Mitengo 8:8 - Bhibhiliya Nya Guage

⁸ Khavbo avbo, va na resa gimombyana gumogo ni ningelo nya guhodze nya wuguvbi nya wadi, nya gusugwe khu mafura; u na dzega gimbe gimombyana gasi gu gira phaso nya guditshedzwe sighoho.

Mitengo 8:8 Iomraidhean Croise

Ekisodha 29:1

“Gasi gu va wumbela gu khala vaphasi nya mhamba va nyi thumela, u na gira, kharati: U na kasa gimombyana mwendro dzinvuta dzimbili nyamba hasa,

Ekisodha 29:3

U na si thela gitundruni u resa gasi guta gira ndruwo, u ningela gumogo ni gimombyana ni dzinvuta dzimbili.

Isaya 53:10

Khu guralo, Pfhumu Nungungulu a di tsakiswa khu gu mu lemedza khu sigaradzo; a ningela womi waye gasi gu girwa mhamba nya guhandze sighoho, a na wona livelego laye, ni guvbanya matshigu nya gulaphe; khu mandzani gwaye gu na tadzisega gugola ga Pfhumu Nungungulu.

Levhi 1:3

A gu vbweta gu gira ningelo nya phaso nya guvbiswe nari wa mombe, a na dusa matune nyamba hasa, a ta wu bikela nyangwatunu nya Tshatsha nya Tshangano, gasi aya mana gu hakhwa gwadi mbeli ga Pfhumu Nungungulu.

Levhi 16:3

Aroni a na bela wulangani nya guage ngudzu, nari ni esi: Kuzi nya phaso nya ditshedzo ni nvuta nya phaso nya guvbiswe.

Levhi 2:1

Muthu a gu vbweta gu ningela ga Pfhumu Nungungulu, phaso nya dzimbewu dza thembweni, ningelo waye wu na bani wuri wa wuguvbi nya gudadatwe, wu thedwa mafura ni libani nya gunungele.

Levhi 4:14

Gikhati gighoho va giridego gi na tugudwago, tshangano wu na bikela ningelo nya ditshedzo khu gimombyana nya kuzi va gi resa mbeli nya Tshatsha nya Tshangano.

Levhi 4:3

Oyu a nga ghohago, a gu bani ari muphasi nya mhamba a agisidwego, girede libango vathu vatshavbo, khu kotani nya gughohe gwaye, a na bikela ga Pfhumu Nungungulu ningelo nya gimombyana nyamba hasa, a gira mhamba nya ditshedzo

Levhi 8:2

“Dzega Aroni ni sanana saye, u dzega gambe ni dzingandzu, mafura nya gutodze, kuzi nya phaso nya ditshedzo, ni dzihamba dzimbili ni gitundru nya sibaba nyambana mela.

Varoma 8:3

Nungungulu kodzide gu gira iso Nayo wu nga si tandrega khu gu vbungudwa tshivba khu tumbunugo nya wuthu. Uye konide gighoho ndrani nya tumbunugo nya muthu, khu gu hi rumela Mwanaye, a dzudego khu tumbunugo nya idzosaye ni tumbunugo nya muthu nya gighohi. Kharato Nungungulu pade gighoho.

2 Vakorinto 5:21

Uye a ngamba ghoha, Nungungulu a mu giride gighohi khu kotani yathu, gasi, khu gutshanganiswa ni uye, hi kodze gu hakhwa gwadi khu Nungungulu.