Mitengo 32:14 - Bhibhiliya Nya Guage

¹⁴ Olu enu nenu mwa gu vbweta gu dzega wulanga wa vababe vanu mu khala gitugulwana nya sighohi, mu engedzela likhulo la Pfhumu Nungungulu vbakari ga va na Israyeli.

Mitengo 32:14 Iomraidhean Croise

Genesi 5:3

Avbo Adhamu a nga tshanganisago lizana ni magumararu (130) myaga, a di velega gyanana nya mwama, nya mufananiso ni giyemo nya idzosaye ni uye, a gi riya lina nya gupwani khu Seta.

Genesi 8:21

Pfhumu Nungungulu a dipwa gunengela gwadi nya ningelo wule, a gu ganela, khuye: “Gima kha nyi na nga vala gambe litigo khu kotani nya gughohe ga muthu. Ambari olu muthu gukhugela wananani gwaye a alakanyelago guvivba monyoni gwaye. Aholu, Eni gima kha nyi na nga fuvisa gambe sirengo satshavbo si vbanyago, kha nga edzi nyi giridego.”

2 Dzikoronika 28:13

va va embela, khavo: “Mu nga bedzini ndrangani momu dzikhumbi dzodzo, mwa guvbweta gukhenu hi rwale nandru ga Pfhumu Nungungulu, hi engedzela sighoho sathu nya gutale, gani? Likhulo la Pfhumu Nungungulu li ngu vila bwelo khavbo li pfhurugela vbakari ga na Israyeli.”

Ezira 10:10

Khavbo avbo, Ezira, muphasi nya mhamba a di khuga a va embela, khuye: “Enu mu ghohide khu gu dzegana ni vanyamayi nya mambe mayigo, mu engedzela kharati gighoho gya Israyeli.

Nehemiya 13:18

Khandriso esi si nga girwago khu vababe vanu, gukala Nungungulu wathu a hi rumela libango nya likhongolo li nga ta mbembisa gumogo ni lidhoropa leli, gani? Aholu enu mu nga gu engedzela likhulo la Nungungulu ga va na Israyeli, khu gu nyenyezisani litshigu nya Sabhadho.”

Joba 14:4

Ina khu mani a dzi kodzago gu dusa gilo nya guage, ga gilo nyamba aga, na? Khu lisine mwalo!

Dzindzimo 78:57

Kha va tumbega, va di mu wugela, kha nga vababe vawe, va di penga kha nga giholoma, nya gukhwandrwe khu wulaho nya guwegele.

Isaya 1:4

Libango ga litigo leli nya gutale khu sighoho, vathu va rwadego sighoho, lifumbu nya mithumo nya guvivbe, sanana nya sidambane; va pfhurarede Pfhumu Nungungulu, va hembulula nya Guage wa Israyeli, va bwelelela hwane.

Isaya 57:4

Khu mani mu mu hembululago, na? Khu mani mu si khathaligo khuye? Mwa gu hamela mani likana mu mu dusela lidimi vbavbandze, na? Ina khandri mu sanana nya sighohi ni livelego nya va nya malipha,

Ezekiyeli 20:21

Aholu sanana niso si di nyi wugela, si si landrisi sileletelo sangu, ambari gu sayisa milayo yangu, iyo va nga vbweta gu vbanyiswa khiyo, avo va nyenyeziside dzisabhadho dzangu; khu kotani nya isoso nyi nga ganela kheni nyi na guhula likhulo langu vbatshani gwawe giwulani, nyi wusa khorodza yangu.

Mitengo 32:15

Mwa gu bani mu si dzini gu landrela Pfhumu Nungungulu, Uye nuye a na mi diga giwulani momu, khu guralo, mu na mbembisa vatshavbo vathu vava.”

Luka 11:48

Khu kharati, mu ngu fakaza ni gu dzumela mithumo ya vababe vanu, kholu avo va di songa vaprofeti, enu mu va girela siwindri.

Dhewuteronome 9:24

Enu mu va gu kanyisa Pfhumu Nungungulu, gukhugela litshigu nyi phedego gu mitini.