Mitengo 5:21 - Bhibhiliya Nya Guage

²¹ khavbo avbo muphasi nya mhamba a na engedza gu sambanyisa nyamayi khu gisambanyo nya givalo, a mu embela, khuye: Wa gu bani u handrugede mwama wago a nga gu lowola, ni gu bani u dzi nyenyeziside khu gulala ni mwama a gu sigu wago, Pfhumu Nungungulu a na gu gire givalo, a gu nyenyezisa vbakari ga vathu vago, u khala gyumba, u mana madwali nya gitamba.

Mitengo 5:21 Iomraidhean Croise

2 Dzikoronika 21:15

Uwe wurumba wago, u na thegedwa khu libango nya madwali nya makhongolo mahembeni gwago, ma na engedzelanago khu litshigu ni litshigu, kala mahembe yago ma vbalaga vbavbandze.

Nehemiya 10:29

Vambe vathu va diri vaphasi nya mhamba, va na Levhi, vawoneleli nya dzinyangwa, vaembeleli, vasayisi va Nyumbani ga Nungungulu ni vatshavbo vale va nga bani va dugela mayigwana ya vbafuvbi, vata namarela vbamilayotunu ya Nungungulu, ni gu vagadzi vawe ni sanana sawe nya sikhwathana nesi nya vanyamahegyane ni vatshavbo avo va nga bani na vari ni tanga nya guti ni gu pima.

Mavingu 10:7

Mapimo ma tshidwego khu muthu nya gululame, ma gu resa gikategiso, aholu lina la muthu nya guvivbedwe khu monyo, la gu vbiredza gufuva,

Isaya 65:15

Malina yanu ma na tshala na mari givalo vbakari ga sihathwa sangu, Mune, Pfhumu Nungungulu, a na mi songa; aholu sithumi saye, a na si rana khu limbe lina.

Jeremiya 29:22

Gu na dzegwa avbo gwawe magana nya givalo nya dzikhumbi dza Judha dzi guromo Bhabhiloni, khavo: “Pfhumu Nungungulu a na gu gire nga Zedhekiya ni Akabi, avo va nga vbiswa khu nilo na va guvbanya khu mufumeli wa Bhabhiloni;

Mitengo 5:27

Hwane nya gu bani a mu sedzide mati, uye a gu bani a dzi nyenyeziside, ni gu bani a ghohede mwama waye, mati nya gugire givalo ma na bela ndrani gwaye ma mu pwisa wuvi, girumbu gyaye gi na simba, ni gu a na khala gyumba; nyamayi yoyo a na khala givalo vbakari ga vathu vawe.

Matewu 26:74

Khavbo avbo, a di phela gu vbenyavbenya ni gu sambanya, khuye: “Kha nyi muti muthu yoyo.” Gikhati gyogyo khonge wu di dzegela gu emba.

Josuwa 6:26

Khavbo avbo, Josuwa a di gira gisambanyo gegi, khuye: “A na vadwe mbeli ga Pfhumu Nungungulu wule a na gu yedzago gu vbahedza lidhoropa leli la Jeriko! Gikhati a na girago khokhweni, gi nafe gyanana gyaye nya matiwula; gikhati a thelago malimba, gi nafe gyanana gyaye nya mahegiso.”

1 Samuweli 14:24

Khu litshigu lile, va na Israyeli va di guvbisega ngudzu, kholu Sawule a di gurumedza vathu khu gisambanyo gyaye, khuye: “A na vadwe wule a na hodzago li si gu pfoli lidambo, gasi nyi kodze gu dzi phodzela ga valala vangu.” Khu guralo, mwalo ni moyo a nga linga guhodza.