Mitengo 30:8 - Bhibhiliya Nya Guage

⁸ Aholu mwama waye a gu dzegela gu mu himbedzela khu litshigu lolo a mupwago, uye a na bani na tshulegide ga gisambanyo gyaye, ni magana yatshavbo ma dugidego khu kanani gwaye, a dzi hungidego khayo. Khu guralo, Pfhumu Nungungulu, a na mu tsetselela.

Mitengo 30:8 Iomraidhean Croise

Genesi 3:16

A di embela gambe nyamayi, khuye: “Nyi na gu gira u wona sigaradzo mimbani gwago, u na velega sanana khu wuvi nya wukhongolo, ambari ulo, u na khala lidora ngudzu nya mwama wago, aholu uye a na gu fumela.”

Jeremiya 44:19

Vanyamayi va di engedza gu ganela, khavo: “Wa gu alakanya gukhuwe avbo hi nga bani hi gu vbisela libani ni gu gira miphaselo nya wadwa ga Pfhumugadzi ya Ndzadzini, ni gu gira sibaba nya gu mu khozele, gu diri silo nya gu si khugele nyamba tidwa khu vama vathu, gani?”

Levhi 5:4

Mwendro muthu a gu ganela nyamba phela khu gu pimisa a sambanya gu gira gilo, gani gilo nya guvivbe, gani gilo nya gyadi, mwendro ni gevbini gilo muthu a ganelago mahala a sambanya nyamba dziti, gikhati a dzitigo, a na bani nari ni nandru.

Mitengo 30:5

Aholu, babe waye a gu mu himbedzela khu litshigu lolo a nga mu pwago na gu sambanya, ni magana yatshavbo a fungidego, kha ma na tiyiswa; Pfhumu Nungungulu a na mu tsetselela, kholu babe waye a mu himbedzede.

Mitengo 30:7

a gu pwidwa khu mwama waye na gu sambanya khu litshigu lolo a si mu himbedzeli, gifungo gyaye gi na tiya, ni magana yaye yatshavbo a fungidego khayo, ma na tiya.

Mitengo 30:9

Aholu, a gu bani nari gisambanyo gya noni mwendro gya nyamayi a hudwego khu mwama waye, magana yatshavbo a dzi hungidego khayo, ma na tiyiswa avbo gwaye.

1 Vakorinto 14:34

vanyamayi va nga ningwi wulanga va ganela mitshanganoni. Khandri gwadi vanyamayi gu ganela mu vathuni. Avo va na yingise kha nga edzi wu rumago khidzo Nayo wa Mosi.

1 Vakorinto 7:4

Mwangadzi kha fumeli givili gyaye, kholu gya gu lumba mwama waye. Khidzo gambe kharato, mwama kha fumeli givili gyaye, kholu gya gu lumba mwangadzi waye.

1 Samuweli 1:23

Mwama waye Elikana a di mu hakha, khuye: “Gira esi u si wonago na siri sadi; khala gaya kala u digisa libele gyanana; kala Pfhumu a tiyise magana yaye.” Khu guralo, nyamayi a di khala gaya a dandrisa gyanana kala gu enedza matshigu nya gu gi digise libele.