Mitengo 8:21 - Bhibhiliya Nya Guage

²¹ Khu guralo, va na Levhi va di dzi agisa, va handza guambala gwawe; khavbo avbo, Aroni a di va ningela kha nga ningelo nya gundziwitedwe mbeli ga Pfhumu Nungungulu, a gu gira phaso nya ditshedzo khu avo, gasi gu va agisa.

Mitengo 8:21 Iomraidhean Croise

Ekisodha 19:10

Pfhumu Nungungulu a di embela gambe Mosi, khuye: “Indra ga vathu u ya va agisa muhuno ni mindru; va na handze guambala gwawe.

Levhi 14:11

Muphasi nya mhamba a na gu thangelago thumo nya guagise, a na bikela oyu a vbwetago gu agiswa ni miningelo yeyi yatshavbo mbeli ga Pfhumu Nungungulu nyangwatunu nya Tshatsha nya Tshangano.

Mitengo 19:12

A na dzi agisa khu litshigu nya wuraru khu mati nya guagise, bwelo khavbo a dzi agisa khu litshigu nya livbandre na mavili; aholu a gumba dzi agisa khu litshigu nya wuraru, ni litshigu nya livbandre na mavili khu mati yoyo, uye kha na aga.

Mitengo 19:19

Oyu a agidego, a na mitegedzela muthu yoyo nya gunyenyeze khu litshigu nya wuraru ni litshigu nya livbandre na mavili, a mu agisa; a na handza dzingandzu dzaye, bwelo khavbo a hamba givili gyaye, gupfolani nya lidambo a na bani na agide.

Mitengo 3:12

“Wona nya gukhuwe Eni nyi hathide va na Levhi vbakari ga na Israyeli, wulangani nya gu na nyi dzegide matiwula yatshavbo a gu mihandro nya guphele ya mahembeni ya na Israyeli. Va na Levhi va na khala vangu,

Mitengo 8:15

Khu hwane, va na Levhi va na bela vaya gira thumo wawe Tshatshani nya Tshangano, hwane nya gu uwe nu va agiside, u va ningela kha nga ningelo nya gundziwitedwe.

Mitengo 8:20

Khu guralo, Mosi, Aroni ni tshangano watshavbo wa va na Israyeli, va di gira ga va na Levhi satshavbo esi Pfhumu Nungungulu a nga leletelago Mosi, mayelano khu va na Levhi.

Mitengo 8:22

Khu hwane nya isoso, va na Levhi va dita gasi gu ta thumela Tshatshani nya Tshangano, mbeli ga Aroni ni sanana saye; kha nga edzi Pfhumu Nungungulu a leletedego khidzo Mosi, mayelano khu va na Levhi, a di va girela kharato.

Mitengo 8:7

Gasi gu va agisa, u na gira, kharati: U na va mitegedzela khu mati nya guditshedze sighoho; va ya dzi vbalula ndzudzu ni mafefeleti nya givili gyawe gyatshavbo, va handza guambala gwawe, va hamba, va dzi agisa kharato.