Mitengo 4:49 - Bhibhiliya Nya Guage

⁴⁹ Gu di lovedwa vatshavbo, muthu ni muthu ni thumo waye gumogo ni rwalo waye kha nga idzo Pfhumu Nungungulu a nga leletago khidzo ga Mosi.

Mitengo 4:49 Iomraidhean Croise

Mitengo 1:47

Aholu va na Levhi kha va vegwa tengoni gukhedza khu lihundzu la vababe vawe,

Mitengo 1:54

Va na Israyeli va di gira satshavbo esi Pfhumu Nungungulu, a leletedego Mosi; va di gira kharato.

Mitengo 2:33

Aholu va na Levhi kha va nga lovedwa gumogo ni va na Israyeli kha nga edzi Pfhumu Nungungulu a nga leletelago khidzo Mosi.

Mitengo 3:51

Mosi a di ningela gyuma gegi nya dzegiso ga Aroni ni ga sanana saye, khu guleletela ga Pfhumu Nungungulu, kha nga idzo Pfhumu Nungungulu a nga bani a leletede khidzo Mosi.

Mitengo 4:15

Avbo Aroni gumogo ni sanana saye, a na gu bani na vbedzide gu fenengedzela Wulanga nya Guage ni satshavbo sombo sa vbawulangatunu nya guage, gikhati li khugago lizumbo, sanana sa Khowati si nata si ta rwala; aholu, va nga kuhi silo nya guage, kholu va ngafa; thumo wowu wa gu lumba va na Khowati, umo nya Tshatsha nya Tshangano.

Mitengo 4:21

Pfhumu Nungungulu a di engedza a embela Mosi, khuye:

Mitengo 4:24

Thumo wu lumbago lihundzu la Gerisoni, esi va yelago gu thuma ni gu rwala, khowu:

Mitengo 4:31

Thumo va yelago gu ya wu gira Tshatshani nya Tshangano, khowu: Mapulangu nya Wulanga nya Guage, ni dzimbano dzaye, madingo yakone ni sirandro saye,

Mitengo 4:32

madingo ma randrelago likupakupa, ni sirandro saye ni sitshiko saye, dzingodzi dzaye ni sombo saye satshavbo ni thumo waye watshavbo; mu na lovela khu malina ya satshavbo sombo esi va fanelago gu si sayisa ni gu si rwala.

Mitengo 4:37

Khavo ava va lovedwego umo nya lihundzu la na Khowati, vatshavbo na va gu thuma umo nya Tshatsha nya Tshangano va nga lovedwago khu Mosi ni Aroni khu guleletela ga Pfhumu Nungungulu avbo ga Mosi.

Mitengo 4:41

Ava khavo va nga sayedwago omu nya livelego la Gerisoni, vatshavbo avo va nga bani va kodza gu thuma thumo wa Tshatshani nya Tshangano, va lovedwe khu Mosi ni Aroni, khu guleletela ga Pfhumu Nungungulu.

Mitengo 4:45

Ava khavo va nga sayedwago khu Mosi ni Aroni nya lihundzu la va na Merari; kha nga idzo Pfhumu Nungungulu a nga leletelago khidzo khu mandzani ga Mosi.

Mitengo 5:1

Pfhumu Nungungulu a di ganela ga Mosi, khuye: