Mitengo 34:2 - Bhibhiliya Nya Guage

² “Ruma sanana sa na Israyeli, khuwe: Mu na bela tigoni gwa Khanani nyamba hwela, khilo eli litigo li na mi lumbago kha nga thomba; litigo la Khanani gukhedza khu mivbingano yaye.”

Mitengo 34:2 Iomraidhean Croise

Genesi 10:19

Litigo lawe li di ladza gukhugela Sidhoni kha guhongola Gerari, vbafuvbi ni Gaza, kala Sodhoma ni Ghomora, Adhama, Seboyimi kala Lasa.

Genesi 17:8

Nyi na gu ninga uwe ni situgulwana sago litigo leli u vbanyago umo olu kha nga muwuyi; litigo latshavbo la Khanani li na khala thomba yago kala gupindruga, Eni nyi na khala Nungungulu wawe.”

Dzindzimo 105:11

Avbo a nga khuye: “Nyi na gu ninga litigo la Khanani, li na lumba uwe kala gupindruga.”

Ekisodha 23:31

Nyi na pandra mivbingano yago gukhugela Yiphwa nya Gufuvile kala Yiphwa ya Vafilistiya, ni gukhugela giwulani kala gu vboha tsongoni wa Ewufrate; kholu nyi na vega mandzani gwago vathu va vbanyago tigoni, uwe u na va tutumisa mbeli gwago.

Jeremiya 3:19

Pfhumu Nungungulu a ngu ganela kharati, khuye: Eni nyi diri ni makungo nya gukheni nyi na gu sayisa kha nga idzo nyi sayisago khidzo sanana sangu, nyi gu ninga litigo nya ladi ngudzu, litigo nya gumbure ngudzu guvbindra mambe mayigo. Aholu eni nyi di pimisa, kheni: Mu na nyi rana khenu Baba, gima kha mu na ndreya gambe mu nyi diga.

Ezekiyeli 47:13

Mune Pfhumu Nungungulu, a ngu ganela kharati, khuye: “Eyi khiyo mivbingano nya litigo la Israyeli mu na kabanelanago kha nga thomba, gukhedza khu likhumi na mavili mahundzu ya Israyeli. Josefe a na mana sipandre sivili.

Ezekiyeli 47:14

Enu mu na kabanelana thomba nya gufanane, ga moyo kha nga ga mumbe; kholu, nyi sambanyide na nyi khusedzide mandza, gu li ningela ga vababe vanu; khidzo kharato litigo leli li na thegelago mandzani gwanu kha nga thomba.

Mitengo 34:1

Pfhumu Nungungulu a di engedza a embela Mosi, khuye:

Mithumo 17:26

Khu ga melegi wa moyo, tumbulugiside mahundzu yatshavbo nya vathu, gasi ma vbahe mafuni gwatshavbo; a kabanisa dzinango, a gu vega mivbingano nya guvbahe umo vathu.

Mithumo 26:18

Eni nyi ngu gu rumela guya va tula maho yawe gasi va duga gidemani, va ta guwonegelani; va duga wugumbini wa Sathane, va ta ga Nungungulu, va khodwa gwangu va fela gu divaledwa sighoho sawe, va hakha thomba yi lulamisedwego vbakari nya sihathwa, khu gukhodwa Gwangu.’

Vaefeso 1:14

Khilo gitumbiso nya thomba yathu, eyi Nungungulu a yi vegisedego vathu vaye; olu hi ngarigu vbakari nya gulindrele, khilo Liphuvbo li hi ningago gutumba guya hakha thomba, gasi wu rungudzwe wudhumo waye.

Vaefeso 1:18

Nya gu lomba gukheni a wenengedze mapimo yanu, gasi mu pime gutumba muni mu ranedwago, muti gutala nya dzithomba a dzi vegisedego afela guya ninga va nya guaga;

Josuwa 11:23

Khu guralo, Josuwa a di khozisa tigoni gwatshavbo, kha nga idzo Pfhumu Nungungulu a nga leletelago khidzo Mosi; khu guralo, Josuwa a di li ningela li khala thomba ya na Israyeli, va kabaniswa mayelano khu lihundzu lawe. Khavbo avbo, tigoni gu di manega gurula.

Josuwa 13:1

Gikhati gyogyo, Josuwa a di gumbide, nari ni myaga nya gulaphe, Pfhumu Nungungulu a di mu embela, khuye: “U gumbide, aholu gu nga gu kiyela gipandre nya gingi nya litigo gasi gu liphanga.

Josuwa 21:43

Pfhumu Nungungulu a di ningela ga va na Israyeli, litigo latshavbo a nga bani a sambanyide gu ninga vababe vawe; li di khala lawe avo va vbaha umomo.