Mitengo 7:10 - Bhibhiliya Nya Guage

¹⁰ Khu litshigu gi todzidwego mafura giluvelo, vathangeli va di dusa mihengo yawe nya guagise giluvelo, va yi vega mbeli gwa igyo.

Mitengo 7:10 Iomraidhean Croise

1 Dzipfhumu 8:63

Solomoni a di ningela miphaso nya gurule; miphaselo a nga ningelago ga Pfhumu Nungungulu, a diri magumavili na mavili magumi mazana (22.000) nya dzimombe, ni lizana ni magumavili magumi mazana (120.000) dzinvuta; isoso khiso mufumeli ni va na Israyeli va nga agisa khiso Nyumba ya Pfhumu Nungungulu.

2 Dzikoronika 7:5

Mufumeli Solomoni a di ningela miphaso ga Pfhumu Nungungulu nya magumavili na mavili magumi mazana (22.000) dzimombe, ni lizana ni magumavili magumi mazana (120.000) dzinvuta; khidzo kharati mufumeli ni vathu vatshavbo, va nga agisago khidzo Nyumba ya Pfhumu Nungungulu.

2 Dzikoronika 7:9

Khu litshigu nya livbandre na mararu gu di girwa tshangano nya guage, kholu va vbedzide livbandre na mavili matshigu na va guphasela gu agisa giluvelo, ni livbandre na mavili matshigu na gu girwa buzo.

Nehemiya 12:27

Gikhatini nya gukhangudwe libhiyo la Jerusalema, gu di ranwa khu malangani nya guhambanelane, va na Levhi vatshavbo gasi vata khangula libhiyo khu gutsaka, na va gu embelela khu dzindzimo, ni gudhumisa khu dzingoma, sitendre, dzimbila ni mitandrandra.

Nehemiya 12:43

Litshigu lolo, gu ningedwe miphaselo nya dzimhamba nya dzikhongolo gu bwelo khavbo gu nengedwa; kholu Nungungulu a di va ningide litsako nya likhongolo. Vanyamayi ni sanana, avo navo va di gu tsakide ngudzu. Huwa nya litsako lolo yi di pwala Jerusalema gwatshavbo, kala hwindzo.

Dzindzimo 30:1

Eni nyi ngu gu khusedza, Pfhumu Nungungulu, kholu u nyi vbanyiside, khwa diga valala vangu va ghiya hwamboni gwangu.

Mitengo 7:1

Litshigu Mosi a nga vbedzago gu emisa Wulanga nya Guage, a di wu todza khu mafura, a wu agisa ni sombo saye satshavbo; a emisa gambe giluvelo a gi agisa gumogo ni sombo saye satshavbo; na gu thumisa mafura nya gikategiso gikhati gyatshavbo.

Mitengo 7:11

Khavbo avbo, Pfhumu Nungungulu a di ganela ga Mosi, khuye: “Muthangeli ni muthangeli a nata khu litshigu laye ata bikela ningelo waye nya guagise giluvelo.”

Mitengo 7:84

Ogu khugo guagiswa nya giluvelo gu nga girwago khu vathangeli va na Israyeli, litshigu gu nga todzwa mafura giluvelo gasi gu gi agisa. Vathangeli va na Israyeli va di ningela likhumi na dzimbili dzimbiya nya parata, likhumi na sivili sinamelo nya parata ni likhumi na sivili simbiyana nya ndralama.

Mitengo 7:88

Sifuyo satshavbo nya phaso nya gurule, magumavili na sina simombyana ni livbandre na limwedo magumi dzihamba, livbandre na limwedo magumi vanyamabhongwe ni livbandre na limwedo magumi sinvutana nya mwaga moyo nya guvelegwe; eyi khiyo mihengo nya guagise giluvelo hwane nya gu bani gi todzidwe mafura.

Dhewuteronome 20:5

Dzindruna dzi na ganela ga vathu khidzo: “Khu mani vbakari gwanu a vbahidego nyumba nya yiphya yi si gu khangudwigo? A na bwelele gaya gwaye, kholu a ngaya yafa nyimbitunu, nyumba yaye yi tshala yi khangudwa yi laledwa khu vambe, uye na fude.