Mithumo 1:24 - Bhibhiliya Nya Guage

²⁴ Khavbo avbo, va di gira nombelo, khavo: “Pfhumu, Uwe utigo monyo nya muthu ni muthu, wonegisa ga ava vavili khu wevbini uye u mu hathidego,

Mithumo 1:24 Iomraidhean Croise

1 Dzipfhumu 8:39

uwe va yingise khu ndzadzini yoyo, wulangani u khadego avbo, ninga moyo ni moyo maningano khu dzindzila dzaye dzatshavbo, nidzo u na wonago khidzo monyoni gwaye, kholu khuwe basi u wonago myonyo yatshavbo ya sanana sa vathu.

1 Dzikoronika 28:9

Gasi uwe mwanangu Solomoni, gu vbweta uti Nungungulu wa babe wago, u mu thumela khu monyo wago watshavbo, ni hefemulo wago watshavbo; kholu Pfhumu Nungungulu a ngu khedza maalakanyo nya myonyo yatshavbo, a gu pima makungo ni maalakanyo yatshavbo nya monyo; wa gu mu vbweta u na mu mana, aholu wa gu mu diga, Uye a na gu dzudzuga hwindzo kala gupindruga.

1 Dzikoronika 29:17

Nungungulu wangu, nyi ngu dziti gukheni, Uwe u ngu khedza myonyo ni gu gambe, U ngu salalegiswa khu gululama; khu guralo, eni neni khu gutsaka nya monyo wangu nyi ngu gu ninga silo sesi, olu nyi wonide khu gunengela iso vathu vago va guromo avba va ningedego khu gugola nya myonyo yawe.

Dzindzimo 44:21

ina Nungungulu a sa hi tugula gani, uye a yitigo misihalo ya myonyoni, gani?

Dzindzimo 7:9

Vbedza guvivba nya sighohi, u tiyisa muthu nya gululame Uwe Nungungulu nya gululame u wonago monyo ni mahingigedzo.

Mavingu 15:11

Pfhumu Nungungulu a ngu wona ambari ni iso si guromo vbavbatshi phalani nya guete nya lithowo, a nga padwa khu ginani gu wona iso si guromo myonyoni nya vathu!

Jeremiya 11:20

Aholu, Uwe Pfhumu Nungungulu nya Tshivba Yatshavbo, mulamuli a lulamidego, U lingago mapimo ni hefemulo, dzi yeyedze gwangu khu gu livbisa vathu vava; kholu avbo gwago nyi vegide mahungu yangu.

Jeremiya 17:10

Eni, kheni Pfhumu Nungungulu, nyi ngu khedza mapimo nyi linga myonyo; gasi nyi ninga moyo ni moyo tshatshazelo yaye, ni mihandro nya sigiro ni thumo waye.

Jeremiya 20:12

Gasi olu, uwe Pfhumu Nungungulu nya Tshivba Yatshavbo, uwe u khedzago monyo nya muthu a lulamidego, ni guti mapimo nya monyo waye, nyi phodzele ga valala vangu na nyi gu va wona khu maho yangu, kholu nyi gu tiviside mahungu yangu.

Mitengo 27:16

“Pfhumu Nungungulu, Uwe U gu Nungungulu u ningago guvbanya sivangwa satshavbo, hatha mwama nya gukari gasi gu khala muthangeli nya tshangano yoyu,

Luka 16:15

Jesu a di khuye: “Enu mwa guvbweta gu zundzwa kha nga vathu nya ndruda, vbakari nya vathu, aholu Nungungulu a ngu wona myonyo yanu. Kholu iso si khusegidego mahoni nya vathu si nyenyezide mahoni ga Nungungulu.

Johane 21:17

A di mu wudzisa nya wuraru, khuye: “Simoni, mwamana wa Jona, ina kamwe u ngu nyi gola uwe?” Pedro a di garadzega, kholu a nga mu wudzisa nya wuraru, khuye: “U ngu nyi gola, gani?” A di mu hakha, khuye: “Pfhumu! U nguti satshavbo; u ngu dziti gwadi khuwe nyi ngu gu gola.” Jesu a di mu embela, khuye: “Havisa dzinvuta dzangu.

Mithumo 14:23

Na va giride milombelo ni gu hala, va di hatha madhota khu libandla ni libandla va gu ma vega mandzani ga Pfhumu va khodwego gwaye.

Mithumo 15:8

Uye Nungungulu atigo myonyo, a va girede wukustumunyu, khu gu va ninga Liphuvbo nya Guage kha nga a nga hi ningago ethu.

Mithumo 6:6

Na va va reside ga Vapostoli, avo, na va giride nombelo, va di va handzega mandza.

Varoma 8:27

Uye a wonago ndrani nya myonyo a ngu giti egi Liphuvbo li vbwetago gu lomba, kholu Liphuvbo la gu lombelela khu vale va lumbago Nungungulu, kha nga edzi Nungungulu a dzinago khidzo.

Vahebheru 4:13

Gimwalo ni gimwegyo gi sihadego mahoni ga Nungungulu. Sivangwa satshavbo somo tendrelani mahoni ga Nungungulu. Ethu hatshavbo hi na ema mbeli gwaye, a hi lamula.

Gutuledwa 2:23

Nyi na rwega lufu ga sanana saye gasi mabandla yatshavbo ma dziti gukhayo kheni muloli nya mahingigedzo ni myonyo, kholu nyi na ninga moyo ni moyo gukhedza khu mithumo yaye.

1 Samuweli 14:41

Khavbo avbo, Sawule, a di embela Pfhumu Nungungulu wa Israyeli, khuye: “Hi nonedze lisine.” Sawule ni Jonatane va di modwa khu solo, va vbuluga vathu.

1 Samuweli 16:7

Aholu, Pfhumu Nungungulu a di embela Samuweli, khuye: U nga tsakiswi khu wumburi waye, ambari khu giyemo gyaye, kholu kha nya mu hatha; Pfhumu Nungungulu kha woni kha nga mawonelo nya vathu. Muthu a gu wona iso sa vbavbandze, aholu, Pfhumu Nungungulu a gu wona monyo.