Mitengo 33:52 - Bhibhiliya Nya Guage

⁵² gu vbwetega mu tutumisa mbeli gwanu vavbahi vatshavbo va tigoni momo, mu phalalegisela sifananiso satshavbo nya vanungungulu vawe nya gugirwe khu simbi mu khungumulela malanga yawe yatshavbo nya gukhugege.

Mitengo 33:52 Iomraidhean Croise

1 Dzipfhumu 11:7

Khavbo avbo, Solomoni a di vbaha gigomoni gu nga khedzanago ni Jerusalema, giluvelo nya guphasele avbo Khemosi, nungungulu nya manyala wa Mowabhi, ni Moloki, manyala ya na Amoni.

Ekisodha 23:24

U nga khidzimi u khozela vanungungulu wawe, u nga pimedzeli gu gira kha nga idzo va girago avo. Aholu uwe u na va songa vatshavbo, u pandrelela sifananiso sawe satshavbo.

Levhi 26:1

“Mu nga dzi gireleni vanungungulu nya malipha, ambari gu emisani sifananiso nya guvatwe ni sihuru, tigoni gwanu mu nga dzi gireleni siwindri mu si mburisela gasi mu si khozela; kholu Eni kheni Pfhumu Nungungulu wanu.

Dhewuteronome 31:5

Avbo Pfhumu Nungungulu a na mi ningago vathu vovo, enu mu na girani khu avo, kha nga idzo wu rumago khidzo nayo watshavbo nyi mi ningago.

Dhewuteronome 33:29

U kategide uwe Israyeli! Khu mani a fananago nago, uwe u gu litigo u vbanyiswago khu Pfhumu Nungungulu! A gu gitshangu gyago gi gu vhikelago, ni litshari nya wugulu wago! Valala vago va na khoziswa mbeli gwago, aholu uwe u na gandredzela malanga yawe nya sigomo!

Josuwa 11:15

Kha nga idzo Pfhumu Nungungulu a nga leletelago khidzo githumi gyaye Mosi, Mosi nuye a di leletela Josuwa; khu guralo, Josuwa nuye a di si gira; gimwalo ni gimwegyo a ngamba gi landrisa ga satshavbo esi Pfhumu Nungungulu a leletedwego Mosi.

Josuwa 23:7

gasi mu si dzi tshanganisi ni mayigo yaya ma tshadego vbakari gwanu. Mu nga khumbugi malina ya vanungungulu vawe, ambari gu sambanya khavo, mu nga va thumeli ambari gu va khozela.

Josuwa 9:7

Va na Israyeli va di va hakha, khavo: “A gu dzina mwa gu vbanya vbafuvbi gwathu. Hi na kodza kharini gu gira nanu pwanano?”

Valamuli 2:2

Khu guralo, enu mu nga hungini gidzumeledzwano ni vavbanyi va tigoni momu, na mu si gu pfhungumuli siluvelo sawe; aholu kha mwa yingisa lito langu. Khu ginani mu giridego isoso?