Mitengo 33:38 - Bhibhiliya Nya Guage

³⁸ Muphasi nya mhamba Aroni a di gwela gigomoni ga Hori, kha nga guruma ga Pfhumu Nungungulu, a yafa avbovbo, na gu vbindride magumana myaga hwane nya guduge va na Israyeli khu tigoni ga Egipito, esi si giregide khu litshigu nya guhegule nya ngima nya livbandre.

Mitengo 33:38 Iomraidhean Croise

Mitengo 33:39

Gikhati a fudego Aroni gigomoni gya Hori, a diri ni tanga nya lizana ni magumavili na miraru (123) myaga.

Dhewuteronome 1:3

Khu mwaga nya magumana, khu litshigu nya guhegule nya ngima nya likhumi na moyo, Mosi a di ganela ga sanana sa Israyeli, gukhedza khu satshavbo iso a nga rumwago khu Pfhumu Nungungulu gu va embela,

Dhewuteronome 10:6

Sanana sa Israyeli si di khuga khu Bheyerote-Bhene-Jahakami vaya Mosera. Khiyo a nga ya fela iyo Aroni, va mu dzinga iyoyo. Mwanaye Eliyazari, a di mu tshikhedza wulangani gwaye nya wuphasi nya mhamba.

Dhewuteronome 32:50

Uwe u nafa gigomoni momo u na gwelago, u naya hakhwa khu va na gyanu, kha nga ndriyago Aroni a fedego mugigomoni ga Hori, a hakhwa khu va na gyawe;