Mitengo 5:2 - Bhibhiliya Nya Guage

² “Embela va na Israyeli va duse vbavbandze nya lizumbo vatshavbo va gu na ni sokono, va gu ni tungu nya gudugelele wusila ni avo va dzi nyenyezisidego khu kotani nya guphare girumbi.

Mitengo 5:2 Iomraidhean Croise

2 Dzipfhumu 7:3

Vbanyangwatunu gu diri ni vama vana nya gudwale khu sokono, avo va di ganela khu gyawe, khavo: “Hi na khala sathu avba kala hifa, gani?

Levhi 13:45

Muthu a beledwego khu madwali yoyo nya sokono, fanede gu pferula guambala gwaye gu khala sitsangala, a vhilinganyisa ndzudzu, a fenengedza likana, a gulumela, khuye: Nya gunyenyeze! Nya gunyenyeze.”

Levhi 13:46

Matshigu yatshavbo a na vbanyago nari ni madwali yoyo nya sokono a na dzipwe na nyenyezide, a na vbanya phuvbo, nyumba yaye yi na manega vbavbandze nya lizumbo.”

Levhi 13:8

Khavbo avbo, muphasi nya mhamba a gu wona gukhuye madwali ma engedzelane gudandra ma ya mbeli, a na tivisa gukhuye mudwali kha aga: A na ni sokono.

Levhi 14:8

Wule a na agiswago, a na handza dzingandzu dzaye, a vbaludwa ndzudzu waye watshavbo, aya hamba, a na agiswa. Khavbo avbo, a ngu dzi kodza gu wuya lizumboni, aholu a na khala livbandre na mavili matshigu vbavbandze nya tshatsha waye.

Levhi 21:1

Pfhumu Nungungulu a di embela Mosi, khuye: “Ganela ga vaphasi nya mhamba, sanana sa Aroni, khuwe: Muphasi nya mhamba a nga dzi nyenyezisi, khu gu hidzimela vbafuvbi nya girumbi gya nongo waye,

Levhi 23:29

Kholu muthu watshavbo vbakari gwanu a na gumba hala litshigu lolo, Eni nyi na mu fuvisa vbakari ga va na gyawe.

Mitengo 12:10

Avbo lipfhi li nga khugago khu vbatshani nya Tshatsha; Miriyamu a di phorola khu sokono, gu wonega kha nga thondrwane; Aroni a di thendregedza a wona Miriyamu nari ni sokono.

Mitengo 12:14

Pfhumu Nungungulu a di embela Mosi, khuye: “Nari pwani babe waye a di mu hetshela khovbeni, ina na sa vbedza livbandre na mavili matshigu na tade khu dzitshoni, gani? A na segedwe vbavbandze nya lizumbo livbandre na mavili matshigu, khu hwane, mu na mu wuyisa gambe.”

Mitengo 31:19

Enu khalani vbavbandze nya lizumbo kala mu enedza livbandre na mavili matshigu, watshavbo wule a na gu bani na songide muthu nya gukari, ni watshavbo wule a nga kuhago girumbi, a na dzi agise khu litshigu nya wuraru ni litshigu nya livbandre na mavili, enu gumogo ni dzikhumbi dzanu.

Mitengo 5:1

Pfhumu Nungungulu a di ganela ga Mosi, khuye: