Mitengo 5:10 - Bhibhiliya Nya Guage

¹⁰ Muthu ni muthu a gu ni sombo nya guagiswe khyaye; aholu esi a na si bikelago ga muphasi nya mhamba sa gu lumba muphasi nya mhamba.”

Mitengo 5:10 Iomraidhean Croise

Ekisodha 29:28

Aroni ni sanana saye va na ningwa nyama yeyi khu nayo wu na hungago va na Israyeli kala gupindruga, kholu khigyo gipandre gi ningedwago ga vaphasi nya mhamba, egi sanana sa Israyeli si na kasago avbo nya miphaso yawe nya wuhengeli; khiyo mhamba yawe va duselago Pfhumu Nungungulu.

Levhi 10:13

Mu na yi hodzela avbo nya wulanga wu agidego, kholu khigyo gipandre gi gu lumbago ni sanana sago avbo nya miningelo yi vbisedwego Pfhumu Nungungulu, kholu khidzo nyi nga leletedwago khidzo.

Mitengo 31:41

Khu guralo, Mosi a di ningela ga muphasi nya mhamba Eleyazari ningelo nya ndruwo nya guluve ga Pfhumu Nungungulu, kha nga idzo Pfhumu Nungungulu a rumidego khidzo Mosi.

Mitengo 5:11

Pfhumu Nungungulu a di engedza a ganela ga Mosi, khuye: