Mitengo 33:55 - Bhibhiliya Nya Guage

⁵⁵ Aholu mwa gumba tutumisa mbeli gwanu vavbahi vatshavbo va tigoni, vale mu na va digago va khala vbakari gwanu, va na khala kha nga dzitshingano mahoni gwanu, ni miba nya renge musiwununi gwanu; va na mi thusedzela ga litigo mu na li dzegago.

Mitengo 33:55 Iomraidhean Croise

Ekisodha 23:33

Avo va nga vbahi tigoni gwago, gasi va si gu kutsedzeli gu nyi ghohela; kholu wa gu khozela vanungungulu vawe, isoso khu lisine si na bani siri naphwi gwago.

Ezekiyeli 28:24

Kha gu na manega gambe ndrangani ga Israyeli miba yi na gu va payago, ambari sirangalabwa nya gu va pwise wuvi, vbakari ga vaakelane va va hembululago, gambe va na dziti nya gukhavo Eni kheni Mune Pfhumu Nungungulu.

Mitengo 33:56

Khu guralo, Eni nyi na gira gwanu iso nyi nga vbweta gu gira gwawe.”

2 Vakorinto 12:7

Gasi nyi si dzi gugumugisi khu gutuledwa gogu nya silo nya guete, nyi di thedwa muba givilini, a gu ngilozi ya Sathane yi nyi vetelela, gasi nyi si tali khu matshandza.

Dhewuteronome 7:16

U na mbembisa vathu vatshavbo avo Pfhumu Nungungulu wago, a na gu ningago; maho yago kha ma na va pwela wusiwana, gambe khu na khozela vanungungulu vawe, kholu isoso si nga tshukha si khala milaphwi gwago.

Dhewuteronome 7:4

kholu avo va ngata ndreyisa ndzilani gwangu sanana sago, siya khozela vambe vanungungulu. Wa gu gira isoso, mu na wugedwa khu likhulo la Pfhumu Nungungulu, mu dzegela gumbembiswa khu guvbiredza.

Josuwa 23:7

gasi mu si dzi tshanganisi ni mayigo yaya ma tshadego vbakari gwanu. Mu nga khumbugi malina ya vanungungulu vawe, ambari gu sambanya khavo, mu nga va thumeli ambari gu va khozela.

Valamuli 2:3

Kholu nyi mi embede gambe, kheni: Kha nyi na va tutumisa mbeli gwanu; avo va na khala valala vanu, ni vanungungulu vawe va na mi dembela naphwi.”