyezisi khu sirengo ni sinyoni, ni mafumbu nya guhambanelane nya sirengo si khwirirago khu lididi mafuni, nyi mi hevbudzidego gu si hambanisa, khu gu si loledzisa.

Matewu 15:11

Khandri gile gi belago khu kanani gi nyenyezisago muthu, aholu igyo gi dugago khu kanani gwaye khigyo gi mu nyenyezisago.”

Matewu 16:22

Pedro a di mu rana khu phuvbo, aya mu kawuka, khuye: “Isoso si nga giregi gwago, Pfhumu! Silo nya nga isoso gima kha si na gu dugelela!”

Matewu 25:9

Aholu esi nya gugengele si di hakha, khiso: ‘Ahihi, ma nga hi kenelela nethu. Gwadi khu gu tutumani muya renga.’

Matewu 8:2

Khavbo avbo, a di yedwa khu mudwali moyo nya sokono, a ngaya mu khidzimela, khuye: “Pfhumu, wa gu dzina, nyi hawulugise.”

Marko 7:2

Va di wona gukhavo vambe vapizane vaye va di gu hodza guhodza khu mandza nya ndzilo nyamba hamba.

Luka 1:60

Aholu mayi wakone a di ganedza, khuye: “Ahihi, gi na ranwa pwani khigyo Johane.”

Johane 4:11

Nyamayi a di khuye: “Pfhumu, u mwalo purumwa, nari gu nambo khongolo; ayo mati uma thulago nya guvbanye wa gu ma mana hayi?

Mithumo 10:13

A di pwa lito na li gukhilo; “Khuga u eme, Pedro, songa u hodze”

Mithumo 10:28

Pedro a di va embela, khuye: “Kha nga mu dzitigo gwadi, kha gu dzumedziswi Mujudha gu hengela ni mahedheni, ambari gu bela dzindrangani gwawe. Aholu, Nungungulu a nyi yeyedzide gukhuye khandri gwadi gu rana muthu kwanu khuwe nyenyezide ni gukhuwe kha agiswa.

Mithumo 22:8

Eni nyi di wudzisa, kheni: ‘Khuwe mani, Pfhumu?’ Lito li di nyi hakha, khilo: ‘Kheni Jesu wa Nazareta, oyu u mu sanisago!’

Mithumo 9:5

Uye a di hakha, khuye: “Nuri uwe mani, Pfhumu?” A di hakhwa pwani: “Kheni Jesu wule u mu sanisago,