Mitengo 35:21 - Bhibhiliya Nya Guage

²¹ mwendro gu mu veta khu mandza yaye khu gu nyenyana naye, uye afa; uye a mu vetidego a na songwa nuye, kholu gighevenga, muphodzeli a ngu dzi kodza gu mu songa avbo a mu manago.

Mitengo 35:21 Iomraidhean Croise

Genesi 4:14

Wona, muhuno u ngu nyi tutumisa mafuni momu, nyi ya manega hwindzo Nago; nyi na penga nyi legalega ni litigo; ni wevbini a nyi manago a na nyi songa.”

Genesi 9:5

Wa gu vbaladzwa novba nya muthu wu na livbwa; wa gu vbaladzwa khu girengo mwendro khu muthu, gu vbwetega wu livbwa, kholu womi wanu.

2 Samuweli 14:11

Nyamayi a di hakha, khuye: “Mufumeli, lomba khu lina la Pfhumu Nungungulu wago, gasi muphodzeli nya novba, a si nyi engedzeli libango, khu gu songa mwamana wangu.” Khu guralo, mufumeli a di hakha, khuye: “Nyi ngu sambanya khu Pfhumu Nungungulu a vbanyago, kheni, kha wu na thega vbavbatshi ambari ni ndzudzu moyo basi khu hungoni ga mwanago!”

Ezekiyeli 16:38

Nyi na gu lamula kha nga idzo va lamudwago khidzo vanyamayi nya maphuphulu, ni vale va songago vathu; nyi na vbaladza novba wago khu likhulo langu li wusago wufu.

Mitengo 35:19

Muphodzeli a na songa gighevenga a gu manana nagyo.

Mitengo 35:20

Khu guralo, muthu nya gukari, khu kotani nya lidiwo, a liginya mumbe, mwendro gu mu veta khu gimbe gilo khu gu vengana naye, uye afa,

Mitengo 35:22

Aholu a gu mu liginya khu guphazama, mwendro gu mu rinyela gilo nya gukari nyamba dzi vegisa gu mu girela isoso,