Mithumo 1:17 - Bhibhiliya Nya Guage

¹⁷ Judha a di valedwe vbakari gwathu a gu hakha gipimo gyaye umo nya thumo wathu.

Mithumo 1:17 Iomraidhean Croise

Matewu 10:4

Simoni Mukhanani, ni Judha Sikarioti, a gu uye a nga mu ningelago.

Marko 3:19

ni Judha Sikarioti, a gu uye a nga mu ningelago.

Luka 22:47

Jesu na nga guganela li di vboha lidhuma nya vathu, na li gu thangedwa khu moyo nya vale nya likhumi na vavili, nya gupwani khu Judha, a nga hidzimelago ga Jesu gasi guya mu bhejari.

Luka 6:16

Judha, mwamana wa Jakobe, ni Judha Sikarioti, a gu uye a nga mu ningelago.

Johane 17:12

Na nyi ngari navo mafuni nyi di gu va sayisa khu lina lago. Nyi sayiside vatshavbo u nga nyi ningago, mwalo ni moyo a nga dzimelago, vbavbandze ga wule gu nga vbwetega a dzimele, gasi gu tadzisega Milowo.

Mithumo 1:25

gasi gu tshikedza, thumoni nya wupostoli, wulanga wu nga tshidwago khu Judha khu gufela gubwelela wulanga waye.”

Mithumo 12:25

Bharinabha ni Sawule, na va vbedzide thumo wawe Jerusalema va di bwelela gumogo ni Johane a ranwago Marko.

Mithumo 20:24

Aholu kha nyi khathali khu womi wangu. Egi gi vbwetegago khu gu eni nyi vbohisa mahegiso liendro langu, nyifela gu vbedzisa ndrima nya thumo nyi pharisidwego khu Pfhumu yathu Jesu Kristo, nya gutivise Mahungu nya Yadi nya lihaladzo la Nungungulu.

Mithumo 21:19

Khavbo avbo, Pawulo a di va losa, a va tshamusela gwadi satshavbo esi Nungungulu a giridego khavbo gwaye vbakari ga va nya mayigo.

2 Vakorinto 4:1

Khu guralo, hi nga swihali thumoni momu hi nga ningwago khu wuhindzi wa Nungungulu.

2 Vakorinto 5:18

Satshavbo sa guta khu ga Nungungulu, a nga dzi tshanganisa ni ethu khu ga Kristo, a hi ninga thumo nya gutshanganise vambe.