Mithumo 1:8 - Bhibhiliya Nya Guage

⁸ Gasi enu, mu na hakha tshivba gikhati Liphuvbo nya Guage li na gu tshigago gwanu. Mu na khala dzifakazi dzangu gukhugela Jerusalema ni Judheya gwatshavbo, ni Samariya, kala mahegiso nya mafu.”

Mithumo 1:8 Iomraidhean Croise

Dzindzimo 22:27

Vathu va mafuni gwatshavbo va na muti Pfhumu Nungungulu va vbindrugedza avbo gwaye; mbeli gwaye mayigo yatshavbo ma na mu khozela.

Dzindzimo 98:3

Alakanyide lihaladzo ni gutumbega gwaye ga ndranga ya Israyeli, dzitshokani nya litigo gu wonidwe guvbanyisa ga Nungungulu wathu.

Isaya 42:10

Embani ga Pfhumu Nungungulu ndzimo nya yiphya, mu mu dhumisa gukhugela mahegiso nya mafu, enu mu gimbilago vbatshani nya linene ni satshavbo si guromo umo, enu sidwa gumogo ni vavbanyi vaye.

Isaya 49:6

A di engedza gambe, khuye: “Kha gu eneli gu uwe u khale githumi gyangu basi, gasi gu wusedza mahundzu ya Jakobe, ni gu wuyisa avo va na vbulugago va Israyeli; nyi gu giride gambe wenengedzo nya guwenengedze va nya mayigo, gasi guvbanyisa gwangu gu vboha kala mahegiso nya litigo.”

Isaya 52:10

Pfhumu Nungungulu funungude libogo laye nya guage mbeli ga mayigo yatshavbo; ni mahegiso nya litigo va na wona guvbanyisa ga Nungungulu wathu.

Isaya 66:19

Nyi na va vega giwonegiso, avo va na gu vbulugago, nyi na va rumela mayigoni ya Tarisisi, Puli ni Ludhi, vathu nya gu kodze gu khwandra siholoma, Tubhali ni Javha, kala sidwani sa hwindzo, ga vathu va ngamba tshukha vapwa ndruma yangu, ambari gu wona wudhumo wangu; va naya tivisa wudhumo wangu ga mayigo yoyo.

Jeremiya 16:19

Uwe Pfhumu Nungungulu, u tshivba, muvhikeli ni wuthavelo wangu litshiguni nya mhango! Avbo gwago mayigo ma nata khu mahegiso nya litigo ma ta, khayo: “Vababe vathu va hakhide thomba nya malipha ni wupumbu nyamba phasa gilo.

Mikeya 3:8

Aholu khu lisine eni nyi tade khu tshivba nya Liphuvbo la Pfhumu Nungungulu nyi tade khu mapimo nya gululame ni gumbana hwanga, gasi gu huwelela va na Jakobe khu gu ndraga gwawe nya nayo ni gu yeyedza sighoho sa na Israyeli.

Zakariya 4:6

Uye a di nyi hakha a nyi embela, khuye: “Aya khu magana ya Pfhumu Nungungulu a ganelago khu kotani ya Zorobhabheli, khuye: Khandri khu tshivba, mwendro khu dzihanyi, aholu, khu Liphuvbo langu; a ngu ganela Pfhumu Nungungulu nya Tshivba Yatshavbo.

Matewu 24:14

Mahungu nya Yadi yaya nya Mufumo wa Nungungulu ma na huweledwa tigoni gwatshavbo gasi gu ninga wufakazi mayigoni gwatshavbo. Khu hwane nya ugo khavbo gu no tago guhegisa.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Marko 16:15

Khavbo avbo, a di va embela, khuye: “Indrani tigoni gwatshavbo, mu gimbila mu hevbudza Mahungu nya Yadi nya maphya ga vathu vatshavbo.

Luka 1:35

Ngilozi yi di mu hakha, khiyo: “Liphuvbo nya Guage li na gu tshigela; tshivba ya Uye a guromo vbatshani ngudzu yi na gu fenengedza. Khu kharato, Gyanana nya gukatege gi na velegwago gi na ranwa Mwamana wa Nungungulu.

