Mitengo 31:14 - Bhibhiliya Nya Guage

¹⁴ Mosi a di gorogela vathangeli nya nyimbi, dzindruna nya sikwata nya likhumi mazana, ni dzindruna nya sikwata nya lizana va nga bani va wuya khu nyimbitunu.

Mitengo 31:14 Iomraidhean Croise

2 Samuweli 18:1

Dhavhidhe a di saya vathu vaye, a emisa mbeli gwawe vathangeli nya sikwata nya likhumi mazana (1.000) niso nya lizana (100).

1 Dzipfhumu 20:42

Uye a di embela mufumeli, khuye: “Pfhumu Nungungulu a ngu ganela kharati, khuye: Kha nga olu uwe u digidego mwama yoyu nyi nga bani nyi layide gukheni a songwe, uwe u na mu livba khu womi wago, ni vathu vago, va na mbembiswa wulangani ga vathu vaye.”

2 Dzipfhumu 13:19

Khavbo avbo, muthu wa Nungungulu, a di mu gorogela ngudzu a mu embela, khuye: “Nari pwani u di payide livbandre, mwendro livbandre na mweyo dzinyondro, u di hadza gu pala Vaasiriya livbandre na mweyo dzinyondro, kala u va mbembisa; aholu Vaasiriya u na va pala nyondro tharu basi.”

Ekisodha 32:19

Avbo Mosi a nga hidzimelago wughovelotunu, a di wona githombe nya mombe ni vathu na va gu hana. A dipwa wuvi nya wukhongolo, a gu rinya siwindri vbavbatshi, si gu pandrega tshinani nya gigomo.

Ekisodha 32:22

Aroni a di hakha, khuye: “Pfhumu yangu, u nga gorogi ngudzu guvbindrisa. Uwe u ngu dziti gwadi gukhuwe vathu vava va wegelede guvivbani.

Levhi 10:16

Mosi a di vbweta guti ginani va giridego khu nyamabhongwe nya phaso nya ditshedzo, a wona gukhuye wu di vbiswa. Khavbo avbo, a di goroga ngudzu a vbenyela Eliyazari ni Itamari, sanana si nga tshalago sa Aroni, khuye:

Mitengo 12:3

Aholu Mosi a diri muthu nya gurule ngudzu, guvbindra vathu vatshavbo va mafuni.

Mitengo 31:13

Mosi ni muphasi nya mhamba Eleyazari, ni vathangeli nya tshangano, va di duga guya va hakha vbavbandze nya lizumbo.

Mitengo 31:15

Mosi a di va embela, khuye: Ina mu di diga vanyamayi vatshavbo va vbanya, gani?

Mitengo 31:48

Aholu, vathangeli nya masotshwa va nga bani va thangede sikwata nya likhumi mazana, ni sikwata nya lizana va dita ga Mosi, vata, khavo:

Vaefeso 4:26

Mwa gu mana gigaradzo monyoni, dzi woneleni, mu nga digi gugaradzega gwanu gu khala gighoho. Likhulo lanu li nga hweli kala mu gu pfoledwa khu lidambo mu ngari nalo.

1 Samuweli 8:12

vambe a na va gira dzindruna nya sikwata nya likhumi mazana, vambe nya sikwata nya livbandre magumi; vambe va lima marembwe yaye ni guvbwera dzimbewu dzaye; vambe va pfhula matshari nya nyimbi ni simbi nya dzikareta dzaye.