Mitengo 4:23 - Bhibhiliya Nya Guage

²³ u na va saya gukhugela vale va gu na ni tanga nya magumararu myaga guya mbeli kala livbandre magumi myaga, u na saya muthu watshavbo wule a belago thumoni nya Tshatsha nya Tshangano.

Mitengo 4:23 Iomraidhean Croise

1 Dzikoronika 23:24

Ava khavo a gu va na Levhi, mayelano ni linyumba la vanyehe vawe, kha nga idzo va sayedwego khidzo khu tengo nya malina, khu longoloko wa vathangeli vawe va nga bani va gira thumo nya guthumele Nyumbani ga Pfhumu Nungungulu, khu tanga nya gukhugele magumavili myaga guya mbeli.

1 Dzikoronika 23:27

Kholu, kha nga guleletela nya guhegise ga Dhavhidhe, a di khuye, va na Levhi va na phela gu bela tengoni va gu bani va enedzide magumavili myaga guya mbeli.

1 Dzikoronika 23:3

Gu di sayedwa Valevhi gukhugela avo va nga enedza magumararu myaga guya mbeli, gikhati va nga sayedwa khu moyo ni moyo, tengo wawe va diri magumararu na livbandre na mararu magumi mazana (38.000) vama.

Mitengo 4:22

“Lovela gambe tengo nya sanana sa Gerisoni, gukhedza khu dzindranga dza vababe vawe, gumogo ni longoloko wawe;

Mitengo 4:24

Thumo wu lumbago lihundzu la Gerisoni, esi va yelago gu thuma ni gu rwala, khowu:

Mitengo 4:3

vatshavbo vale va gu ni tanga nya magumararu myaga guya mbeli kala livbandre magumi myaga, na va kodza gu thumela ni gu sayisa Tshatsha nya Tshangano.

Mitengo 8:25

aholu hwane nya gu bani a enedzide livbandre magumi myaga, a na diga guthuma, gima kha na thuma gambe.

1 Vakorinto 9:7

Khu levbini lisotshwa li yago nyimbini khu dzitsapawu dza kwamani gwaye? Khu wevbi muthu a limago lithembwe nya miuvha, a si hodzi mihandro yaye? Khu wevbini muhavisi a si seligo mahwe nya tshambi waye?

2 Vakorinto 6:7

khu mahungu yathu nya lisine, ni tshivba ya Nungungulu khu matshari nya wululami, khu nyamudye ni nyambade.

Vagalatiya 5:17

Kholu, esi si godwago khu tumbunugo nya wuthu, si ngu dwana ni esi si godwago khu Liphuvbo la Nungungulu; ni esi Liphuvbo la Nungungulu li si golago, si ngu dwana ni esi si godwago khu tumbunugo nya wuthu. Silo sesi sa sivili si hambane. Khiso si girago mu si dzi kodzi gu thuma esi mu si suvago.

Vagalatiya 5:24

Ava va gu va Kristo Jesu va khokhothede vbagihambanotunu tumbunugo nya wuthu wawe ni gudogorela gwawe gwatshavbo.

1 Thimoti 1:18

Egi khu gileletelo nyi gu ningago mwanangu Thimoti, mayelano ni magana nya wuprofeti, aya ma ganedwego khu uwe khu gale. Ema ga ayo, u simamisa gu dwana litunga nya ladi.

2 Thimoti 4:7

Nyi dwanide litunga nya ladi. Nyi vbedzide gututuma ni gu sayisa gukhodwa gwangu.