Luka 10:19

Dzitini nya gukhenu nyi mi ningide tshivba nya gugandre dzinyoga ni dzihume, gumogo ni tshivba nya gupale wuhungu watshavbo wa nala. Gi mwalo gi na gu mi girago gilo.

Luka 24:29

Gasi avo va di mu khadzisa, khavo: “Khala ni ethu, kholu lidambo li hwidwe, wutshigu wu nguya na wu hidzimela.” A di bela, gasi guya khala navo.

Johane 15:27

A nenu mu na nyi fakazela, kholu mu diri ni eni gukhugela guhegulani.

Mithumo 1:22

gukhugela Gubhapatisa ga Johane kala litshigu a nga gwelago Jesu Ndzadzini; moyo wawe gu vbwetega a khale gumogo ni ethu fakazi nya Guwuge gwa Jesu khu ga vafudego.”

Mithumo 1:5

Kholu, Johane bhapatiside khu mati, aholu enu, ndrani nya matshigu madugwana, mu na bhapatiswa khu Liphuvbo nya Guage.”

Mithumo 13:31

Matshigu nya mangi a dzi wonegiside ga vale va nga gwelago Naye gukhugela Galileya kala Jerusalema; Avovo khavo va khadego dzifakazi dzaye vbakari nya vathu.

Mithumo 2:32

Wonani gwadi, Nungungulu wuside Jesu khu ga vafudego, ethu avba mu hi wonago, hi dzifakazi nya mahungu yaya.

Mithumo 22:15

U na khala fakazi vbakari nya vathu vatshavbo nya esi u si wonego ni esi u si pwidego.

Mithumo 3:15

Mu songiside guralo Pfhumu yi ningago guvbanya. Aholu, Nungungulu a mu wuside khu ga vafudego; ethu avba hi dzifakazi nya sigiro soso.

Mithumo 4:33

Vapostoli va di gu fakaza khu tshivba guwuga ga Pfhumu Jesu khu ga vafudego. Gambe wuhigo nya wukhongolo wu diri gwawe.

Mithumo 5:32

Ethu hi guromo avba hi dzifakazi nya silo sesi gumogo ni Liphuvbo nya Guage, eli Nungungulu a ningago vatshavbo vale va mu yingelago.”

Mithumo 6:8

Sitefane, na tade khu gukhodwa ni tshivba ya Nungungulu a di gu gira siliwugiso ni siwonegiso vbakari nya vathu.

Mithumo 8:1

Sawule nuye a di tsakiswa khu gufa gwa Sitefane. Litshigu lolo va di gira liphulo nya gugimbile va molela vakhodwa vatshavbo va Jerusalema. Vatshavbo va di thava va phalalega ni litigo la Judheya ni Samariya, va tshala Vapostoli basi.

Varoma 10:18

Olu nyi ngu wudzisa: Ina avo kha va mapwa mahungu yaya, gani? Khu lisine va ma pwide. Gambe iyo Milowo nya Guage yabune yi ngu ganela, khiyo: “Lito la vativisi li pwade tigoni gwatshavbo, ni magana yawe ma vbohide kala mahegiso nya mafu.”

Varoma 15:19

khu siliwugiso ni sisamadziso, ni tshivba nya Liphuvbo nya Guage. Khidzo kharati nyi tago na nyi gu tivisa Mahungu nya Yadi ya Kristo, gukhugela Jerusalema, ni malangani yatshavbo kala gipandre gya Iliriya.

Vakolosi 1:23

Aholu, gu vbwetega mu simame gu khala na mu tiyide gwadi gukhodwani, mu nga hambani ni gitumbo mu hakhidego gikhati mu tivisidwego Mahungu nya Yadi, ma tiviswago ga vathu vatshavbo va tigoni momu, eni Pawulo nyi vegidwego gu khala mutivisi wakone.