Mitengo 8:11 - Bhibhiliya Nya Guage

¹¹ Aroni a na bikela va na Levhi kha nga ningelo nya gundziwitedwe mbeli ga Pfhumu Nungungulu, owu wu dugago khu ga va na Israyeli; khu guralo, va na thuma thumo nya wukhozeli mbeli ga Pfhumu Nungungulu.

Mitengo 8:11 Iomraidhean Croise

Ekisodha 29:24

Satshavbo sesi u na si vega mandzani ga Aroni ni mandzani ga sanana saye, u si ndziwitela mbeli ga Pfhumu Nungungulu.

Levhi 7:30

A na resa abune khu mandza yaye esi si na bikedwago ga Pfhumu Nungungulu, kha nga ningelo nya guvbiswe: Mafura ni khana; aholu khana yi na ndziwitedwa kha nga idzo wu rumago khidzo nayo nya gubikele ningelo mbeli ga Pfhumu Nungungulu.

Levhi 7:34

Kholu khana yi giredwego nayo nya bikelo ni litundru li kasidwego, nyi si dzegide eni mandzani ga sanana sa Israyeli, avbo nya miphaso yawe nya pwanano, nyi fela gu si ningela ga muphasi Aroni ni sanana saye, kha nga nayo nya gupindruge vbakari nya sanana sa Israyeli.

Levhi 8:27

A di vega satshavbo mandzani ga Aroni ni sanana saye, va si ndziwitela satshavbo mbeli ga Pfhumu Nungungulu, kha nga nayo nya bikelo.

Levhi 8:29

Mosi a di dzega khana nya nvuta a yi ndziwitela mbeli ga Pfhumu Nungungulu, a gira nayo nya gubikele. Gipandre gegi nya nvuta nya phaso nya guwumbele yi di lumba Mosi, kha nga idzo Pfhumu Nungungulu a mu leletedego khidzo.

Mitengo 6:20

Muphasi nya mhamba a na si ndziwitela mbeli ga Pfhumu Nungungulu, esi si na bani na si agide ngudzu, si na lumba muphasi nya mhamba gumogo ni khana ni litundru nya ningelo nya gundziwitedwe; khu hwane nya isoso, Munaziri a ngu dzi kodza gu sela wadwa.

Dhewuteronome 10:8

Khu gikhati gyogyo gya gimwegyo, Pfhumu Nungungulu, a di hatha lihundzu la na Levhi gasi li rwala Ngasa nya Gidzumeledzwano gya Pfhumu Nungungulu, gasi va manega mbeli ga Pfhumu Nungungulu, va mu thumela ni gu kategisa vathu khu lina laye kala na muhuno.