Mitengo 6:27 - Bhibhiliya Nya Guage

²⁷ Khu guralo, mu na rana Lina langu vbatshani ga sanana sa Israyeli, Eni nyi na va kategisa.”

Mitengo 6:27 Iomraidhean Croise

Genesi 32:26

Muthu wule a di embela Jakobe, khuye: “Nyi dige nyi hongole kholu wu ngu khuga Wuronga.” Jakobe a di mu hakha, khuye: “Gima kha nya na nga gu diga u hongola nyamba phela khu gu nyi kategisa.”

Genesi 32:29

Jakobe a engedza, khuye: “Nyi ngu gu lomba u nyi embela lina lago.” Uye a di mu hakha, khuye: “Khu ginani u wudzisago lina langu?” Khavbo avbo, a di mu kategisa.

2 Samuweli 7:23

Khu levbini litigo la omu mafuni li fananago ni vathu vago va na Israyeli, avo uwe Nungungulu u va tshudzisidego gasi gu khala vathu vago! U dzi girela lina nya likhongolo ni gu girela vathu vago silo si samadzisago ngudzu tigoni gwago, khu gu tutumisa vathu ni vanungungulu vawe mbeli ga vathu vago, u va tshudzisidego tigoni ga Egipito.

1 Dzikoronika 4:10

Jabhesi a di lombelela ga Nungungulu wa na Israyeli, khuye: “Oh! Naripwani U ngu nyi kategisa U engedzela mivbingano nya litigo langu, gyandza gyago na giri gumogo ni eni, U nyi vhikela ga silo nya guvivbe, gasi nyi si mani sigaradzo!” Nungungulu a di mu ninga iso a nga si lomba.

2 Dzikoronika 7:14

vathu vangu, va ranwago khu lina langu, va gu dzi sodzisa ni gu va lombelela khu gu vbweta Lina Langu, va hambana ni dzindzila dzawe nya guvivbe, na nyiri kheno ndzadzini, nyi na va yingisa, nyi va tsetselela sighoho sawe, nyi vbodzisa litigo lawe.

Dzindzimo 5:12

Khu kharato, uwe Pfhumu Nungungulu, u ngu kategisa oyu a lulamidego u ngu mu vhikela maphuvbo yatshavbo khu gitshangu nya wuhigo wago.

Dzindzimo 67:7

Nungungulu a na hi kategise, mafuni gwatshavbo va na gu ninge githawo.

Ekisodha 6:3

Nyi dzi wonegiside ga Abrahama, ga Isaki ni ga Jakobe, kha nga Nungungulu nya Tshivba Yatshavbo, aholu, khu lina langu nya Pfhumu Nungungulu kha nya tidwa gwadi.

Isaya 43:7

kholu vatshavbo va ranwago khu lina langu, avo nyi va vangidego gasi va khala wudhumo wangu, kheni nyi va wumbidego nyi bwelo khavbo nyi va gira.”

Jeremiya 14:9

Khu ginani u gira nga muthu a garadego, mwendro ndrena nyambana tshivba yi gumba kodza gu vbanyisa? Aholu uwe Pfhumu Nungungulu, u womo vbakari gwathu, ethu ha gu ranwa khu lina lago; u nga hi digi.

Mitengo 23:20

Khu lisine, nyi rumidwe gu kategisa. Nungungulu kategiside, eni kha nyi dzi kodzi gu vbindrugedza gikategiso.

Matewu 28:19

Khu kharato, indrani mu gimbila mu hevbudza mayigo yatshavbo, mu bhapatisa vathu khu lina la Babe, ni la Mwamana, ni la Liphuvbo nya Guage.

Vaefeso 1:3

A na rungudzwe Nungungulu, Babe wa Pfhumu yathu Jesu Kristo, A hi kategisago khu makategwa yatshavbo ya Ndzadzini khu ga Kristo.

Dhewuteronome 28:10

Mayigo yatshavbo ya mafuni ma na gu wona na wu gu ranwa khu lina la Pfhumu Nungungulu, ma na gu ninga githawo.