Mitengo 31:2 - Bhibhiliya Nya Guage

² “Phodzela va na Israyeli ga Vamedhiyani, hwane nya isoso u naya patana gumogo ni vavelegi vago.”

Mitengo 31:2 Iomraidhean Croise

Genesi 15:15

Gasi uwe, hwane nya gu nu vbanyide myaga nya gulaphe, u nafa nu tangade, u naya hefemula gurulani gumogo ni vababe vago.

Genesi 25:17

Myaga nya guvbanye ya Ismayeli, lizana ni magumararu na livbandre na mivili (137) myaga. Hwane nya ugo, a difa aya patana ni vababe vaye.

Genesi 25:8

Abrahama a di hefemudzega; afa na gumbide ngudzu, na tade khu matshigu nya guvbanye, a diya patana ni vababe vaye.

Ekisodha 2:16

Muphasi nya mhamba wa Medhiyani a diri ni livbandre na vavili vanyamahegyane, va ngata rega mati va tadza sighowolo gasi gu sedza tshambi wa babe wawe.

Isaya 1:24

Khu guralo, a ngu ganela Pfhumu Nungungulu nya Tshivba Yatshavbo, nya Dzitshivbe wa Israyeli, khuye: Wonani! Nyi na guhula likhulo langu vbatshani ga vale va nyi vengago, nyi na phodza ga valala vangu.

Nahume 1:2

Pfhumu Nungungulu nya wufu ni gu dzi phodzela! Pfhumu Nungungulu a ngu dzi phodzela na tade khu likhulo! Pfhumu Nungungulu a ngu dzi phodzela ga avo va mu wugelago, na gu yeyedza likhulo laye ga valala vaye.

Mitengo 20:24

“Aroni a na ya lala gumogo ni vakokwe vaye, kholu kha na bela tigoni eli nyi ningidego sanana sa Israyeli, kholu mu ngamba yingisa lito langu matini ya Meribha.

Mitengo 20:26

Tshula dzingandzu dza Aroni u ambagisa mwanaye Eleyazari; kholu Aroni a na ya tshangana gumogo ni va na gyawe afela kamwe vbale.”

Mitengo 25:1

Avbo va na Israyeli va nga bani va vbahide tigoni ga Sitimi, vathu va di bhaya ni vanyamahegyane va na Mowabhi.

Mitengo 25:6

Khu guralo, gu dita moyo nya sanana sa Israyeli, a resa ga vandriyaye nyamayi moyo nya Mumedhiyani, na gu wonwa khu Mosi gumogo ni tshangano watshavbo wa va na Israyeli, avbo tshangano watshavbo wu nga bani wu gu lila vbamwanyatunu nya Tshatsha nya Tshangano.

Mitengo 27:13

Hwane nya gu nu li wonide, uwe nuwe u na ya patana ni vakokwe vago, kha nga edzi a giridego ndriyago Aroni.

Mitengo 31:1

Pfhumu Nungungulu a di embela Mosi, khuye:

Mitengo 31:3

Khu guralo, Mosi a di embela vathu, khuye: “Vbakari gwanu, hathani vambe vama va soma matshari, va ya sasela Vamedhiyani, mu phodzela Pfhumu Nungungulu khu iso va giridego.

Luka 21:22

kholu matshigu yoyo khya gu dzi phodzela, gasi gu tadzisega satshavbo iso si nga lowago.

Mithumo 13:36

Wonani, Dhavhidhe fude hwane nya gu na enedzile matshigu nya thumo waye, na gu landrisa guhaladza gwa Nungungulu. Na dzingidwe, a di ya lala ni vababe vaye a gu hina.

Varoma 12:19

Vandruye, mu nga dzi phodzelini mwabune, digani Nungungulu a tsayise, kholu Pfhumu a ngu ganela omu nya Milowo nya Guage, khuye: “Eni kheni nyi gu ni fanelo nya gutsayise; kheni nyi na tshatshazelago.”

Varoma 13:4

Kholu fanelo yatshavbo nya guthangele vathu ya guta khu ga Nungungulu, gasi guthumela uwe. Aholu wa gu gira guvivba u na ni fanelo nya guthave, kholu vathangeli va na ni tshivba nya gutsayise. Muthangeli kha phari ndronga mahala. Wuthangeli wa gu thumela Nungungulu khu gu tsayisa vale va girago guvivba.

Dhewuteronome 32:35

Guphodza ni gubweledzela sa gu lumba eni, li na vboha litshigu eli ngondro wawe wu na kwirigago; kholu mahegiso gwawe gu na vboha nyamba hwela, silo va dongisedwago si nguta khu guvbiredza.

Dhewuteronome 4:22

Kholu eni nyi nafa ga wulanga wowu, kha nyi na tshatuga tsongo wa Joridhani; Aholu enu mu na tshatuga gambe mu naya dzega litigo lile nya ladi.

1 Vatesalonika 4:6

Ga silo sesi, kha gu vbwetegi na moyo a girela guvivba ndriyaye gukhodwani, ambari gu mu supha. Nga olu hi mi embedego ni gu mi tivisani, Pfhumu a ngu tsayisa satshavbo sighoho isoso.

Vahebheru 10:30

Kholu hi ngu muti gwadi oyu a nga khuye: “Guphodza ni gubweledzela sa gu lumba eni. Nyi na ninga tshatshazelo.” A engedza gambe, khuye: “Pfhumu yi na lamula vathu vaye.”

Gutuledwa 18:20

Nengelani mu bhuma vbatshani gwaye, ndzadzi, ni enu mwatshavbo va nya gukatega, ni vapostoli, ni vaprofeti. Kholu Nungungulu lamude khu gu mi phodzela, khu gu tsayisa kharati lidhoropa leli.

Gutuledwa 19:2

Kholu gulamula gwaye khwa lisine ni gululama, khaguva tsayiside gibhayi gikhongolo gi nga mbembisa litigo khu wubhayi waye, gambe phodzede vbatshani ga igyo novba wa sithumi saye.”

Gutuledwa 6:10

Va di gu huwelela khu tshivba, khavo: “ Pfhumu, uwe khuwe u agidego ni gutumbega! Hi na lirela kala lini gasi u lamule vathu va tigonimu, u hi phodzela olu va nga hi songetelago?”

Valamuli 16:24

Avbo vathu va tigoni, va nga wona Samisoni, va di rungudza nungungulu wawe, kholu va di gukhavo: “Nungungulu wathu a ningede mandzani gwathu nala wathu, a nga bani a pfhungumula litigo lathu, uye a nga saselago vathu nya vangi va na gyathu.”

Valamuli 2:10

Ni melana watshavbo wowu nuwo, wu diya dzi pata gumogo ni vababe vawe; aholu khu hwane gwawe wu di tumbuluga wumbe melana wu nga bani wu si muti Pfhumu Nungungulu, ambari ni thumo nya wadi a wu giredego va na Israyeli.