Mitengo 31:3 - Bhibhiliya Nya Guage

³ Khu guralo, Mosi a di embela vathu, khuye: “Vbakari gwanu, hathani vambe vama va soma matshari, va ya sasela Vamedhiyani, mu phodzela Pfhumu Nungungulu khu iso va giridego.

Mitengo 31:3 Iomraidhean Croise

2 Dzipfhumu 10:30

Avbo Pfhumu Nungungulu a nga embelago Jewu, khuye: “Kha nga u thumidego mithumo ya yadi u gira esi si lulamidego mbeli gwangu, satshavbo iso nyi nga bani nyi si pimisa khu monyoni gwangu, u girede ndranga ya Akabi; khu guralo, sanana sago si na khala vbagikhalotunu nya wufumu wa Israyeli, kala gitugulwana nya wu na.”

2 Dzipfhumu 9:7

U na sasela nyumba ya Akabi, mune wago, gasi nyi phodza novba wa sithumi sangu, vaprofeti ni novba wa sithumi satshavbo sa Pfhumu Nungungulu, wu vbaladzidwego khu gyandza gya Jezabheli.

Ekisodha 17:16

Uye a di khuye: “Kholu Amaleki a wugedego giluvelo gya Pfhumu Nungungulu, nyimbi ya Pfhumu Nungungulu ni Amaleki yi na thapela mimela ni mimelana.”

Jeremiya 46:10

Kholu eli khilo litshigu li lumbago Mune, Pfhumu Nungungulu nya Tshivba Yatshavbo. A na bani nari litshigu nya guphodze, a dzi phodzela ga valala vaye; matshari ma na sasela kala ma kodwa, ma na leva khu novba wawe; kholu Pfhumu Nungungulu nya Tshivba Yatshavbo, a na ni phaso nya mhamba tigoni ga Wuronga, bambe nya tsongo wa Ewufrate.

Jeremiya 50:28

Gu pwala malito nya avo va nga thava ni gu vbuluga khu tigoni ga Bhabhiloni gasi gu ya huwelela gigomoni gya Siyoni guphodza ga Pfhumu Nungungulu wathu, a dzi phodzela ga avo va vbisidego nyumba yaye.

Levhi 26:25

Khu kotani nya gu hambaniseni gidzumeledzwano gyangu, nyi phodza khu gu mi rumela dzinyimbi; mwa gu tshanganani madhoropani gwanu, nyi na rumela vbakari gwanu mitungu, nyi na mi ningelani mandzani ga valala vanu.

Mitengo 25:11

“Fineya mwamana wa Eleyazari, mwamana wa muphasi nya mhamba Aroni, ndreyiside hwindzo likhulo langu ga va na Israyeli, kholu a simamide gu yeyedza githawo avbo gwangu vbakari gwawe; khu guralo, kha nya mbembisa va na Israyeli khu likhulo langu.

Mitengo 25:13

Gi na khala avbo gwaye; ni ga situgulwana saye, gidzumeledzwano nya wuphasi nya mhamba kala gupindruga, kholu simamide gu yeyedza githawo ga Nungungulu waye, a girela gutsetseledwa nya sighoho sa na Israyeli.”

Mitengo 31:4

Mu somisa likhumi mazana (1.000) vama khu ga lihundzu ni lihundzu nya mahundzu yatshavbo ya Israyeli, mu va rumela guya nyimbitunu.”

Valamuli 5:2

“Kha nga olu vathangeli va thangedego Israyeli, vathu navo va dzi ningede wurumba wawe khavbo gu vbeledego. Bongani Pfhumu Nungungulu!

Valamuli 5:23

Li na vadwe lidhoropa la Merozi, gu ganela Ngilozi ya Pfhumu Nungungulu valani ngudzu vavbanyi vaye, kholu, kha vata phasedzela Pfhumu Nungungulu, gu phasedzela Pfhumu Nungungulu gu dwana ni valala vaye nya tshivba.