Mithumo 1:12 - Bhibhiliya Nya Guage

¹² Khavbo avbo, Vapostoli va di bwelela va gu hongola Jerusalema khu gigomoni nya miolivha, gi khalago vbafuvbi ni Jerusalema, gipimo nya guningane pfhuka wu dzumedziswago gu gimbila khu litshigu nya Sabhadho.

Mithumo 1:12 Iomraidhean Croise

Zakariya 14:4

Khu litshigu lolo, a na ema khu migondro yaye mugigomoni nya Miolivha gi guromo mbeli nya lidhoropa la Jerusalema, khu phuvbo ga Khugadambo. Gigomo nya Miolivha gi khedzanidego ni Jerusalema khu Khugadambo kala Muhwadambo, gu na manega kova nya wukhongolo ngudzu. Gimbe gipandre nya gigomo gi na thegela Wuronga, gimbe gi thegela Marandzi.

Matewu 21:1

Na va guvbweta gu vboha Jerusalema, na varomo Bhetifage, mugigomoni nya Miolivha, Jesu a di ruma vapizane vavili, khuye:

Matewu 24:20

Lombelelani gasi gu thava gwanu gu si dugeleli vbagirametunu, mwendro khu litshigu nya Sabhadho,

Matewu 24:3

Na khade mugigomoni nya Miolivha, va di hidzimela vapizane vaye, vaya mu wudzisa, nari avo venga, khavo: “Hi embele, lini si na gu dugelelago satshavbo soso? Giwonegiso muni gi na gu tivisago guta gwago ni guhegisa nya litigo?”

Matewu 26:30

Na va embidelede nombelo nya ndzimo, va di duga va gu hongola gigomoni nya Miolivha.

Luka 19:29

Na va gu vboha Bhetifage ni Bhetaniya, vbafuvbi ni gigomo gi ranwago Gigomo nya Miolivha, Jesu a di ruma vapizane vavili,

Luka 21:37

Matshigu yatshavbo Jesu a di gu hevbudza Nyumbani ga Nungungulu; vbasilambotunu a di hongola Gigomoni nya Miolivha, aya lala iyo vbavbandze.

Luka 24:50

Hwane nya matshigu, a di hongola navo Bhetaniya, na va vbohide, a di khusedza mandza a va kategisa.

Luka 24:52

Gasi avo, na va mu khozede, va di bwelela Jerusalema na va tade khu gunengela.

Johane 11:18

Bhetaniya gu diri vbafuvbi ni Jerusalema, pfhuka nya kilometro mbili ni gipandre.