Mithumo 10:11 - Bhibhiliya Nya Guage

¹¹ a di wona Ndzadzini na gu tulegide, ni gilo nya gufanane ni mwendra nya khongolo na wu thawuludzidwe, na wu hungidwe khu dzitshokani dza dzina wu relela vbavbatshi.

Mithumo 10:11 Iomraidhean Croise

Genesi 49:10

Ndronga nya wufumu kha ya na duga ga Judha, guruma kha gu na duga ga situgulwana saye, kala a gu vboha uye a fanelago gu ruma; oyu mayigo yatshavbo ma na mu yingelago.

Isaya 43:6

Nyi na ganela ga mayigo ya Wuronga, kheni: Va tshudzise; ga mayigo ya Marandzi, kheni: U nga va himbedzeli! Nyi resele sanana sangu nya madzaha si guromo mayigoni ya hwindzo; ni sanana sangu nya vanyamahegyane si guromo mahegiso nya litigo,

Isaya 56:8

A ngu ganela kharati Mune, Pfhumu Nungungulu oyu a tombanisago vatshavbo va nga bani va dusidwe tigoni ga Israyeli, wari khuye: “Vbavbandze ga vale va tombanisidwego, nyi nga na gu tombanisa vambe.”

Ezekiyeli 1:1

Khu litshigu nya livbandre, nya ngima nya wu na, nya mwaga nya magumararu, eni nyi diri vbakari ga vale va vbagedwego, vbafuvbi ni tsongo wa Kebhari, gu di tulega ndzadzini, nyi di wona siwoniso khu ga Nungungulu.

Matewu 8:11

Nyi ngu mi embelani nya gukheni va nata nya vangi khu Khugadambo ni Muhwadambo vata khala vbamezatunu gumogo ni Abrahama, ni Isaki, ni Jakobe Mufumoni wa Ndzadzini,

Luka 3:21

Hwane nya gu vathu vatshavbo na va bhapatisidwe Jesu a diya bhapatiswa nuye. Na romo vbakari nya nombelo, ndzadzini gu di tulega;

Johane 1:51

A di tadzisa, khuye: “Khu lisine, nyi ngu mi embelani, kheni: Mu na wona Ndzadzini na gu tudwe; dzingilozi dza Nungungulu na dzi gu lita ni gutshiga ga Mwamana wa Muthu.”

Johane 11:52

Nasiri gufela litigo nya Vajudha basi, aholu gufela gambe gutshanganisa sanana sa Nungungulu si phalalegidego.

Johane 12:32

Gasi eni, gikhati nyi na khusedzwago vbatshani, nyi na ndrindra vathu vatshavbo vata gwangu.”

Mithumo 10:12

Mwendra wule wu di tade khu sirengo satshavbo nya mawundru mana, ni dzinyoga, ni sinyoni satshavbo.

Mithumo 11:5

“Eni nyi diromo dhoropani ga Jope na nyi gu gira nombelo, nyi di wona giwoniso: Gilo nya gukhwatshi mwendra nya khongolo, na wu gu tshiga khu Ndzadzini, na wu hungidwe dzitshokani dza dzina, wu gu relela kala vbafuvbi gwangu.

Mithumo 7:56

Sitefane a ganela, khuye: “Nyi ngu wona ndzadzi na yi tulegide ni Mwamana wa Muthu na emide nyamudye ga Nungungulu.”

Varoma 1:16

Eni kha nyi khali dzitshoni khu Ivhangeli, kholu iyo khiyo yi gu tshivba ya Nungungulu gasi gu vbanyisa vatshavbo vale va khodwago, guphela khu Vajudha kala va nya mayigo.

Varoma 9:4

Avo sivelegwa sa Israyeli. Nungungulu a va giride sanana saye, a wuya a va kategisa khu gu khala vbakari gwawe ni wudhumo waye; hungide navo gidzumeledzwano, a va ninga Nayo, ni wukhozeli; ni situmbiso.

Vagalatiya 2:15

Ethu hi Vajudha nya mavelego, kha hiri sighohi kha nga va nya mayigo.

Vagalatiya 3:28

Khavbo avbo, olu gumwalo gambe guhambana Vajudha ni va nya mayigo, dzikhumbi ni va nya gutshulega; vama ni vanyamayi. Enu mwatshavbo mu moyo basi khu gu hengela gumogo ni Kristo.

Vaefeso 1:10

gukhuye si girege gutadzisegani nya matshigu: Gutshanganisa silo satshavbo si guromo Ndzadzini ni esi si guromo mafuni, a emisa Kristo kha nga hungo ni muthangeli.

Vaefeso 3:6

Sihalo nyi wu thulago khowu: Khu tshivba nya Mahungu nya Yadi, vale va si gu Vajudha va emisedwe navo guya hengela gumogo ni Vajudha gu hodza thomba Nungungulu a yi vegisedego vathu, kholu avo navo sivbango nya givili gya gimwegyo, gambe va na ni wulanga avba nya gisambanyo gya Nungungulu khu ga Jesu Kristo.

Vakolosi 3:11

Gukhugela olu, gu mwalo gambe guhambana nya va nya mayigo ni Vajudha, va nya gu hana wugwera ni ava nyamba hana wugwera, va dhoropani ni va vbavbandze, khumbi ni muthu nya gutshulege. Kristo khuye satshavbo, gambe womo ga satshavbo.

Gutuledwa 11:19

Khavbo avbo, Nyumba ya Nungungulu a guromo ndzadzini yi di tudwa, yi gu wonega Ngasa nya Gidzumeledzwano ndrani nya Nyumba ya Nungungulu, khu gikhati gyogyo, gu di lasa, gu pwala malito ni gu pandra mabara, gu duga girevareva, ni maralala.

Gutuledwa 19:11

Nyi di wona gambe ndzadzini na gu tulegide, gu wonega kavalu nya guage. Oyu a yi khiledego a gu ranwa pwani khuye nya “Gutumbege,” nya “Lisine,” kholu khu gululama a di fuma ni gu dwana nyimbi.

Gutuledwa 4:1

Hwane nya silo sesi, nyi di tula maho, nyi wona lidimba na li tudwe Ndzadzini: Lito nya guphele nyi nga lipwago na li ganela gwangu, kha nga pundru, li di, khilo: “Lita uta eno, gasi nyi gu yeyedze iso si na giregago hwane nya esi:”