Mitengo 32:23 - Bhibhiliya Nya Guage

²³ Aholu, mwa gumba girani kharalo, mu na bani mu ghohede Pfhumu Nungungulu, gambe dzitini nya gukhenu gighoho gyanu gi na mi resela tsayiso.

Mitengo 32:23 Iomraidhean Croise

Genesi 13:13

Vathu va Sodhoma va di vivbide ngudzu myonyo yawe, va di gira iso si hambanago ni gugola gwa Nungungulu.

Genesi 4:7

Wa gu gira nya sadi, khu lisine u na zundzega, aholu wa gu gira guvivba, u na modwa khu gighoho kholu gyomo nyangwani gwago gi vbweta gu gu thesa. Aholu uwe guvbweta u gi pala.”

Genesi 44:16

Khavbo avbo, Judha a di hakha, khuye: “Hi na ganela khethu ginani ga pfhumu yangu? Hi na ganela kharini ni gu dzi vhikela kharini? Nungungulu wonegiside guvivba ga ethu sithumi sago. Olu hi na khala dzikhumbi dzago ethu hatshavbo gumogo ni wule a nga manwago ni gikombe.”

2 Samuweli 3:39

Gasi a gu bani ari eni, muhuno nyi vbede tshivba, ambari olu nyi wumbedwego gu khala mufumeli. Gasi vama vava nya sanana sa Zeruwa, va na ni tshivba nya gu nyi vbindre. Pfhumu Nungungulu a na ninge tshatshazelo gighohi khu tsayiso nya gighoho gyaye.”

1 Dzipfhumu 2:32

Khu kharalo, Pfhumu Nungungulu a na gira novba waye wu thega hungoni gwaye abune, kholu, songide vama vavili nya gululame guvbindra uye, a va songa khu litshari nyamba tidwa khu babe wangu Dhavhidhe, a gu Abhineri, mwamana wa Neri, muthangeli nya nyimbi ya Israyeli; ni Amasa, mwamana wa Jeteri, muthangeli nya nyimbi ya Judha.

1 Dzipfhumu 2:33

Khu guralo, novba wawe wu na thegele hungoni ga Jowabhi, ni hungoni nya situgulwana nya livelego laye kala gupindruga. Aholu Pfhumu Nungungulu a na ninga gurula ga Dhavhidhe, ga livelego laye, ga ndranga yaye, ni ga mufumo waye kala gupindruga.”

Dzindzimo 139:11

Ambari nya gu lomba gukheni nyi fenengedzwa khu gidema, wenengedzo wu na vbindrugedza wu khala wutshigu.

Dzindzimo 140:11

Vathu nya malipha va na fuve mafuni, muthu nya dzihanyi a na thegedwe khu libango kala li mu mbembisa.

Dzindzimo 90:8

U vegide sighoho sathu mbeli gwago, u ngu vega guwonegelani sighoho hi giridego gusihalani.

Mavingu 13:21

Wuvivbi wa gu landrisela sighohi, gasi wuwadi tshatshazelo wa va nya gululama.

Mavingu 24:16

kholu muthu nya gululame, ambari a thega livbandre na dzimbili dzinyondro, uye a na wuga, aholu vathu nya guvivbedwe khu monyo, litshigu nya mhango, va na thegela muphelo.

Mavingu 5:22

Muthu nya guvivbe a na modwa khu nandru waye, a hungwa khu ngodzi nya sighoho saye.

Isaya 3:11

Libango ga va nya guvivbedwa khu monyo! Kholu, va na thegedwa khu mhango! Va na hakha tshatshazelo nya esi va yadego khu mandza yawe.

Isaya 59:12

Kholu mithumo yathu nya gunyenyeze yi ngu engedzelana mahoni gwago, ni sighoho sathu si ngu hi fakazela; kholu mithumo yathu nya gunyenyeze yomo avbo gwathu, gambe hi ngu guti guvivba gwathu.

Jona 1:7

Va di embedzelana khu gyawe, khavo: “Hongoleni hi lola dzisolo, gasi hi kodze gutugula gukhethu khu mani a hi reselago libango leli.” Va di lola dzisolo, dzi thegela Jona.

Varoma 2:9

Gu na manega gutshaniseka ni wuvi nya wukhongolo ga vathu vatshavbo va girago guvivba, guphela khu Vajudha kala ga va nya mayigo navo.

1 Vakorinto 4:5

Khavbo avbo, mu nga tutumeli gu lamula gi si gu vbohi gikhati. Virelani Pfhumu a wuye. Uye khuye a nata wenengedzago esi si sihadego gidemani, ni gu funungula esi si sihadego myonyoni nya vathu. Khavbo avbo, muthu ni muthu a na ningwa khu Nungungulu wuzundzo wu mu fanelago.

Josuwa 7:18

na rumide gu hidzimela ndranga yaye, khu moyo ni moyo, solo yi di thegela Akani, mwamana wa Karimi, mwamana wa Zabhidhi, mwamana wa Zera, nya lihundzu la na Judha.